فى المشفى.
استيقظ اياد على رنة هاتف رانسى فهو معة من الأمس بسبب اتصال عمتة.
تفاجأ اياد بأن المتصل جدو.
اياد: ايوة ياجدو.
الجد: اياد معلش يابنى تعالو بسرعة.
اياد بقلق: خير ياجدى؟ حصل حاجة؟ حد جرالة حاجة؟
الجد: هات مراتك وتعالى الاول، والشغل سيب أى حد يتابعة، احنا محتاجينك دلوقتى، لم تنزل هتعرف كل حاجة.
اياد: حاضر ياجدى.
اياد لنفسة: ياترى فى اية؟ هو انا ناقص؟ ما رانسى حالتة ازى؟ أعمل اية بس يا ربى.
اياد تصفح هاتفها وجاء فى بالة ان يعلم من المتصل الذى أشعل نار الغيرة داخلة وفقد سيطرتة على نفسة وادى به إلى هنا.
فتح المكالمات الوارد والصادر وبحث فى الوارد.
وتذكر بعد مكالمة عمها جاءها الاتصال المشئوم.
وجد رقم خارج القاهرة، رقم دولى مسجل باسم ابية يحيى.
ظل يبحث، لم يجد اتصال غير من عمها وابن عمها فقط، شعر بالندم والصدمة.
اياد بحزن: يعنى كان ابن عمها؟ ياغبى انا إللى عملتة دة، بس هى الغيرة عمتنى اوى كدة، ولا الشيطان الملعون إللى سيطر عليا؟ يارب اعمل اية؟ هى ممكن تسامحنى على إللى انا عملتة فيها؟ طب ازى بس؟ يارب ساعدنى يارب.
فاق من شرودة على دق الباب.
اياد: اتفضل.
دكتورة منة: صباح الخير.
اياد: صباح النور.
منة: هى لسة نايمة؟
اياد: اة باين كدة، هى تقدر تخرج عادى تستحمل سفر القاهرة ولا خطر عشانها؟
منة: عايز تسافر القاهرة ضرورى يعنى؟
اياد: واضح فى مشكلة ولازم ننزل ضرورى، بس هى تتحمل سفر؟
منة: هى عادى تتحمل، هى صحتها الجسدية كويسة، مجرد آثار إجهاد وهتتعافى بكريم، لكن هى تعبانة نفسيا، واحنا قولنا حلها اية، وممكن تنزلو القاهرة عادى بس بلاش اى ضغط على أعصابها من أى نوع، وان شاء الله أسبوع والدكتورة هتكون فى القاهرة تقدر تتابع معها، وانا هتصل بيك.
اياد: شكرا يادكتورة، ممكن انزل احاسب وحضرتك تتكلمى معاها، سيبلك المهمة دى.
منة: اة اتفضل.
خرج اياد وتوجه إلى الحسابات لدفع حساب المشفى.
قربت منة من الفراش وجدتها تفتح عيونها.
منة بابتسامة: صباح الخير.
رانسى: صباح النور، انا سمعت كل حاجة.
منة: طب تمام، ماتخفيش هو مش هيعملك حاجة، وخليكى قوية بلاش ضعف او استسلام.
رانسى بحزن: شكرا.
منة: لازم تقعدى مع دكتورة عشان اعصابك ونفسيتك كمان لازم تتحسنى، وانا معاكى ماتخفيش من أى حاجة.
رانسى بحزن: مش عايزة، مش محتاجة دكتورة ولا دكتور، انا كويسة اوى كمان.
منة: طب لية اليأس فى صوتك؟ واوعى تفتكرى ان لو روحتى لدكتور نفسى تبق مجنونة، الكل بيفهم كدة غلط، كلنا بنبق محتاجين وقت فية اعصابنا تتعب مش بتتحمل أى ضغوط الحياة ومشاكلها، فنحتاج نتكلم مع حد متخصص يسمعنا ويفهمنا وكمان يوجهنا للصح، يعنى لا عيب ولا غلط ولا جنان ههه.
