تغيرت حياتي يوم زفافي ج1

تمكن الغضب منه وعمي قلبه وسمعه قفلي بقى مش عاوز اسمع صوتك وجهزي نفسك هننزل مصر دلوقتي

انسابت دموع القهر علي كل ما تمر به الان وتوجهت لتحضير حقيبه ملابسها وهى تبكى لانها شعرت بالظلم بعد أن تركها وكسرها فى يوم زفافها يحاول ان يخذلها ويشكك بسمعتها أيضا ويتحدث عنها بالكذب

والاخر يصدقه ويكذبها هي ويعلم انة هو من شارك فى تربيتها الان لا يثق بها ويتهمها بالاكاذيب

بعد نصف ساعة كان داخل مطار الغردقة ثم استقلو الطائرة العائدة الى القاهره

وظل طوال الرحلة لم يتحدث أي منهما

كان يشعر بالنيران تحرق صدره بسبب ما فعلته صغيرته لم يتوقع منها هذا التصرف

وبعد ما يقرب من ساعتين كان قد وصلا إلى فيلا العائله نظر لها اياد بضيق

افردي وشك وتضحكي مش عاوز حد يعرف إللى بينا ولا إللى حصل انا راجع عشان ف شغل مهم

وتتكلمي قدامهم كويس لكن واحنا لوحدينا مافيش كلام بينا مفهوم

همست بحزن مفهوم

قابلتهم العائلة بالحب والفرحة واحتضنتها والدتها بشوق والجد الذى سعد بعودتهم لا يستطيع أن يستغنى عن حفيدته الغاليه أصغر حفيده لديه ومعزتها بقلبه غير باقى احفاده بسبب غياب والدها كان هو الجد والأب بالنسبة لها

وبعد فترة من السلام والاحضان

هتف الجد اطلعوا بقى اوضتكم عشان ترتاحو والاوضة جاهزة عملنا تعديل ووسعنا اوضة اياد

قبل اياد يد جده وحاول رسم ابتسامته وهو يتحدث

شكرا ياجدي

التقط بكفها وهو يهمس بفحيح

تعالى ياحبيبتى اصل انا بجد تعبان محتاج استريح

صعد إلى الأعلى وهو يحاوط كتف زوجته وإلى أن وصل الغرفة ترك يدها ودلف بسرعه وهو يهتف

بعصبية

ممكن افهم ماتكلمتيش ليه يقولو اية كدة ممكن يفهمو إللى بينا

رانسىي بانفعال انت عايز اية انا كده مابعرفش امثل مثل انت لوحدك

سار اليها بخطوات واسعه وامسكها من كتفيها يهزها بقوه رانسي اسمعي الكلام احسنلك ماتخلنيش افقد اعصابى عليكى انتي ماشوفتيش عصبيتي لسه

رفعت مقلتيها تنظر له بحزن ثم همست بصوت خافت سيب ايدي وجعتني

اياد لنفسة وانتي كسرتيني وخذلتيني اوى ماكنتش اتخيل انك تعملى فيه كده

ثم تركها بلامبالاه وذهب إلى الفراش يحاول أن ينام ويبعد نفسه عنها وهو فى لحظه غضبه يخشى عليها من بطشه

اما عنها فظلت واقفة مكانها لعده دقائق ثم توجهت إلى الدولاب وابدلت ملابسها وارتدت منامه باللون الزهري ومددت بجسدها أعلى الاريكة الموجوده بالغرفه لتنساب دموعها بصمت تبكى على حالها إلى أن غلبها النعاس

لم يغفل له جفن ظل شاردا ويحاول التحكم باعصابه ثم نهض من فراشه فجاة و ترك الغرفه بخطوات واسعه متوجها إلى الحديقه كان الجميع نائم في ذلك الوقت لم يشعر به

أحد حاول الاتصال بصديقه ماجد وبعد ان تحدث معه لعده ثواني اغلق الهاتف ثم استقل سيارته يقودها بسرعه فائقه ليتقابل مع صديقه بمكان ما

داخل احدى الكافيهات كان ينتظر قدوم صديقه الي ان حضر الاخير ووقف امامه يصافحه بترحاب وجلس معه وهو لم يفهم ماذا به

طال صمتهم ليقطع ماجد ذلك الصمت وهو ينظر له بتسأل مالك ياصاحبي خير فيك ايه

همس بضياع تعبان ياماجد مش عارف اعمل ايه

تعمل ايه في ايه احكيلي الاول ايه تعبك مش خلاص حب حياتك بقت مراتك شوف النصيب يااخى يشاء ربنا الجوازة مش تتم عشان انت إللى تتجوز رانسى سبحان الله

