الشاب الاعرج اللي بيشوي الدره عند بيتي قال لخطيبي تتحداني في مسابقة الجري واللي يفوز يتجوز خطيبتك؟ وقتها خطيبي كان هيغمى عليه من الضحك، بس يوم المسابقه انا اللي رجليا مكانتش شيلاني من الصدمه مبقتش عارفه اتصرف، وخطيبي كان هيفقد عقله وطلب الشرطه فورا !!!!
اسمي عزه كنت مخطوبه لشاب اسمه شريف وبحبه ومتعلقه بيه جدا وكنت فاكره ان علاقتنا مثاليه .
شريف كان بطل الجمهوريه في الجري، جسم رياضي، وعضلات، وفخورة بيه قدام الناس كلها. دايمًا بياخد جوايز وكءوس، وكل صحباتي كانوا بيحسدوني عليه وعلي ثقته في نفسه.
في يوم، كنا راجعين من برا، وكان بيوصلني قدام العمارة بعربيته. وأنا نازلة، لفت نظري يافطة معلقة على الحيطة برا مكتوب عليها إن أهالي الشارع عاملين مسابقة جري بعد يومين، واللي حابب يتقدم يسجل اسمها.
قلت بحماس وأنا بضحك الله! اتقدم يا شريف.
. محدش هيفوز عليك أصلا، الجايزة دي عشانك!
بص لليافطة بسخرية وقال اديكي قولتي يا حياتي، محدش هيفوز غيري.. فإيه لازمتها المسابقة بقى؟ دي مش مستوايا أبدًا، وهظلم المشتركين معايا، محدش فيهم يقدر يتحداني أصلًا.
ولسه هندخل العماره، سمعنا صوت تخين وواثق من نفسه جاي من الجنب بيقول بصوت عالي أنا اتحداك.. وهفوز عليك كمان!
التفتنا إحنا الاتنين، وهنا كانت الصدمة اللي مكنتش على البال. ده كان أدهم! الشاب الأعرج اللي بيشوي درة تحت بيتنا على طول. أدهم ده شاب على قد حاله، فقير جداً، لبسه مبهدل، وكل اللي حيلته عربية درة قديمة بيقف عليها من الصبح لليل. وطول عمره بيمشي على عكاز؛ أصله عمل حادثة زمان ورجله اتضررت جداً ومبقاش يقف عليها من غير العكاز ده.
شريف أول ما شافه انفجر من الضحكة.. ضحك ضحك جنوني مبقاش عارف يسكت منه.
صعب عليا أدهم أوي، حسيت
إنها مش لطيفة خالص، فقلت بضيق يا شريف عيب كده، بلاش طريقتك دي.
بصلي وقال وهو لسه بيضحك أنا آسف يا روحي، بس انتي مش سامعاه؟ الأعرج ده جاي ينافسني أنا في الجري؟ سيبك منه يلا خليني اطلعك فوق، شكل الشمس اللي واقف فيها دي ضربت دماغه.
ولسه هيمشي، أدهم اتكلم بثقة غريبه بصوت عالي قدام الناس أنت خايف ولا إيه؟ أنا بقولك إني هكسبك، واللي يفوز فينا… يتجوز خطيبتك! قولت إيه ولا أنت فعلاً خايف ؟
عقلي طار من الصدمة، بصيت لأدهم بزعيق وأنا مندهشة أنت بتقول إيه؟ أنت اتجننت؟ إيه قلة الأدب دي؟
بس المفاجأة الكبرى إن شريف اتعصب، وقال بغضب وصوت عالي موافق!
برقت على الآخر، وبصيت لشريف بصدمة وقلتله وأنا ماسكة في دراعه أنت بتقول إيه يا شريف؟ أنت اتجننت زيه ولا إيه؟!
بصلي وعيونه كلها تحدي وغرور وقال انتي خايفه من ايه يا روحي؟ أنا هوصل خط النهاية قبل
ما يمسك عكازه حتى!
أنا كنت هشفق عليه، بس طالما اتجرأ واتحداني قدام الناس بالمنظر ده، يبقى يستاهل تتمسح بكرامته الأرض عشان يتعلم ميتكلمش مع الكبار تاني.
أنا مكنتش موافقة على العته دي نهائي، حسيت إن الموضوع بقى مهين وسخيف، وهما الاتنين بقوا يبصوا لبعض بتحدي شرس وكل واحد مصر على رأيه. قلت بغضب وتأفف أنا مش جايزة تتسابقوا عليها! طلعوني بره الهبل ده وطلبت منه يسيبني وطلعت بيتي زعلانه ومقفولة من طريقتهم الاتنين.
بس شريف مهتمش بزعلي خالص، وراح سجل في المسابقة بسرعة، وقال لادهم اشوفك هناك أنت وعكازك،
وطلع يراضيني بكلمتين. قعدت أحايل فيه وأقوله إن ده غلط وعقلنا المفروض يكون أكبر من كده
بس قال إنه قلل منه قدام الناس كلها، وإنه لو اتراجع هيقولوا عليه جبان وخايف، واتحايل عليّا أروح أقف أشجعه.
وأمي بقى.. اللي كملت عليا؛ قالت لشريف لو واثق كده، انا موافقه بس بشرط إن جايزة
المسابقة تكون هدية منك لبنتي!
شريف وافق فوراً . وأنا.. وافقت بضيق وقهر منه ومن أمي اللي مش مهتمين لزعلي ولا لكرامتي وروحت يوم المسابقة وأنا مخنوقة .
