من ساعة ما أخويا اتجوز، وأنا ملاحظة إن مراته بتتعامل معاه بطريقة غريبة جدًا وسط العيلة، لدرجة إن تصرفاتها بقت تلفت نظر كل اللي قاعدين، لكن محدش عنده الجرأة يتكلم معاها!
في الأول كنت بقول لنفسي يمكن دي طبيعتها، ويمكن لسه عروسة جديدة وعايزة تبين حبها لجوزها، لكن مع الوقت بدأت أحس إن الموضوع مش مجرد حب أو اهتمام، وإن فيه حاجة مش طبيعية في تعلقها بيه.
أخويا كريم عنده 29 سنة، واتجوز من حوالي أربع شهور بنت اسمها نادين، عندها 25 سنة. جوازهم كان تقليدي، عن طريق معارف العيلة، واتقابلوا كذا مرة قبل الخطوبة، وبعدها اتفقوا واتجوزوا، وكلنا كنا فرحانين بيهم.
نادين من
أول يوم دخلت فيه بيتنا وإحنا عاملناها كأنها أختنا، ماما كانت بتعتبرها بنتها، وبابا كان بيجيب لها طلباتها كل ما يروح السوق، وأنا وأختي كنا بنحاول نقرب منها ونخرج معاها ونفهمها إن بيتنا بقى بيتها.
لكن من أول شهر جواز بدأت ألاحظ تصرفات غريبة.
فاكرة أول موقف حصل قدامي كان يوم ما كنا متجمعين عند ماما يوم الجمعة، وكلنا بنقسم اللحمة بعد ما بابا جاب الدبيحة.
كنت واقفة جنب ماما وبساعدها، وكريم كان واقف بياخد نصيبه، ونادين جنبه.
لقيتها بتقرب منه وبتهمس في ودنهخد دي يا حبيبي، دي أحسن، أنا مش عايزاك تاخد القطعة الصغيرة دي.
كريم ضحك وقالهايا بنتي ما هي كلها لحمة، إيه
الفرق؟
لكنها أصرت تبدل القطعة اللي في إيده بالقطعة اللي معاها، وقالتلهلا، أنا عايزاك تاخد الأحسن، أنا مش فارق معايا.
كريم حاول يرفض، لكنها فضلت مصممة لحد ما أخدها.
الموقف كان بسيط، بس استغربت إنها حتى في وسط الناس مش قادرة تسيبه ياخد حاجة لنفسه من غير ما تتدخل.
وبعدها بكام يوم كنا عند خالتي، والستات قاعدين في أوضة والرجالة في الصالة.
نادين كانت قاعدة معانا، وفجأة قامت وقالت إنها عايزة تجيب حاجة من شنطتها، وبعدها اختفت شوية.
لما خرجت أدور عليها، لقيتها قاعدة جنب كريم على الكنبة وسط الرجالة!
والأغرب إنها كانت مزنقاه في طرف الكنبة، وقاعدة لازقة فيه رغم إن فيه
مكان واسع جدًا.
ابنعمي ضحك وقاليا نادين، سيبي الواد يعرف يقعد، هو مش هيهرب منك!
كلنا ضحكنا، لكنها ردت بكل ثقةأعمل إيه بس؟ ما أنا بحب جوزي ومبحبش أبعد عنه.
كريم ابتسم ابتسامة محرجة وحاول يغير الموضوع.
أنا وقتها بصيت لأختي، لقيتها بتبصلي بنفس النظرة اللي في عيني، وكأننا الاتنين بدأنا نلاحظ إن الموضوع زاد عن حده.
لكن أكتر حاجة كانت مستغرباها هي وقفتها عند السلم كل يوم.
كريم شغله بعيد عن البيت، وكان بيرجع في ميعاد شبه ثابت، ومن ساعة ما اتجوز بقت نادين تستناه عند باب الشقة أو على السلم.
أول ما تسمع صوت خطواته، تجري تفتح الباب، وتاخد منه الشنطة، وتسأله أكلت إيه وشربت إيه وكان
يومك عامل إزاي.
