
النور الأزرق والأحمر كان بيخبط في شبابيك القاعة والناس واقفة في مكانها كأن حد داس على زر إيقاف مؤقت. محدش بيتحرك، ومحدش قادر يجمع جملة مفيدة. صوت المطر برة بقى خفيف، بس جوه القاعة الجو كان مشحون لدرجة إن أي نفس ممكن يولّع شرارة.
باب القاعة اتفتح بالراحة، ودخل ظابط شاب لابس ميري وعليه ملامح جدية، وراه اتنين من العساكر، ومعاهم موظف من النيابة أو مأمور ضبط قضائي معاه ورق رسمي. الظابط بص حواليه بعينين فاحصتين لحد ما وقعت عينه على كريم اللي كان واقف ووشه بقى أصفَر من ورقة المكتب.
أستاذ كريم… كريم محمود الجندي؟
كريم فتح بقه ومطلعش صوت. ركبه كانت بتخبط في بعضها، وملامح الرجولة والغرور اللي كان داخل بيها الفرح الصبح اتبهدلت في ثانية.
منى لفت بسرعة للظابط وعينيها مليانة دموع وذهول
يا فندم… حضرتك جاي ليه؟ ده يوم فرحنا! أكيد في سوء تفاهم!
الظابط بصلها بنظرة فيها أسف مش شماتة، وقال بصوت واضح مسموع للكل
مفيش سوء تفاهم يا آنسة. في أمر ضبط وإحضار وصادر بناءً على بلاغ رسمي وتحقيقات نيابة الأموال
العامة في قضية اختلاس وتزوير مستندات في شركة الجندي للتجارة واللوجستيات، وتبديد أموال مملوكة للشريك الأساسي حسام محمود الجندي.
القاعة كلها لفت بروسها ناحيتي.
حسيت إن الأرض بتسحبني لتحت، بس المرة دي مش من الۏجع والكسرة بتوع الصبح. لأ… حسيت إن في حاجة تقيلة كانت كاتمة على نفسي بقى ليها اسم ومكان. عيني جت على كريم، اللي كان بيبصلي برجاء غريب، كأنه مستنيني أقوله معلش يا حضرة الظابط ده أخويا.
بس أنا متكلمتش.
أمّي قربت من الظابط وهي بتترعش، وإيدها بتخبط في هدومها
يا ابني حرام عليك! ده أخوه! حسام هو اللي هيتنازل، مش كده يا حسام؟ قولهم إنك مش عايز حاجة من أخوك!
عمتي نوال دخلت في الخط بصوت عالي وهي بتبصلي بغيظ وخوف في نفس الوقت
أيوة يا حسام! ده دمك ولحمك! هترمي أخوك في السچن عشان فلوس؟! ده إنت حتى بقيت كويس ومش ناقصك حاجة!
وقفت ساكت ثانية. بصيت لعمتي، وبصيت لأمي، وبعدين بصيت لمنى اللي كانت واقفة بفستانها الأبيض كأنها ضيفة بالغلط في مكان مش مكانها. الفستان الأبيض اللي كانت لابساه عشان تتجوز
أخويا بقى شكله غريب أوي وسط الدوشة دي.
أنا مش هتنازل.
صوتي طلع هادي، بس فيه نبرة جديدة عليّا أنا نفسي. نبرة مفيهاش انكسار، ولا ترجي، ولا خوف من إن حد يبص في وشي.
كريم اتنهد بحړقة وبصلي
بجد يا حسام؟ بعد كل اللي كان بينا؟
اللي كان بينا انتهى من يوم ما خدت الفلوس اللي كنت بتعالج بيها، ومن يوم ما بصيت لمراتي بعين تانية وأنا نايم في السرير بۏجعي.
الظابط أشار للعساكر، وخدوا كريم معاهم وسط همهمات المعازيم اللي بدأوا يتسحبوا واحد ورا التاني، كل واحد عايز يخلع من المشهد قبل ما يطوله رذاذ الڤضيحة. عمتي نوال سحبت بنتها سمر وخرجوا وراهم وهما بيتمتموا بكلام مش مفهوم، وأمي فضلت واقفة مكانها مذهولة، مش عارفة تروح ورا ابنها اللي بيتاخد ولا تقعد جنب ابوها اللي كان قاعد على كرسي في الجنب ومش قادر يرفع راسه.
منى قربت مني خطوة، وبصتلي بنظرة غريبة؛ فيها ڠضب، وفيها ندم متأخر، وفيها سؤال هي نفسها مش عارفة إجابته
إنت كنت عارف إن في قضية؟
بصيتلها بهدوء
لأ يا منى. أنا زيي زيك عرفت دلوقتي. بس الفرق إن أنا مكنتش
مستني حاجة منك من زمان.
لفيت
مشيت ناحية الباب. القاعة بقت فاضية إلا من كام واحد واقفين بعيد وأبويا اللي كان قاعد ساكت.