يوم المسابقة، الشارع كان مقلوب، وكل الناس متجمعة حوالين خط الجري. أول ما وصل أدهم مكنش لابس أي لبس رياضي لأنه أصلاً مش معاه فلوس لحاجة زي دي، كان ماشي على عكازه وبيعرج بالعافيه ولابس لبسه القديم المبهدل.
وهنا شريف وقف وسط صحابه بيشاور عليه ويضحك بصوت عالي وبسخرية واضحة للكل.
أنا وقفت بخنقه مستنيه شريف يكسب و اليوم ده يخلص ونروح ..
بس… اللي حصل بعدها بدقايق ميخطرش على بال بشر!
لحظة واحدة حولت كل الضحك ده لسكوت مرعب؛ خلتني وقفت زي التمثال ورجليّ مكانتش شايلاني من كتر الصدمة.. وشريف نفسه اتنفض من مكانه، وفقد أعصابه تماماً لدرجة إنه جري طلب الشرطة فوراً!!!!!!
أول ما الحكم ضرب صفارة البداية،
شريف انطلق بسرعة رهيبة، وكان واضح إنه متحمس يثبت لكل الناس إنه أقوى وأسرع واحد فيهم. أما أدهم، ففضل واقف مكانه ثواني، مستند على عكازه، والناس بدأت تضحك وتهمس لبعضها.
واحد من الواقفين قال بسخرية يا عيني عليك يا أدهم، أنت هتجري ولا هتتفرج على شريف وهو بيكسب؟
أدهم مردش، واكتفى إنه بص قدامه بابتسامة غريبة، وبعدها رفع إيده للحكم وطلب منه يستنى لحظة.
وفجأة، أدهم فك العكاز اللي كان مستند عليه، وسلّمه لواحد من المنظمين، ووقف على رجليه الاتنين!
أنا حسيت إن نفسي اتسحب مني، وفضلت باصة عليه مش مصدقة اللي شايفاه.
إزاي؟! ده أنا عمري ما شوفته واقف من غير العكاز، حتى وهو بيبيع الدرة كان بيقعد على كرسي صغير عشان ميتعبش رجله.
لكن المفاجأة إن أدهم بدأ يتحرك بخطوات ثابتة، وبعدها انطلق يجري!
مش جري عادي، ده كان بيجري بسرعة خلت الناس كلها تفتح بقها من الدهشة،
والأغرب إنه كان
بيقرب من شريف بسرعة كبيرة.
شريف كان في نص الطريق تقريبًا، ولما سمع صوت الناس وهي بتصرخ وراه، لف وشه، وأول ما شاف أدهم بيجري وراه، وشه اتقلب.
حاول يزود سرعته، لكن أدهم كان أسرع منه، ولحظات قليلة وكان سبق شريف ووصل لخط النهاية!
الشارع كله انفجر بالتصفيق والصريخ، والناس مش مصدقة اللي حصل.
أما أنا فكنت واقفة مكاني، مش عارفة أفرح ولا أندهش ولا حتى أستوعب اللي حصل.
أدهم وقف عند خط النهاية وهو بياخد نفسه، وبعدها رفع إيده للجمهور وقال بابتسامة أهو يا جماعة، الحمد لله كسبت!
لكن شريف كان في حالة هستيرية، جري ناحيته وهو بيزعق أنت عملت إيه؟! إيه اللي حصل ده؟!
أدهم بصله بهدوء وقال كسبتك في مسابقة جري، زي ما اتفقنا.
شريف مسك دراعه بعنف وقال أنت نصاب! أنت كنت بتمثل علينا إنك أعرج! أكيد في حاجة مستخبيّة!
أدهم زقه بعيد وقال إيدك عني،
أنت خسرت، وخليك راجل واعترف بخسارتك.
شريف بدأ يصرخ ويقول إن المسابقة متفق عليها وإن أدهم غشاش، وبعدها طلع تليفونه واتصل بالشرطة وطلب منهم ييجوا فورًا.
أنا قربت من شريف وقلتله أنت بتعمل إيه؟! أنت خسرت، خلاص بقى، مش كفاية اللي حصل؟
بصلي بعصبية وقال اسكتي يا عزة! ده فيه حاجة غلط، وأنا مش هسيب حقي.
بعد حوالي عشر دقايق، وصلت الشرطة، ونزل ضابط ومعاه عسكري، وبدأ يسأل عن سبب الخناقة.
شريف اتكلم بسرعة وقال يا فندم، الراجل ده نصاب، عامل نفسه أعرج طول الوقت، وبيستغل الناس، وفجأة جري وكسبني! أكيد فيه حاجة مش طبيعية.
الضابط بص لأدهم وسأله الكلام ده صحيح؟ أنت كنت بتدّعي إنك عندك إصابة؟
أدهم ابتسم وقال لا يا فندم، أنا فعلًا اتعرضت لحادثة من سنين، ورجلي اتصابت إصابة شديدة، وعملت عمليات كتير، والدكاترة قالولي إن احتمال أرجع أمشي طبيعي
ضعيف جدًا. لكن الحمد لله، فضلت أتعالج وأعمل جلسات علاج طبيعي، ومع الوقت قدرت أتحسن.
وبعدين مد إيده ناحية العكاز وقال أنا لسه بستخدم العكاز لما بتعب، ومش بقدر أجري مسافات طويلة، لكن النهارده كنت عايز أثبت لنفسي قبل أي حد إني أقدر أقف على رجلي من تاني.