رانسى بحزن: بس انا مش عايزة اتكلم مع حد ولا حد يسمعنى ولا حتى يفهمنى.
منة: لية كدة؟ انتى مش عايزة تساعدى نفسك؟ انتى بجد عندك حالة لازم تتغلبى عليها وتكملى حياتك عادى وتعيشى كمان سنك.
رانسى: مش فارق معايا حياتى، انا عاوزة هدومى ممكن.
منة: اتفضلى الهدوم إللى دخلتى بيها، تحبى اساعدك؟
رانسى بخوف: لا شكرا.
منة: اوكية، عن اذنك.
دفع حساب المشفى وتوجه إلى غرفتها.
كانت ترتدى ملابسها دخل دون استئذان وجدها ترتدى ملابسها، غادر الغرفة بصمت خوف من ان تصرخ أو تنهار، ظل أمام الغرفة فترة بعد ذلك دق الباب ودخل.
اياد: جاهزة يا رانسى عشان نتحرك؟ اصل جدى اتصل وقال لازم ننزل.
رانسى تتصنع القوة: جاهزة.
سارت بجانبة توجهت الى السيارة.
اياد: مش لازم نرجع الشالية بعدين، هبق اجيب الشنط بتاعتنا.
لم ترد علية.
قاد السيارة وتوجه إلى طريق القاهرة.
فى فيلا العميرى.
الجد: اهدى بقى وبطلى عياط، عاوز افهم حصل اية بينك انتى وجوزك يخلية يطلقك وياخد الولد؟
علا بانهيار: انا السبب، انا السبب.
ندى: يابنتى فهمينا حصل اية لكل دة.
نجاة: حصل اية؟ عاوزة افهم اية يخلى جوزك يطلقك، انطقى.
ملك: ممكن تسبوها ترتاح شويا وبعدين نعرف حصل اية.
علا بانهيار: عاوزة مروان، عاوزة ابنى يا جدو، ارجوك يا بابا، عايزة ابنى، عاوزة مروان، اةةة ياحبيبى يابنى.
ظلت تبكى بانهيار.
طوال الطريق لم تتحدث طوال الطريق وهو يتطلع إليها من حين لآخر، بعد مايقارب الساعتان وصل امام فيلا العميرى.
اياد: رانسى.
رانسى: اطمن، مش هحكى لحد على انت عملتو.
اياد بعصبية: مش قصدى كدة، بس مش مهم، نتكلم بعدين لم نشوف جدو عاوز اية.
دخل الفيلا وتفاجا من انهيار علا.
علا بانهيار: انا إللى ضيعت ابنى منى وجوزى بغبائى، انا السبب. تربيتك ليا السبب ودلعك فى عمرو السبب، هو يضحك على بنات الناس اهو إللى بيعملو فى البنات اترد لبنتك، داين تدان يا ماما، انتى السبب فى كل حاجة. وكمان كنتى عايزة تضيعى حياة رانسى واياد بعد ماابنك سابها يوم فرحها، انا سمعتك بتتكلمى معاة، اهو حياة بنتك هى إللى ضاعت، ياماما إللى كنتى عايزة تعمليه فى رانسى ارتد لبنتك. يارب تقتنعى وتهدى بقى، شوفتى حصلى اية؟ انتى السبب وابنك السبب، عمرك ماقولتى دة صح ودة غلط، شوفتى ابنك وصل لفين وانتى هتضيعية كمان زى ماضيعتينى.
اياد بصدمة: فى اية يا علا؟ حصل اية؟
علا بدموع: اياد حبيبى انت إللى هتجبلى ابنى مش كدة يااياد؟ انت إللى هترجع مروان لحضنى يا اياد صح؟
اياد: طب اهدى وفهمينى، مروان ما لو؟
علا بانهيار: خالد طلقنى وخد مروان منى، ارجوك عشان خاطرى رجعلى ابنى.
اياد بصدمة: طلقك وخد ابنك … يتبع للجزء الثالث.
