المواجهه

لكن أول ما خرج فتحت الملف اللي سابه على الترابيزة وبدأت أقلب في الورق

 

كان في اسم متكرر في أكتر من صفحة

 

فؤاد النجار

 

ما كنتش أعرف الاسم ده لكن تحت الاسم كان مكتوب رقم تليفون قديم وعنوان في القاهرة

 

وفي آخر الملف لقيت ورقة صغيرة مكتوب عليها بخط إيد أبويا

 

لو حصل لي أي حاجة سلمى لازم تعرف الحقيقة

 

وقفت عند الكلمة الأخيرة

 

سلمى

 

ما كانش ده اسمي

 

أنا اسمي نجلاء

 

ليه أبويا كاتب اسم سلمى

 

وتحت الورقة كان في تاريخ قبل اختفائه بيومين

 

حاولت أفتكر إذا كان أبويا قال لي حاجة عن الموضوع ده لكنه ما كانش بيتكلم عن شغله من سنين

 

صورت الورقة بالموبايل وبعتتها لحازم وكتبت له

 

مين سلمى

 

رد عليا بعد دقايق

 

ما تتحركيش من المستشفى أنا جاي لك

 

رجع حازم ومعاه محمود وبعد ما شاف الورقة اتغيرت ملامحه

 

قال

 

الاسم ده اسم بنت كانت بتشتغل في الحسابات عندنا واختفت بعد اختفاء أبوكي بيومين

 

سألته

 

يعني إيه اختفت

 

يعني سابت شقتها وشغلها وما حدش عرف يوصل لها

 

قلت له

 

طب وإيه علاقتها بأبويا

 

حازم قال

 

مش عارف لسه لكن واضح إنها كانت تعرف حاجة عن الفلوس اللي اختفت

 

طلبت منه يوديني المكان اللي كانت ساكنة فيه

 

رفض في الأول وقال إن حالتي ما تسمحش لكني أصريت لحد ما وافق بشرط إن محمود ييجي معانا

 

تاني يوم خرجت من المستشفى وروحنا عنوان الشقة في منطقة قديمة في القاهرة

 

البيت كان في شارع ضيق والبواب أول ما شاف حازم عرفه وسأله إذا كان رجع يدور على البنت اللي اختفت

 

حازم سأله

 

إنت شفتها آخر مرة إمتى

 

البواب فكر شوية وقال

 

من سبع شهور تقريبا كانت واقفة تحت البيت مع راجل كبير في السن وكانوا بيتخانقوا بصوت واطي وبعدها ركبت عربية ومشيت

 

سألته

 

الراجل كان شكله إيه

 

قال

 

كان عنده جرح قديم فوق حاجبه وكان لابس جاكيت بني

 

حازم بص لي وأنا بصيت له

 

أبويا كان عنده جرح فوق حاجبه من حادثة قديمة

 

طلعت السلم بسرعة رغم وجع ضهري وحازم لحقني

 

وصلنا للشقة ولقينا الباب مقفول لكن البواب كان محتفظ بمفتاح احتياطي عشان صاحب الشقة طلب منه يراقب المكان

ول ما دخلنا لقينا الأوضة شبه فاضية لكن في درج المكتب كان في ظرف عليه اسمي

 

إلى نجلاء بنت جلال

 

إيدي كانت بتترعش وأنا بفتحه

 

جواه رسالة قصيرة بخط أبويا

 

بنتي نجلاء

 

لو الرسالة دي وصلت لك يبقى أنا فشلت أوصلك قبل ما يضيع كل شيء

 

أنا ما سرقتش فلوس من شركة حازم الدمنهوري واللي حصل كان ترتيب من فؤاد النجار اللي كان مسؤول عن العقود والمشتريات

 

اكتشفت إنه بيحول فلوس الشركة لحسابات وهمية ولما واجهته هددني وقال لي إنه هيخليني أنا اللي أشيل القضية كلها

 

كان معايا دليل يثبت كلامي لكني ما قدرتش أوصله لحازم

 

الدليل موجود في مكان كنتي بتروحيه وإنتي صغيرة مع أمك

 

ما تثقيش في أي حد يقول لك إنه عايز يساعدك من غير ما تعرفي هو مستفيد إيه

 

سامحيني يا بنتي

 

أبوكي جلال

 

خلصت الرسالة ودموعي نزلت من غير ما أحس

 

أبويا كان عايش وقت ما كتبها وكان بيحاول يحميني

 

حازم قرأ الرسالة وسكت شوية وبعدها قال

 

فؤاد كان شريكي في الشركة وكان عنده صلاحيات كبيرة في الحسابات لكن بعد اختفاء أبوكي هو اللي قدم المستندات اللي اتهمته

 

قلت له

 

لازم نلاقي الدليل

 

حازم سألني

 

فاكرة المكان اللي بتروحيه وإنتي صغيرة

 

فكرت في بيت جدتي القديم في طنطا

 

أمي كانت بتاخدني هناك كل صيف وكان أبويا ساعات يخبيني في جنينة البيت ويقول لي إن في حاجات لازم نحافظ عليها حتى لو الدنيا كلها حاولت تاخدها مننا

 

قلت لحازم

 

بيت جدتي في طنطا

 

تحركنا في نفس اليوم ووصلنا طنطا قبل المغرب

 

البيت كان مقفول من سنين لكن جارنا القديم عم صبحي عرفني وفتح لنا الباب

 

أول ما دخلت حسيت إني رجعت طفلة تاني

 

كل ركن في البيت كان فاكرني بأمي وأبويا

 

دخلت الجنينة وبدأت أدور في المكان اللي كنت بلعب فيه زمان

 

افتكرت إن أبويا كان دايما يخبيني مفتاح صغير تحت حجر جنب شجرة الليمون

 

شلت الحجر ولقيت علبة معدنية قديمة

 

فتحتها ولقيت مفتاح وفلاشة صغيرة وورقة مكتوب عليها رقم خزنة في أحد البنوك

 

حازم مسك الفلاشة وقال

 

دي ممكن تكون أهم حاجة في القضية كلها