برة الباب، في الممر الضيق اللي بيوصل للجنينة الجانبية، كانت ملك واقفة لوحدها، ساندة ضهرها على الحيطة، وبتبص للسما اللي بدأت تصفّى شوية بعد المطر. الفستان الأحمر البسيط اللي كانت لابساه كان مبلول شوية من تحت عند الطرف، وشعرها مربوط ببساطة.
قربت منها بخطوات بطيئة. لما سمعت صوت خطواتي، لفت راسها وبصتلي.
لأول مرة من ساعة ما قابلتها، وقفت قدامها وأنا حاسس إن في حاجة بيننا اتغيرت. مش مجرد غريبين اتجمعهم صدفة سودا في يوم مطر.
شكرًا.
الكلمة طلعت مني ببساطة.
ملك ابتسمت ابتسامة صغيرة، دافية، مفيهاش أي تكلّف
على إيه؟ أنا بس عملت شغلي… والصدفة خلت شغلي ييجي في مصلحة حد يستاهل.
إنتِ عرفتي منين إن أنا حسام الجندي؟
سألتها وأنا مركز في عينيها. عينيها كانت واسعة، لونها عسلي غامق، وفيها ذكاء ولمعة بتقول إنها مش بنت عادية.
لما قعدنا في الجنينة وحكيتلي عن الشركة والحاډثة والفلوس، ربطت الأحداث ببعضها. أنا ماسكة الملف ده بقالي أربع شهور، وكنت
بدور على خيط يثبت إن في تحويلات خارجية بتتم باسم واحد من الشركاء، ولما عرفت إن أخوك هو اللي بيدير الحسابات اليومية، فهمت كل حاجة.
هزيت راسي وأنا مبتسم نص ابتسامة
وليه مقولتليش وإحنا رايحين؟
بصتلي شوية، وبعدين قالت بصوت واطي شوية
عشان لو كنت قولتلك، كنت هتحس إنك مجرد أداة في إيدي، أو إنك جاي عشان ټنتقم. وأنا مكنتش عايزة كده. أنا شفت في عينيك ۏجع حقيقي، وكنت عايزة أقف جنبك كإنسانة، مش كمحامية.
الكلام ده لمس حاجة جوايا. بقالي سنتين بسمع كلام كله حسابات ومصالح ومظاهر. أول مرة حد يقولي إنه شاف ۏجعي كإنسان، من غير ما يبص للخط اللي قاسم وشي نصين.
طب وقولتي إنك معندكيش مكان تروحيله النهارده… ده كان حقيقي ولا عشان تقنعيني أرجع؟
ملك ضحكت ضحكة خفيفة، ورفعت كتفها
لأ، كان حقيقي. أنا كنت قاعدة في شقة إيجار قديم، وصاحب البيت قرر يبيع العمارة وادانا مهلة نخرج، وكنت لسه بدور على سكن جديد، والنهارده كنت رايحة أشوف شقة ووقعت في بركة المية وبهدلت الدنيا.
بصيتلها باستغراب
محامية في قضية كبيرة زي دي وقاعدة في شقة إيجار وبتقع في بركة مية؟
المحاماة مش دايمًا فلوس وقصور يا حسام. ساعات بتكون مبادئ، وأنا عندي مبدأ إن الحق مبيتباعش، حتى لو هدفع تمنه من راحتي.
وقفت قدامها ثانية، والهوا البارد كان بيحرك خصلات من شعرها. لأول مرة من سنتين، حسيت إن الندبة اللي في وشي مش بتوجعني لما حد بيبصلي. عينيها كانت ثابتة في عيني، مفيهاش أي نفور أو استغراب.
طب وإنتِ هتروحي فين دلوقتي؟
سألتها وأنا بجد قلقان. الوقت كان اتأخر، والدنيا بقت ليل والجو ساقعة.
هروح أوتيل قريب كام يوم لحد ما ألاقي شقة مناسبة.
بصيتلها بنظرة فيها إصرار
لأ، مش هتروحي أوتيل. أنا عندي شقة صغيرة في المعادي، قفلتها بعد الحاډثة ومروحتهاش من زمان، بس نظيفة ومفروشة. تقعدي فيها لحد ما تلاقي اللي يناسبك، وتعتبريني أخوكي… أو أي حاجة تحبيها.
ملك بصتلي طويلاً. نظرتها كانت بتفحصني، كأنها بتقيس صدق كلامي. وبعدين قالت بهدوء
وإنت؟ هتروح فين؟
هرجع البيت ده ألم حاجتي، وبعدها هشوف هعمل إيه.
لوحدك؟ بعد كل اللي حصل النهارده؟
ابتسمت ابتسامة هادية
أنا بقالي سنتين عايش لوحدي حتى وأنا وسط أهلي. الوحدة مش جديدة عليّا.
ملك
قربت خطوة، ومدت إيدها بهدوء وحطتها



