وزي بقاله كام شهر متغير تمامًا.بقى يستنى نص الليل ويخرج من البيت بحجة إنه رايح يصلي الفجر وأنا كنت فاكراه راجل تقي وبيخاف ربنا لحد ما الشك بدأ ياكل في قلبي وقررت أراقبه واتصدمت لما لقيته بيدخل بيت مهجور في آخر البلد ولما دخلت وراه سمعت صوت ست بتناديه باسمه وبتقوله أنت جيت يا مصطفى؟ اتجمدت مكاني.. عشان اللي شوفته جوه البيت كان صعب ويا ريتني ما فتحت الباب
أنا متجوزة مصطفى بقالي 12 سنة وعندنا ولد وبنت وكنا عايشين حياة عادية زي أي أسرة في الريف. مصطفى شغال في تجارة الأراضي وبيخرج الصبح ويرجع آخر النهار وعمره ما كان بيحب السهر ولا الخروج بالليل.
لكن من كام شهر بدأت ألاحظ إن فيه حاجة اتغيرت فيه.
بقى ينام بدري وأول ما الساعة تقرب من نص الليل يصحى بهدوء ، يلبس هدومه ويتوضى ويقولي
أنا نازل أصلي الفجر في المسجد الكبير ، عشان هناك بصلي في جماعة وباخد ثواب أكبر.
في الأول كنت بفرح بيه وأقول ربنا يهديه ويزيده من فضله ، لكن الغريب إنه كان بيخرج قبل الفجر بساعات طويلة ويرجع قبل الشروق بشوية ووشه دايمًا مرهق وكأنه مكنش نايم طول الليل.
ومع الوقت ، بقيت ألاحظ إنه لما أسأله راح فين أو اتأخر ليه ، يتعصب ويقولي
هو أنا لازم أحاسبك على كل خطوة بخطوها؟ أنا راجل وبروح أصلي ، إنتِ مش عاجبك إني بقرب من ربنا؟
كنت بسكت ، لكن الشك بدأ يدخل قلبي ، خصوصًا إنه بقى يقفل موبايله برقم سري جديد ويخرج أوقات حتى في الليالي اللي بيكون فيها تعبان ومش قادر يتحرك من مكانه.
وفي يوم كنت بكلمه عن مصاريف البيت ، لقيته سرحان ومش مركز معايا ولما سألته مالك ، قال لي إنه عنده مشاكل في الشغل ومش عايز يتكلم فيها.
عدت الأيام وأنا كل ليلة أفضل مستنياه لحد ما يرجع ، لحد ما قررت إني لازم أعرف الحقيقة بنفسي.
في ليلة أول ما خرج من البيت ، استنيت شوية ونزلت وراه من غير ما يحس بيا. مشيت وراه من بعيد ، لحد ما خرج من الشوارع المعروفة ودخل طريق ترابي في آخر البلد.
فضلت ماشية وراه وأنا قلبي بيدق بسرعة ، لحد ما وقف قدام بيت قديم ومهجور ، بابه متهالك وشبابيكه مقفولة والمكان حواليه مفيهوش أي حركة.
استغربت جدًا.. هو مصطفى جاي يعمل إيه في مكان زي ده؟
فضلت واقفة مستنية ، لحد ما شوفته يطلع مفتاح من جيبه ويفتح الباب ويدخل.
وقتها حسيت إن رجلي مش شايلاني وبدأت أفكر في ألف احتمال. هل فيه ست مستنياه؟ هل جوزي متجوز عليا؟ هل طول الشهور دي كان بيكدب عليا وبيعيش حياة تانية من ورايا؟
قربت من الباب بالراحة وكان موارب وسمعت صوت حركة من جوه وبعدها صوت ست بتقوله
أنت جيت يا مصطفى؟
حسيت إن الدم نشف في عروقي.
صوت ست؟ وفي بيت مهجور؟
دفعت الباب بالراحة ودخلت وكنت بحاول أتحرك من غير ما حد يحس بيا.
سمعت مصطفى بيرد عليها وبعدها صوت حاجة وقعت على الأرض ، فخفت وقررت أقرب أكتر وأنا قلبي بيدق جامد.صابرين_محمد
وفجأة سمعت الست بتقول
مصطفى أنا مش قادرة أستحمل
في اللحظة دي مقدرتش أتمالك نفسي ودفعت باب الأوضة اللي جاي منها الصوت ودخلت.
مصطفى أول ما شافني اتخض وأنا صرخت وقلت
يا اللهوي إيه اللي أنا شايفاه ده؟
كنت داخلة البيت عشان أمسكه، لكن أول ما النور اتفتح وشوفت المنظر اللي قدامي ، حسيت إن الأرض بتلف بيا ورجلي مش شايلاني من الصدمة فضلت باصة ليهم مش قادرة أستوعب اللي عينيا شايفاه وبصيت لمصطفى بذهول ، لكنه قرب مني وقال بصوت مخيف
اللي شوفتيه هنا لازم يفضل سر بينا.. ولو كلمة واحدة خرجت من بقك ، إنتِ اللي هتندمي ..#صابرين_محمد
يا ترى إيه السر اللي مخبيه مصطفى؟ يتبع الجزء الثاني
