يحيى: اطمنى ماحدش يعرف ان نزلت مصر غيرك، انا لسة واصل امبارح.
رانسى: ولا عمو عشان مايكلمش ماما وتعرف بليز.
يحيى: حاضر يابنتى، ادخلى الاوضة دى نامى وارتاحى، وهجبلك الاكل الاول.
رانسى: لا هنام، مش محتاجة غير انى انام.
يحيى: تصبحي على خير يا غلبوية.
جلست على الفراش وتذكرت مكالمتها مع يحيى التى تفاجات بوجودة بالقاهرة، وطلبت الذهاب الية لتجلس معة فترة، وافق على طلبها واعطاءها العنوان، انتظرت عودة مروان والاطمئنان على جو البيت، وبعد ذلك تتركة، لم تتحمل الصبر والمكوث اكتر من ذلك، فهى تحس انها قيود لها وليس منزل، وأصبحت تكرة الجميع، والفضل يرجع إلى اياد.
وذهبت فى سبات عميق من شدة التفكير، كانت مرهقة ولم يغفل لها جفن بعد عودتها من العين السخنة.
سلمى: هى بنت عمك هتقعد عندنا كتير؟
يحيى: براحتها ياسلمى، دى بيت اخوها وتقعد براحتها، فاهمة.
سلمى: مش قصدى، يعنى هى زعلانة مع جوزها، دول لسة عرسان جداد.
يحيى: ماعرفش، ممكن تقفلى على السيرة دى، وبلاش تديقها، رانسى حساسة وممكن تزعل وتسيب البيت ماشى، خلى بالك من كلامك معاها.
سلمى: شور طبعا.
فى الصباح فى فيلا العميرى.
جلس محمد العميرى وبجانبة اولادة وأحفاده على مائدة الافطار ولكن بدون رانسى.
محمد: فين رانسى؟
اياد: باتت مع علا امبارح، معقول لسة نايمة؟
علا: لا، هى لعبت مع مروان وبعد كدة قالت هتروح تنام، بس مابتتش معانا.
اياد بقلق: ازى؟ انا هطلع اشوفها فين.
صعد اياد يبحث عنها فى كل مكان بالفيلا ولم يجدها.
والجميع فى حالة صدمة.
اين ذهبت؟
ندى بخوف: بنتى هتكون راحت فين؟
اياد: طب مين اصحابها؟
ندى: لينا، انا هتصل بلينا.
علا: يمكن عند ملك.
اياد: هكلم ملك.
اتصل اياد بملك ولكن لم تذهب الى هناك.
واتصلت ندى بصديقتها لينا وايضا لم تذهب.
ندى: مش عند حد، هى مالهاش حد هنا، وعمها وولادة مسافرين، يعنى هتروح فين؟
محمد: حصل حاجة بينكم يابنى؟ هى مش طبيعية من ساعة مارجعتو من العين السخنة، حتى حاولت اتكلم معاها كانت بتصدنى، وانشغلنا بموضوع علا، بس انا لاحظت هى كانت متغيرة، مش حفيدتى إللى انا اعرفها.
اياد: عادى ماحصلش حاجة.
ندى بدموع: يارب نجيها يارب، ورجعها بالسلامة يارب، ماليش غيرها يارب.
اياد: انا هقلب عليها الدنيا ومش راجع من غيرها.
أجرأ بعد الاتصالات بالعمل وبلغ ماجد يدير الشغل، وقرر الذهاب إلى خالد ليساعدة فى البحث عن زوجتة.
فى منزل خالد.
تحدث اياد بقلق: اتصرف يا خالد، نوصلها ازى؟
خالد: هو انت مزعلها اوى لدرجة دى؟
اياد بحزن: ايوة، أوجعتها وظلمتها اوى، ومش عارف هتقدر تسامحنى ولا اية.
خالد: اطمن، هنحاول نوصل لرقم موبيلها ونحدد مكانها.
اياد: ماعتقدش ان رانسى ساذجة، دى اكيد مقررة تعمل اية.
خالد: يبق ندور فى كل مكان ممكن تكون بتتردد علية، وندور فى المستشفيات كمان، ولو مش وصلنا لحل نحاول نوصل لحد من شركة الموبيل ونعرف، بس دة بيكون محتاج اذن نيابة، لو غابت اكتر من يوم نقدر نتواصل من الشريحة حتى لو مغلق، اطمن.
اياد: يارب، انا بتعبك معايا يا خالد، وانت مش ناقص مشاكل، كفايا إللى انت فية.
خالد: عيب، احنا اهل، مهم حصل، ورانسى دى اختى، وانا قلقان عليها، وهنوصلها ان شاء الله.
فى بيت يحيى السمرى.
استيقظت بكسل وابدلت ملابسها وخرجت من غرفتها.
يحيى: صحى النوم ياكسلانة.
رانسى بابتسامة: صباح الخير.
سلمى ببرود: صباح النور، احضرلك فطار؟ اصل احنا فطرنا من بدرى، متعودين نصحى بدرى.
رانسى: لا ميرسى، هعمل نسكافية، حد يشرب معايا؟
يحيى: حبيبة اخوها، اعمليلى معاكى.
رانسى: حاضر، وانتى ياسلمى اعملك؟
سلمى: لا مش عايزة ميرسى.
دخلت رانسى المطبخ تحضر النسكافية.