ماما كانت بتشوف ده حاجة جميلة وتقولربنا يهنيكم ببعض يا ولاد، ويخليكم سند لبعض.
لكن مرة كريم اتأخر حوالي ساعة عن ميعاده.
نادين فضلت تتصل بيه، وكل شوية تطلع البلكونة وتبص في الشارع، وبعدها نزلت تحت وسألت البواب إذا كان شافه.
أنا كنت قاعدة عند ماما، فقلتلهايا نادين اهدي شوية، أكيد في الطريق، هو مش طفل صغير.
ردت عليا بعصبيةأنا مش هقدر أقعد مستنية كده، أنا لازم أعرف هو فين.
وبعدها فوجئت إنها بتسأل على تاكسي يوديها ناحية شغله!
قلتلهاإنتِ هتعملي إيه؟ استني شوية، يمكن يكون قرب يوصل.
قالتليمش هرتاح غير لما أشوفه بعيني.
وبالفعل، بعد دقائق ظهر كريم
داخل الشارع، وأول ما شافته جريت عليه وسابته حتى ما يسلمش على البواب، وفضلت تسأله كان فين وليه مردش على التليفون.
كريم كان متضايق وقالهايا نادين، أنا كنت في اجتماع، وموبايلي كان سايلنت، مش لازم كل ده.
ردت عليه وهي بتكتم دموعهاإنت مش حاسس بيا، أنا كنت ھموت من القلق عليك.
الموقف خلاني أحس إن كريم نفسه بدأ يتضايق من تصرفاتها، لكنه كان بيعدي كل حاجة علشان ما يعملش مشكلة.
ومع الوقت بقيت ألاحظ إنها مش بس بتراقبه في البيت، دي كمان بتحاول تعرف كل تفاصيل يومه.
مين كلمه؟ مين بعتله؟ هيروح فين بعد الشغل؟ وهيقعد مع مين؟
حتى لو خرج يشتري حاجة من تحت، تفضل واقفة عند الباب
لحد ما يرجع.
وفي مرة
كان كريم بيتكلم معايا عن موضوع يخص شغله، وطلب مني أساعده أبحث عن فرصة في شركة تانية، ولما نادين سمعتنا، وشها اتغير تمامًا.
قالتلهإنت بتفكر تغير شغلك من غير ما تقولي؟
رد عليهاأنا لسه بتكلم مع أختي، مفيش حاجة حصلت.
قالتأنا مش عايزاك تغير أي حاجة في حياتك من غير ما نتفق الأول.
ساعتها حسيت إن كريم اتخنق من الكلام، لكنه سكت.
قررت بعدها أتكلم معاها بعيد عن الناس، يمكن تكون محتاجة حد ينصحها.
وفي يوم كانت قاعدة معايا في المطبخ، فقلتلها بهدوءبصي يا نادين، أنا عايزة أقولك حاجة، وياريت متفهميهاش غلط.
قالتليقولي.
قلتلهاأنا ملاحظة إنك متعلقة بكريم زيادة عن اللزوم، وده مش عيب طبعًا، بس ساعات
بتعملي تصرفات بتحرجه قدام الناس، ومش لازم تفضلي معاه كل دقيقة.
بصتلي باستغراب وقالتيعني إيه؟ هو إنتوا عندكم مشكلة إني بحب جوزي؟
قلتلهامحدش عنده مشكلة، بس الحب مش معناه إن الواحد يفضل مراقب التاني طول الوقت.
اتغيرت ملامحها وردت بنبرة ضايقتنيده جوزي ومن حقي أتصرف معاه زي ما أنا عايزة، وإنتِ وكل واحدة في العيلة مالكوش دعوة بحياتنا.
سكت شوية، وبعدها قلتلهاأنا مش بتدخل في حياتك، أنا بس بنصحك علشان مصلحتك.
ضحكت وقالتخليكي في جوازك يا حبيبتي، وأنا أعرف أتعامل مع جوزي كويس.
