Trending News

الست العجوزه اللي رجعلتي حياتي

اط قهرة على السنين اللي راحت.
الست العجوزة جت معايا اليوم ده.
دخلت المكتب وبصت حواليها وقالتلي مالك بټعيطي ليه؟ انتي رجعتي بيتك.
قلتلها بيتي خړاب، مفيش عملاء، مفيش فلوس، مفيش سمعة، الناس كلها فاكرة إني حرامية حتى بعد البراءة، مين هيثق فيا تاني؟
قالتلي أنا هثق فيكي، أول عميل عندك هيبقى أنا، أنا عندي حفيدي عنده مستشفى صغير وهيحتاج مستلزمات طبية، هخليه يمضي معاكي عقد.
وفعلاً، كلمت حفيدها في التليفون قدامه وقالتله عايزاك تمضي مع البنت اللي قاعدة جنبي دي، دي أشطر واحدة مسكت حسابات في حياتي.
الحفيد جه بعد يومين ومضى عقد صغير، بس العقد ده كان بداية.
خدت العقد ده وروح لفيت بيه على كل العملاء القدامى، قلتلهم أنا بريئة، ودي أول شركة رجعت تثق فيا، ادوني فرصة شهر واحد بس.
واحد ورا التاني، بدأوا يرجعوا.
مش عشان شاطرين، عشان صعب عليهم الست اللي اتسجنت ظلم.
وفي وسط كل ده، جالي جواب من السچن.
جواب من أختي.
فتحته لقيتها كاتبة سامحيني، أنا اللي ضيعتك، جوزك هو اللي لعب بدماغي وقالي هناخد الشركة ونبيعها ونهج ونسافر، وأنا صدقته عشان كنت بحب الفلوس أكتر منك، أنا عارفة إنك عمرك ما هتسامحيني، بس أنا عايزة الساعة بتاعة أبويا تفضل معاكي، انتي اللي تستاهليها.
مردتش عليها.
مش عشان قلبي قاسې، عشان كنت لسه موجوعة.
بعدها بشهر، جالي جواب تاني من جوزي.
كاتب فيه أنا آسف، أنا ضيعت كل حاجة، ضيعتك انتي والشركة وحتى نفسي، كنت فاكر الفلوس هتخليني راجل، طلعت خلتني مسجون، لو خرجت مش هتلاقيني، هسافر بعيد، بس عايزك تعرفي إني لسه بحبك.
قطعت الجواب ورميته.
الست العجوزة لما عرفت إني قطعت الجواب، قالتلي جدعة، اللي يبيعك مرة، يبيعك كل مرة.
الشركة بدأت تقف على رجليها تاني بعد ست شهور.
رجعت أشغل الموظفين القدامى، وزودت مرتباتهم، وقلتلهم اللي فات ماټ، احنا هنبدأ من جديد.
وفي يوم، وأنا قاعدة في المكتب، دخلت عليا بنت صغيرة، عندها بتاع عشرين سنة، بتترعش وبتقولي حضرتك كنتي مسجونة قبل كده؟
قلتلها أيوه.
قالتلي أنا لسه خارجة من السچن بقالي أسبوع، ومش لاقية شغل، وكل الناس بترفضني، ممكن تشغليني عندك؟
بصيتلها، شفت نفسي فيها من سنة.
شفت نفس الخۏف، نفس الكسرة.
قلتلها بتعرفي تعملي ايه؟
قالتلي بعرف أنضف وأطبخ وأكتب على الكمبيوتر.
قلتلها تعرفي تمسكي حسابات؟
قالتلي لأ، بس أتعلم.
قلتلها خلاص، هتشتغلي معايا، وهعلمك.
ومن ساعتها، بقيت أي واحدة تخرج من السچن ومش لاقية شغل، تيجي عندي، أشغلها.
الشركة بقت مش بس شركة مستلزمات طبية، بقت شركة بتدي فرصة تانية.
والست العجوزة؟
في يوم جمعة، روحت أطبخ عندها زي العادة، لقيتها تعبانة شوية.
قالتلي أنا حاسة إني هامشي قريب.
قلتلها متقوليش كده.
قالتلي لا، أنا مش خاېفة، أنا عشت كتير، وشفت كتير، بس عايزاكي توعديني بحاجة.
قلتلها أوعدك بأي حاجة.
قالتلي لما أموت، متعيطيش عليا، اعمليلي ملوخية زي ما بتحبيها، واقعدي كليها انتي وحفيدي، وافتكريني.
بعدها بأسبوع، الست العجوزة ماټت.
ماټت وهي نايمة في سريرها، في هدوء.
روحت عندها يوم الجمعة، لقيت البيت فاضي، وريحتها لسه موجودة.
عيطت، بس افتكرت وصيتها، قمت عملت ملوخية وقعدت أنا وحفيدها ناكلها ونفتكرها.
حفيدها اداني ورقة، كانت كاتباها قبل ما ټموت.
يا بنتي اللي معرفش اسمها غير متأخر، انتي رجعتيلي إحساس إني أم، وأنا كنت فاكرة إني خلاص مبقتش أم لحد، خلي الساعة بتاعة أبوكي تفضل في ايدك، وخلي شركتك تفضل فاتحة بابها لأي واحدة مظلومة، وافتكريني كل جمعة بطبخة حلوة.
دلوقتي، كل جمعة، بطبخ ملوخية، وبقعد آكلها لوحدي في بيت الست العجوزة اللي بقى بيتي التاني.
والساعة بتاعة أبويا لسه في ايدي، والشركة بقت أكبر
من الأول، وبقى بيشتغل فيها عشر ستات كانوا مسجونين قبل كده.
وأختي؟
خرجت من السچن بعد سنتين حسن سير وسلوك، جت لحد عندي المكتب، كانت رفيعة وشكلها تعبان.
قالتلي أنا مش جاية أطلب فلوس، أنا جاية أطلب شغل.
بصيتلها، وشفت الساعة في ايدي.
قلتلها هشغلك، بس مش عشان انتي أختي، عشان انتي واحدة خرجت من السچن ومحتاجة فرصة، زي ما أنا كنت محتاجة فرصة.
وشغلتها.
في المخزن، بتمسك البضاعة.
ومبقيناش نتكلم كتير، بس كل ما تشوف الساعة في ايدي، بتبص في الأرض.
وجوزي؟
مسمعتش عنه حاجة تاني، غير إن حد قالي إنه سافر وبيشتغل في بنزينة بره الولاية.
والظرف اللي كان فيه الفلوس اللي رمته أختي عند رجلي أول مرة؟
لسه محتفظة بيه في درج المكتب، مكتوب عليه بخط ايدي أول يوم رجعت فيه آخد حقي.
عشان أفضل فاكرة إني كنت في يوم من الأيام واقفة في حوش بيت مش بيتي، واحدة وترميلي فلوس عند رجلي، ودلوقتي أنا اللي واقفة في مكتبي، وهي اللي جاية تطلب مني شغل.

4 من 4التالي
تابع المقال

Leave a Reply

Your email address will not be published. Required fields are marked *

Back to top button