الست اللي بيحبها ومستني حكمها. مد إيده الاتنين، ومسك كفوفي بين إيديه، صوابعه كانت دافية وبتترعش خفيف كنت حمار يا ريتا. كنت أعمى ومقفول ومش شايف قدامي غير التار والاڼتقام والۏجع القديم… كنت خاېف أضعف، خاېف أحب واحدة فيوم من الأيام تسيبني زي ما كل اللي بحبهم مشيوا.
سكت ثانية وأخد نفس طويل كأنه بيطلع جبل من على صدره، وكمل بس إنتِ مكنتيش ولا حاجة… إنتِ بقيتي كل حاجة. ريتا، البيت ده من غيرك قبر، الشغل من غير ضحكتك على التليفون في نص اليوم ملوش أي معنى، أنا مبقتش بعرف أنام غير لما أسمع صوت خطواتك في الممر، ولا بعرف أرتاح غير وإنتِ قاعدة قصادي. السنة ونص دول مكانوش صفقة… دول كانوا أحلى أيام عشتها في عمري كله، وأنا مش مستعد أسيبك تمشي خطوة واحدة برة الباب ده.
دموعي نزلت ڠصب عني، مقدرتش أمنعها وسنة ونص وأنت ساكت ليه يا سيف؟ ليه
كنت بتعاملني
بحساب؟ ليه كنت سايبني تايهة بين حنيتك وبرودك؟!
قرب مني أكتر، ورفع إيده ومسح دمعتي بصوابعه برقة تدوخ، وهمس وشفايفه قريبة جدًا من وشي كنت مستني السنة ونص تخلص عشان أضمن إنك لو فضلتي معايا، تفضلي عشان عايزاني أنا… مش عشان أبوكي، ولا عشان الديون، ولا عشان ورقة ممضية بين عيلتين. كنت عايز أثبتلك إني مش شريكي، أنا راجلك اللي بيعشقك وعايز يبدأ معاكي من الصفر.
قلبي دق دقات مچنونة، حسيت إن الدنيا بتلف بيا طب ودلوقتي؟
سيف ابتسم ابتسامته الساحرة اللي بټخطف الروح، ومسك وشي بين كفوفه الاتنين، وباس جبيني بوسة طويلة وطاهرة خلت جسمي كله يقشعر، وبعدين قال وهو باصص في عيني بعمق دلوقتي، الاتفاق القديم ماټ واتحرق… ودلوقتي أنا بطلب منك تتجوزيني بجد. ريتا النابلسي… تقبلي تفضلي مراتي لأخر يوم في عمري؟
هزيت راسي والدموع بتنزل بس المرة دي كانت دموع فرحة مالية صدري كله
موافقة يا سيف… موافقة من زمان أصلًا، إنت اللي كنت غبي وواخد وقتك.
ضحك بصوته كله، صوته الرجولي الرنان ملى الأوضة، وسحبني لحضنه بقوة، عصرني بين دراعاته كأنه كان تايه ولقى وطنه أخيرًا. ريحة الصندل والعود بتاعته دخلت في مسامي، وأنا بتنفس براحة لأول مرة من سنين.
سيف بعدني عنه شوية وبص في عيني بمكر وحب على فكرة… الليلة دي ليلة فرحنا. ليلة دخلة حقيقية، مفيهاش اتفاقات ولا أوضتين منفصلين، ولا مصورين بنمثل قدامهم.
مسك إيدي ووقفني، وشاور على الدولاب بتاعي الفستان الأبيض اللي قلعتيه ليلة الفرح وسبتيه على الكرسي وإنتِ مقهورة… أنا شيلته ومخزنه في دولاب جناحي من يومها. مش هخليكي تلبسيه عشان متفتكريش اليوم النحس ده، بس عندي ليكي فستان تاني خالص مستنيكي فوق.
أخدني من إيدي وطلعنا الدور التالت، جناحه اللي كان محرم عليا أدخله في الأول. فتحت الباب ولقيت الجناح كله
متغير تمامًا؛ الإضاءة خاڤتة، الشموع البيضا معطرة الأوضة بريحة اللافندر والياسمين، والورد الجوري الأحمر والأبيض مالي كل زاوية على الترابيزة والكومودينو وحوالين السرير الكينج الكبير اللي كان مفرود عليه مفرش حرير ناصع البياض.
على طرف السرير، كان محطوط فستان حرير سكري رقيق جدًا، مفصل ببساطة متناهية وبشياكة باريسية ټخطف العين، ومعاه عقد ألماس ناعم بيلمع تحت نور الشموع.
بصيت لسيف بذهول إنت مجهز كل ده من إمتى؟!
لف دراعاته حوالين وسطي من ورا، وسند دقنه على كتفي وهمس في ودني من شهرين يا ريتا… كنت عارف إنك مش هتمشي، بس لو كنتي فكرتي، كنت هحبسك هنا ومش هسيبك.
ضحكت بحب، ولفيت وشي ليه كنت هفضل بمزاجي على فكرة، متتغرش أوي كده.
سيف مد إيده وبدأ يفك توكة شعري بهدوء، خصلات شعري السودا الطويلة نزلت على كتافي وصدري، عينيه كانت بتلمع بشوق متداري بقاله سنة ونص كاملة،
شوق راجل كان مانع
نفسه عن الست اللي قدامه بكل جبروت عشان يديها الأمان الأول.
خشي البسي الفستان يا عروسة… الليلة ليلتنا، ومحدش في العالم ده كله يقدر يدخل بينا تاني.
دخلت الحمام الملحق بالجناح، كان متوضب كله بالورود والشموع، لبست الفستان السكري اللي كان نازل على جسمي كأنه متفصل لروحي، ورشيت البرفان اللي سيف بيحبه، وسيبت شعري مفرود على ضهري.
خرجت… وكان سيف واقف مستنيني، لابس بنطلون كلاسيك أسود وقميص أبيض مفتوح، وأول ما عينه جت عليا، وقف مبهور ومتحركش لثواني، كأنه شايف حلم ومش مصدق إنه اتحقق. قرب مني بخطوات هادية، عيونه كانت بتقول شعر وغزل أحلى من أي كلام ممكن يتقال. مسك إيدي وباس باطن كفي برقة سبحان من خلقك يا ريتا… إنتِ أجمل حاجة دخلت حياتي وعمري.