الكلام ضايقني جدًا، وقررت ما أفتحش معاها الموضوع تاني.
عدى أسبوع تقريبًا، وكنا متجمعين عند ماما علشان عيد ميلاد بابا.
البيت كان مليان ناس، وكريم قاعد في الصالة مع أولاد عمي بيتكلموا عن الشغل والسفر، ونادين كانت بتتحرك بين المطبخ والصالة وكل شوية تروح تطمن عليه.
لحد ما سمعتها بتقول بصوت عاليإنت مش هتسافر في أي حتة!
كلنا بصينا ناحيتها.
كريم رد باستغرابهو أنا عملت إيه؟ أنا بتكلم عن شغل، ولسه مفيش قرار.
قالتلهأنا قلتلك قبل كده إني مش هسمح إنك تبعد عني.
ابن عمي حاول يهزر وقاليا بنتي دي سفرية أسبوع، مش هيسافر كوكب تاني!
لكن نادين مردتش عليه، وفضلت باصة لكريم.
كريم قام من مكانه ودخل البلكونة علشان يتكلم معاها بعيد عن الناس، وأنا كنت قريبة منهم وسمعت صوتها وهي بتقوله
إنت وعدتني إن محدش هيعرف اللي حصل
قبل الجواز، ولو سافرت
وسيبتني لوحدي، أنا مش هقدر أفضل ساكتة أكتر من كده.
اتجمدت مكاني! حصري علي روايات واقتباسات
قبل الجواز؟ إيه اللي حصل قبل الجواز؟
كنت لسه بحاول أفهم، لما نادين لفتت وشافتني واقفة عند باب البلكونة.
بصتلي شوية، وبعدها قربت مني وقالت بصوت واطيواضح إنك سمعتي حاجة مش المفروض تسمعيها.
قلتلها وأنا بحاول أتماسكأنا مش فاهمة إنتِ بتتكلمي عن إيه.
ابتسمت ابتسامة غريبة وقالتيبقى الأحسن ليكي متفهميش.
وسابتني ودخلت الصالة.
طول اليوم وأنا مش قادرة أركز، وكل ما أبص لكريم أحس إن فيه سر كبير مخبيه
عننا كلنا.
وبعد ما الضيوف مشيوا، كريم طلب مني أستناه شوية، ولما بقينا لوحدنا قالإنتِ لاحظتي إن نادين بتتصرف معايا بطريقة غريبة، صح؟
قلتلُهأيوه، وكنت مستنية إنت اللي تتكلم.
سكت شوية، وبعدها قالأنا عارف إن تصرفاتها مش طبيعية، بس إنتِ متعرفيش أنا بمر بإيه.
سألتهيعني إيه؟ هي بتهددك بإيه؟ وإيه اللي حصل قبل الجواز؟
بصلي پصدمة وسألنيهي قالتلك إيه؟
حكيتله اللي سمعته في البلكونة، وفجأة وشه اتغير، وقعد على الكرسي وحط إيده على دماغه.
وبعد لحظات قال جملة خلت قلبي يقعنادين مش خاېفة إني أسيبها يا
أختي… نادين خاېفة إني أفتكر الحقيقة وأقولها لكم.
وقبل ما أسأله يقصد إيه، طلع موبايله وفتح صورة قديمة، ووراهالي.
كانت صورة لنادين، لكن المفاجأة إنها كانت واقفة جنب شخص تاني، والشخص ده أنا عرفاه كويس جدًا!
بصيت للصورة، ورجعت بصيت لكريم، وقلتله وأنا مش مصدقةاستنى… إنت تعرف الشخص ده منين؟!
رد عليا بصوت مبحوح ده السبب الحقيقي اللي خلاني أتجوز نادين… وده كمان السبب اللي مخليها مش قادرة تسيبني لحظة واحدة.
وفي اللحظة دي، موبايله رن، ولما شاف اسم المتصل، قفل الشاشة بسرعة ووووووو……
…
حكايات_مريم_السيد
