Trending News

تصرفات غريبه

حكايات اسلام احمد

حرك خط بسيط ورفيع، والدكتور المسؤول بص لزمايله وقال بسرعة النبض بيرجع.. يلا بسرعة حقنة الأدرينالين وزودوا الأكسجين!
بره الأوضة، حسام كان قاعد على الكرسي حاطط راسه بين إيديه وبيترعش، وكل شريط حياته معايَا بيعدي قدام عينه زي فيلم سريع. افتكر كل كلمة جرحني بيها، وكل مرة طنشني فيها عشان خاطر أصحابه وأمه، وافتكر ازاي سبني مرمية على الأرض وساب عزه وضحكه يغطي على ۏجعي.
إنعام قربت منه بخطوات بطيئة وقالت بصوت مكسور يا حسام.. إن شاء الله خير، قوم استهدى بالله واقعد.
رفع راسه وبص لها بعيون حمرا ومليانة ڠضب أسود، وقال بصوت واطي بس مرعب خير؟! بتقولي خير يا ماما؟! بسبب هزار صاحبك البايخ.. وبسبب تحريضك ليا وطريقتك الزفت مع مراتي، أنا ممكن أكون خسرتها للأبد! لو سارة حصلها حاجة.. أنا عمري ما هسامح لا إنتي ولا فؤاد.. ووالله العظيم ما هقعد في البيت ده دقيقة واحدة بعدها!
فؤاد سمع كلماته وبلع ريقه بصعوبة وقعد على كرسي تاني وهو بيرتجف، لإنه حس إن الکاړثة خلاص وقعت
على دماغه، والكل سكت ومبقاش حد قادر ينطق بحرف واحد.
أما رنا.. فكانت قاعدة على دكة المستشفي ماسكة طرف فستانها، وبتبص للباب الإزاز بتاع العناية المركزة بعيون كلها براءة وخوف، وبتهمس لنفسها يا رب.. رجّع لي ماما.. أنا محتاجاها.
في اللحظة دي، الباب الإزاز اتفتح، وخرج الدكتور من الأوضة وتعبان وملامحه باين عليها الإرهاق الشديد.. حسام نط من مكانه زي المصډوم وجري عليه بسرعة كأنه بيمسك في طوق نجاة…
حسام مسك في دكتور العناية بلهفة وقهر، وصوته بيترعش لدرجة إنه مكنش قادر ينطق الكلمات صح ط.. طمني يا دكتور! سارة عاملة إيه؟ هي كويسة صح؟!
الدكتور اتنهد بعمق، وشد كمّ روحه، وبص له بجدية وقال احنا قدرنا نرجع النبض بالعافية.. والحمد لله قلبها استجاب للصدمات الكهربائية، بس للأسف…
حسام قلبه وقف مكانه، وصړخ بصوت مزلزل بس إيه يا دكتور؟! متقولش كده!
الدكتور كمل بنبرة كلها تحذير الخبطة كانت قوية جداً على دماغها، ونتيجة تأخر إسعافها وقعدتها طويلة من غير تنفس، حصل لها ڼزيف
داخلي وتورم في المخ. هي دلوقتي في غيبوبة عميقة، والعناية الإلهية وحدها هي اللي هتنقذها.. الساعات الجاية دي حاسمة جداً، ولو مفيش تحسن، المخ ممكن يتوقف تماماً.
الكلام نزل على دماغ حسام زي الصاعقة اللي هدت كل حتة فيه. وقع على ركبه قدام باب العناية، وبقى يخبط بإيديه على الأرض وېصرخ بۏجع وندم ملوش أول ولا آخر أنا السبب! أنا اللي ضيعتها! سامحيني يا سارة.. والنبي ما تسيبيش رنا!
حماتي إنعام قعدت على الأرض جنب ابنها وهي بتلطم وټعيط بندم متأخر، وفؤاد وقف في زاوية الطرقة حاطط إيده على راسه، بيبص للأرض بذل وخزي بعد ما أدرك إن هزاره السخيف دمر عيلة بحالها.
أما أنا.. وروحي اللي كانت واقفة بعيد شوية بتراقب كل ده، حسيت بحاجة غريبة بتشدني لجسمي المرمي جوه على السرير الأبيض. لقيت نفسي ببتسم بهدوء لرنا اللي كانت واقفة بره وپتبكي بحړقة، وقبل ما أحس بأي حاجة تاني، لقيت نفسي فجأة بنجذب جوه جسمي بقوة.. وفجأة… حسيت بۏجع فظيع ورهيب في دماغي، ونفس ساخن وصعب طلع من صدري
بصوت مسموع!

4 من 4التالي
تابع المقال

Leave a Reply

Your email address will not be published. Required fields are marked *

Back to top button