هتف بحزن يارتني ارتحت ياماجد بالعكس جوايا نار ياصاحبي وبتحرقني أنا

نار اية بعد الشر فى ايه يابني أحكيلي قلقتني

هز راسه بأسى مش قادر

ماجد فهمت انت مش قادر تقولها حقيقه مشاعرك وهى دلوقتي قدام عنيك ومش طايلها صح الصبر ياصاحبي بالحنيه والحب كل حاجه هتنولها بينلها حبك وهى هتكون مراتك وقرب منها بلاش تعمل حاجز الاخ الكبير وهي اختك الصغيره فهمها واحدة واحدة ان علاقتكم اتغيرت وهى بقت مراتك حلالك

اياد بحزن انت فاهم غلط الشخص مكلمني وقالي

يعني

حصل بينهم كلام وعشان كدة سابها يوم الفرح اتخلى عنها بعد لم هى وثقت فيه المخادع بيقولي ازاى هكمل مع واحدة وثقت فيه عنده حق شوفت النار إللى جوايا يا ماجد شوفت بيحصلي ايه !

ماجد بعدم تصديق مش ممكن اكيد فى حاجة غلط

اياد بعصيه تفسر بايه يسبها يوم الفرح كان عاوز مش يكمل ويفضحها عشان هو وسخ اصلا عمرو عمره ماتحمل مسئولية ازاى هيتحمل بيت وعيله

ماجد مش معقول يمكن بيقول كدة عشان يخليك تندم وتطلق رانسي هو عمرو دايما متضايق وبيغار منك عشان كدة مش عاوزك تتجوز وترتاح وتفرح

اياد انا مكسور مش عارف اعمل اية اتصرفت من كلامة قولي اتصرف ازاي

ماجد عرفت رانسي بكلام عمرو

همس بضيق أيوة امال نزلنا لية من الغردقة بسبب كلام الشخص

طب ردها ايه

انكرت طبعا وقالت كدب هتقول اية يعنى

يابني لازم تتأكد أنت كدة بتظلمها مش مبرر كلام عمرو صح ممكن فعلا بيكدب

اتاكد ازاى بقى

مافيش غير انك

تقصد اية لا طبعا ماينفعش المسها

امال هتعمل اية هى مراتك ودة حقك بس بالهدوء مش بالقسوة

نهض اياد عن مقعده وهم بالرحيل وهو يهمس لصديقه انا عارف انا هعمل ايه سلام دلوقتي

استنى يابني بس فهمني اوع تتهور يا إياد

ثم همس داخله ربنا يستر

الفصل السابع

تغيرت حياتي يوم زفافي

قاد سيارتة عائدا الي فيلته وعندما وصل وجهته صفا سيارته بالحديقه ثم دلف لداخل الفيلا ومن ثم صعد الدرج الي الطابق الثاني الي حيث غرفته دلف بهدوء

رائها تنام على الاريكه حملها برفق ثم وضعها بالفراش فبرغم الوجع الذي سكن قلبه منها الا انه لم يتحمل ان يراها تنام بهذا الوضع المتعب

ثم توجه لخزينه ملابسه ابدل ثيابه باخرى ثم دثر نفسه بجانبها أعلى الفراش و

ظل ينظر إلى ملامح وجهها الطفولي البرئ ويحدث نفسه هل فعلت هذا حقا بنفسها هل وثقت فيه إلى هذا الحد

وبعد طول تفكير استسلم لسلطان النوم

علي جانب اخر

كان يهاتف والدته ليعلم كل شيء فاخبرته الاخيره بانهم عادو من شهر العسل بحجه انشغال اياد بكثره اعماله فعلم أن خطته تمت بنجاح ونجح في زرع الشك داخله وهم تلك العلاقه التي لم تكتمل بعد

وسوف يبدأ فى باقى المخطط ثم اتفق مع والدته لتشاركه افكاره اللعينه في هدم ذاك الزواج ثم انهت المكالمه وعلي ثغرها ابتسامتها الماكره فقد بدءت انتقامها

فى الصباح استيقظ من نومه على صراخ الجد بالأسفل اسرع في خطواته يغادر غرفته ويعلم ما يحدث بالاسفل عندما هبط الدرج تفاجئ بوجود ذلك المخادع والجد بحاله لا يرث لها من الانفعال والعصبيه الزائده