سلمى لنفسها: بتعزم عليا فى بيتى كمان، حاجة تخنق.
سلمى: يحيى حبيبى، مش كنا ناوين نقضى اليوم عند بابا؟ اصلهم واحشونى اوى.
يحيى: اة طبعا ياحببتى، بس مش هقدر اسيب رانسى كتير، هاجى معاكى بس مش اتأخر هناك عشان رانسى هتكون لوحدها.
سلمى بغيرة: هى رانسى صغيرة ولا اية؟ وبعدين انا اتخنقت هنا، كنت فى ايطاليا احسن من هنا.
يحيى: مش انتى اصريتى على النزول عشان تبدا من هنا وتكبرى اسمك فى بلدك، ولا اية يادكتورة؟
رانسى: النسكافية وصل.
يحيى: تعالى هنا جنبى، احكيلى بقى كل حاجة.
سلمى بغيرة: انا هدخل اجهز عشان نروح عند ماما.
يحيى: ها احكيلى يارينسو، فركشتى مع عمرو ازى؟
رانسى بدموع: لا مش فركشت، هو إللى سبنى وخلع يوم الفرح، اتخلى عنى، وابية اياد بقى الشهم إللى اتنازل واتجوزنى عشان العيلة واسم العيلة وشرفها، وطبعا سمعتى بقى.
يحيى بصدمة: اية كل دة حصل؟ وطنط ندى فين من دة كلة؟
رانسى بدموع: انا مش عايزاهم تانى، انا تعبت هناك واتكسرت واتوجعت، كفايا مابقتش اتحمل اقعد معاهم تانى، وماما كمان مش بتقدر تتكلم، وحقى ومشاعرى كل بيضيع تحت رجليهم من واحد لاتانى. انا عاوزة اطلق من اياد واعيش انا وماما فى شقة بابا الله يرحمة، عايزة نعيش حياتنا زى أى حد وأكمل دراستى، مش عايزة حد يتحكم فية تانى ياابية ارجوك.
يحيى: اطمنى، انا موجودك معاكى ماتخفيش من حد، انا ضهرك وسندك، ودة بيتك، هتفضلى هنا وماحدش هيعرف بوجودك غير لم انتى تقررى، وانا هكلم محامى اشوف نعمل اية، مش عايزك تقلقى طول ماانا عايش فاهمة.
رانسى بدموع: ربنا يخليك ليا، عشان كدة ماصدقت انك جيت ياابية.
بعد جولة بحث فى المستشفيات لم يعلم أحد عنها شئ.
جاء اتصال إلى اياد.
اياد باستغراب.
الفصل التاسع عشر
تغيرت حياتي يوم زفافي
صدح رنين هاتفه معلنا عن اتصال من الطبيبه، نظر لشاشه الهاتف بقلق ثم همس.
دكتورة منة، يارب خير.
اياد: الو ازيك يادكتورة.
منة: ازيك يابشمهندس، وازى رانسى عاملة اية دلوقتى؟
اياد: الحمد لله بخير.
منة: انا اتصلت عشان الدكتورة النفسية عشان رانسى تتابع معاها، هى دلوقتى موجودة فى مصر، وانا هحدد ميعاد واتفق واخبر حضرتك.
اياد: شكرا يادكتورة، مش عارف اقولك اية.
منة: دة واجبى، مع السلامة.
اياد: مع السلامة.
اياد بشرود: هو انا لاقيها عشان اخليها تتعالج؟ ربنا يستر.
فى بيت يحيى.
ارتدت ملابسها وخرجت لزوجها.
سلمى: يحيى انا جاهزة، مش هتغير؟
يحيى: حاضر، رانسى هوصل عند اهل سلمى ومش هتاخر، خلى بالك من نفسك ماشى ياحببتى.
رانسى بابتسامة: حاضر.
سلمى بملل: رانسى معلش مش تطفل منى، بس انتى لسة عروسة، وغلط ياحببتى تسيبى بيتك وجوزك، دة ممكن يبص برة البيت وكدة، هيكون غلط فى حقك اوى، انتى جميلة تقدرى تكسببة بكلمة حلوة، بنظرة حتى، الرجالة دول لازم تعرفي دماغهم اية وتمشي امورك على هذا الأساس.
رانسى بحزن: حاضر، هحاول اعمل بنصحتك، عن اذنك هدخل اوضتى.
سلمى: اوضتك دي؟ هتستولى على بيتى بقى؟ اية الحياة المملة دى بقى؟ مش عارفة اعيش مع جوزى لحظات عشق ولا رومانسية، ودى موجودة، اعمل فيها اية؟ دى مابتحسش.
سمعت رانسى صرصرت سلمى وشعرت بالنفور، فالجميع لا يريدها، وهى اصبحت عبئا على الجميع.
تنهدت بألم وذهبت إلى الفراندة الخاصة بالغرفة.
وظلت تفكر فى حياتها ومصيرها وتبكى على حالها.
ابدل يحيى ملابسة وخرج من غرفتة.
يحيى: فين رانسى؟
سلمى: دخلت تكمل نوم، يلى احنا بقى.
يحيى: طب هدخل اشوفها محتاجة حاجة.
سلمى بكدب: لا، هى قالت هتكمل نوم، سبها ياحبيبى براحتها بقى، مش تقلقها.
