مفيش مشكلة يا مدام كريمة بس واضح إن فيه أمور محتاجة تتناقش
رامي قرب مني وهمس بعصبية
إنتي عملتي إيه؟
بصيتله وقلت
ولا حاجة غير إني بطلت أخاف منك
كمالت الجملة قبل ما يرد
لكن المفاجأة الحقيقية كانت لسه مستنياه لما شريف فتح أول ملف على الترابيزة وقاله إن الموضوع أكبر بكتير من مجرد خناقة بين زوج وزوجته…
شريف فتح الملف وطلع منه مجموعة أوراق وحطها قدام رامي وقاله
إحنا عندنا شوية مستندات محتاجين نفهمك مضمونها
رامي بص للأوراق وقال باستهزاء
مستندات إيه؟ هو أنا متهم في قضية؟
شريف رد بهدوء
ده اللي هيتحدد بعد مراجعة المستندات والتحقيقات لكن عندنا دلوقتي شبهة تزوير واستعمال بيانات شخصية من غير موافقة صاحبتها
كريمة شهقت وقالت
تزوير إيه بس؟ إنتوا بتتكلموا عن ابني!
بابا رد عليها
وإحنا بنتكلم عن بنتي اللي ابنك ضربها امبارح عشان رفضت تبيع شقتها وتعيش معاكي
كريمة بصتلي بسرعة وقالت
ضربك؟ إنتي بتقولي إيه يا نيرمين؟ ده رامي عمره ما يمد إيده عليكي
ضحكت بسخرية وقلت
غريبة إنك عرفتي إنه عمره ما يضربني وإنتي أصلا ما سألتيش أنا وشي عامل كده ليه
رامي اتدخل بسرعة
يا عمي دي خناقة عادية بين زوجين ونيرمين مكبرة الموضوع عشان أنا طلبت منها نعيش مع أمي
بابا رد بحزم
الخناقة العادية مش بتسيب كدمات على الوش والجسم
وبعدين بص لشريف
ورّيه التسجيل
شريف فتح اللابتوب وشغل تسجيل صوتي كان متسجل في أوضة النوم
ظهر صوت رامي واضح وهو بيزعقلي
إنتي هتبيعي الشقة سواء عجبك أو لأ ومش هتفضلي تتحكمي فيا بفلوس أبوكي
وبعدها صوت كريمة في تسجيل تاني
خليها تتنازل عن الشقة الأول وبعدها انقلوا عندي وأنا هعرف أربيها من جديد دي محتاجة تعرف إن ليها كبير
رامي وشه اتغير
بص لأمه وقال
إنتي كنتي بتكلميها في الموضوع ده إمتى؟
كريمة اتلخبطت وقالت
أنا؟ أنا ما قلتش الكلام ده
شريف وقف التسجيل وقال
لسه فيه تسجيلات تانية لو حابين نسمعها
رامي قرب من اللابتوب وقال بعصبية
إنتي سجلتي كلامنا من غير علمنا؟
قلتله
إنت كنت فاكر إنك عطلت كاميرات الشقة لكنك ما كنتش تعرف إن التسجيلات بتتحفظ على حسابي الخاص
قال باستهزاء
وإنتي فاكرة إن التسجيلات دي هتعملك حاجة؟ دي شقة زوجية والكلام اللي بينا ملوش قيمة
شريف رد عليه
متقلقش إحنا مش معتمدين على تسجيل واحد بس عندنا مستندات مالية وتحويلات ورسائل إلكترونية وصور إصابات وتقارير طبية هتتقدم للجهات المختصة
كريمة بدأت تفقد أعصابها
أنا مش فاهمة كل ده ليه؟ هو ابني قت/لها؟ دي مراته ومن حقه يربيها
بابا وقف من مكانه وقال بصوت قوي
يربيها؟ إنتي بتتكلمي عن إنسانة مش عن طفلة عندك في البيت وبعدين من إمتى الضرب بقى تربية؟
كريمة حاولت تغير الموضوع وقالت
أنا كل اللي طلبته إنهم يعيشوا معايا عشان أبقى مطمنة على ابني وبدل ما نيرمين تساعدنا بتقف في طريقه
قلت لها
تساعدكم بإيه يا كريمة؟ أنا شغالة وبصرف على نفسي وبساهم في مصاريف البيت ومش مقصرة مع رامي لكن إنتي عايزة تاخدي شقتي ومرتبي كمان
ردت بحدة
الشقة دي مش هتنفعكم طول العمر وإنتي أصلا مش مخلفة وعايزة تعملي فيها إيه؟
الكلمة وجعتني أكتر من أي حاجة تانية
بصيتلها وقلت
يعني عشان ربنا ما رزقنيش بأطفال لحد دلوقتي بقيتوا شايفين إن ماليش قيمة وإن من حقي أتنازل عن كل حاجة؟
رامي حاول يسكت أمه وقال
خلاص يا ماما مش وقته الكلام ده
لكنها كملت بعناد
أنا بقول الحقيقة وبعدين أنا كنت هخلي الشقة تتسجل باسم رامي عشان يبقى عنده مستقبل
ضحكت وقلت
أهو بنفسك قلتي الحقيقة
شريف سجل كلامها في محضر ملاحظات وقال
ممكن نرجع للنقطة الأساسية؟ هل فيه أي مستند بيخليكم تطالبوا بملكية الشقة؟
رامي رد بسرعة
أنا جوزها ومن حقي أشاركها في كل حاجة
شريف قال
الجواز مش معناه إن ممتلكات الزوجة الخاصة بتتحول تلقائيا لملكية الزوج
وبعدين طلع صورة عقد الملكية وحطها قدامه
الشقة باسم نيرمين من قبل الجواز ومفيش أي تنازل أو مشاركة في الملكية
رامي سكت
ولأول مرة شفت في عينه خوف حقيقي
بعدها شريف طلع ورقة تانية وقال
فيه موضوع تاني لازم نتكلم فيه
رامي سأله
موضوع إيه؟
شريف قال
القرض اللي اتقدم باسم نيرمين وقيمته ستمية وخمسين ألف جنيه
كريمة بصت لابنها وقالت
قرض إيه يا رامي؟
رامي رد بسرعة
ده موضوع شغل ومفيش داعي ندخل فيه
قلتله
موضوع شغل؟ طب ممكن تفهمني ليه البنك بعتلي مطالبة بالسداد على قرض أنا ما قدمتش عليه؟
رامي قال بعصبية
إنتي مش فاهمة حاجة في الموضوع ده
قلتله
طب فهمني
ما ردش
شريف فتح نسخة من طلب القرض وقال
