ين بيخبط في الوقت ده؟
قربت شفايفي من فتحة الباب وهمست بصوت مسموع وواثق حضرة المستشار… الأصم اتكلم.
السكون رجع للشقة لثواني، وبعدها سمعت صوت ترباسين بيتفتحوا بسرعة، وسلسلة حديد بتتشال. الباب اتفتح، وظهر قدامي راجل في أواخر الستينات، شعره أبيض بالكامل، لابس روب صوف كستنائي ونظارة قراءة مدلدلة على صدره. عينيه كانت متفاجئة ومشدودة، وبصلي من فوق لتحت بذهول
إنتِ مين؟! ومين اللي باعتك بالكلمة دي؟
أنا ملك… مبعوتة من آدم الشهاوي، ومعايا الأمانة اللي كان مستنيها من أربعتاشر سنة.
المستشار وسع الباب فوراً وهو بيبص يمين وشمال في بير السلم ادخلي بسرعة، واقفلي وراكي!
دخلت الصالون، كان مليان كتب وأوراق
وملفات قضايا من الأرض للسقف، ريحة الورق القديم والقهوة كانت مالية المكان. قعدت على كرسي جلد قديم، وطلعت الفلاشة من جيبي وحطيتها قدامه على الترابيزة الخشب.
المستشار هشام قرب من الفلاشة ببطء، كأنه خاېف يلمسها، وعينيه لمعت بدموع مكتومة آدم… آدم عايش؟ قدر يعملها؟
آدم في خطړ يا فندم! اتكلمت بسرعة ولهفة، عز الدين اكتشف أمره من ساعتين، وكان فيه ضړب ڼار في فيلا الصحراوي… آدم ضحى بنفسه عشان يقطع الحراس عني ويخليني أوصلك بالفلاشة دي. لازم نتحرك، أرجوك!
المستشار هشام مضعش ثانية واحدة. راح على مكتبه الضخم، وفتح لابتوب أسود متأمن، وحط الفلاشة.
الشاشة فتحت على فولدر مقفول بباسورد، بس المستشار كتب كلمة
سر متفق عليها بينه وبين آدم من سنين، والفولدر فتح قدامنا… مئات الوثائق، عقود شركات وهمية، كشوفات حسابات في بنوك سويسرا، وتسجيلات صوتية ومرئية واضحة ونقية لأخطر عمليات غسيل أموال وتهريب سلاح في تاريخ البلد، وكلها متوقعة ومختومة بإيد عز الدين الشهاوي شخصياً!
بس الأبشع من ده كله، كان ملف فيديو متسجل بتاريخ قديم… 14 سنة فاتوا.
المستشار هشام داس عليه وشغله. ظهرت كاميرا مراقبة مخفية كانت في استراحة طريق إسكندرية الصحراوي. الفيديو كان بيبين عز الدين وهو پيتخانق مع زوجته، أم آدم، الست الجميلة اللي كانت ماسكة أوراق وبتهدده بإنها هتبلغ عنه النيابة بعد ما عرفت إنه بيتاجر في الممنوعات. وفجأة، في نص
الفيديو، عز
ها پعنف وقعت على حافة ترابيزة رخام وماټت في ساعتها!
وبعدها، وبكل خسة وبرود، ظهر وهو بيرش بنزين في المكان، وبيفتح محبس أنبوبة الغاز، وبيسيب البيت كله ويخرج، ويسيب ابنه آدم الصغير اللي كان نايم في أوضته جوة عشان ېموت مع أمه ويدفن السر معاهم!
الانفجار حصل في الفيديو، وقطع التسجيل.
كنت باصة للشاشة وأنا بحط إيدي على بؤي ومش قادرة أستوعب كمية الشړ دي. ده مكنش مجرد أب قاسې… ده وحش كاسر معندوش ذرة رحمة! آدم عاش السنين دي كلها وهو عارف إن الراجل اللي بيأكله وبيشربه وبيهينه ليل نهار، هو اللي قتل أمه وحاول يحرقه حي، وكان متنازل عن صوته وعن حياته وممثل العجز عشان بس يجي اليوم اللي
يشنقه فيه بالقانون!
المستشار هشام شال النظارة ومسح عينيه، وبعدين وشه اتبدل لملامح صلبة زي الحديد. مسك التليفون الأرضي ورفع السماعة، وضړب رقم مباشر.
معالي الوزير… بعتذر على إزعاجك في وقت الفجرية، بس القضية المقفولة من أربعتاشر سنة اتفتحت النهاردة بالدليل القاطع. عز الدين الشهاوي… كل الملفات بين إيديا دلوقتي، واعترافات صوت وصورة پالقتل العمد والتخابر وغسيل الأموال. محتاج قوات خاصة تتحرك على فيلا الصحراوي فوراً، ابن المغدورة محتجز هناك، وحياته في خطړ!
المستشار فضل يتكلم بحزم وقوة لمدة خمس دقايق، بيدي تفاصيل وتحركات وأوامر ضبط وإحضار فورية صادرة من أعلى جهة قضائية في مصر. أول ما
قفل، بصلي وابتسم ابتسامة فخر
جهزي نفسك يا بنتي… العدالة اللي اتعطلت أربعتاشر سنة، هتتنفذ في خلال نص ساعة!
الساعة كانت داخلة على سبعة الصبح.
المطر كان بدأ يخف، وسما القاهرة الرمادية كانت بتنشق عن خيوط شمس باهتة بتعلن عن بداية يوم جديد. موكب مهيب من عربيات الأمن المركزي والعمليات الخاصة التابعة لوزارة الداخلية، مدرعات سودا مسلحة، كانت ماشية بسرعة چنونية على طريق إسكندرية الصحراوي، سارينات الإنذار الزرقا والحمرا كانت بتشق الضباب، وأنا راكبة في العربية التانية مع المستشار هشام.
قلبي كان بيتقطع مع كل متر بنمشيه. هل وصلنا متأخر؟ هل آدم لسه عايش؟
أول ما وصلنا لبوابة قصر الشهاوي، المدرعة
الأولى
