صالة في المكتب خيم عليها صمت شديد. سعاد شهقت وحطت إيدها على بوقها إيه؟!! بطنك مكنش فيها عيل واحد يعني إيه؟!
أحلام دموعها نزلت أخيرًا، وقالت بصوت مكسور أنا ولدت توأم يا سعاد! بنتين زي القمر… مريم… وأختها التانية!
أنا قومت وقفت من على الكرسي لا إرادياً، الحيطان بتلف، عقلي يصرخ توأم؟! أنا ليا أخت توأم؟!
أحلام بصت لي ومسكت إيدي بقوة، ودموعها بتنزل زي الشلال أيوة يا مريم… ليكي أخت توأم، نسخة منك فولة وانقسمت نصين! يومها لما جيتي الدنيا، الدكتور قال إن الطفلة التانية نبضها ضعيف جداً ومحتاجة حضانة فوراً، وإنتِ يا مريم كنتِ قوية وصحتك كويسة وصرختك ملت الأوضة. سعاد مكنتش تعرف، لأن الدكتور أخد الطفلة التانية على الحضانة بسرعة قبل ما سعاد تشوفها، وأنا كنت بين الحياة والخطر تحت تأثير البنج.
سعاد أخدتك ومشيت بيكي زي ما اتفقنا عشان تلحق ترجع القاهرة وتكمل تمثيلية ولادتها، وأنا فضلت في المستشفى مع البنت التانية أسبوع كامل بين السما والأرض، كنت بدعي ربنا يعينني، بس ربنا كتب للبنت التانية تعيش! لما فوقت وبقيت قادرة أقف على رجلي، لقيت نفسي أم لبنت رضيعة، ومعيش غير شوية فلوس ودهب سعاد إدتهوملي، ومقدرش أرجع بلدنا في المنوفية عشان الكلام، ومقدرش أروح لعثمان ولا أكلم سعاد عشان مبوظش الاتفاق اللي أنقذ حياتك وعملك بيت وعيلة!
عثمان كان مبلم، عروق وشه كانت بتنبض بطريقة مرعبة، وهمس وبنتك التانية… راحت فين؟! عملتِ بيها إيه؟!
أحلام بصت له بنظرة احتقار وكملت سافرت بيها يا عثمان. خالتها اللي شغلتني عندك كانت متجوزة راجل شغال في الكويت، ساعدوني وطلعوا لي ورق وسافرت واشتغلت هناك ليل ونهار، ربيت بنتي التانية بعرقي وبشرفي، ربنا فتحها عليا وكملت تعليمي واشتغلت في التجارة وفتحت شركة صغيرة كبرت وبقت مؤسسة، وسميتها نور… على اسم أختي الله يكرمها. كبرت نور وعلمتها أحسن تعليم، ومحرمتهاش من حاجة، وعمرها ما شافت الإهانة ولا الذل ولا الشك اللي إنت عيشت مريم فيه!
أنا كنت بدمع ومش قادرة أستوعب نور؟! أختي اسمها نور؟ طب هي فين دلوقتي يا طنط… يا… يا ماما؟! هي مجتش معاكي ليه؟!
أحلام ابتسمت بحزن، وشاورت للمحامي. المحامي شاور للسكرتيرة على الإنتركول، وبعد ثواني، باب الأوضة اتفتح بهدوء.
دخلت بنت… أول ما دخلت، حسيت إن روحي طلعت مني ورجعت تاني. نفس طولي، نفس لون شعري، نفس الملامح بالظبط، لابسة فستان بسيط وأنيق، وعينيها كانت متعلقة بيا أول ما شافتني. كانت واقفة متجمدة، ودموعها بتلمع في النور. جريت عليها من غير ما أحس، وهي فتحت دراعاتها، واترمينا في حضن بعض في نص الأوضة.
اللحظة دي مكنش فيها صوت غير شهقاتنا وبكانا اللي هز حيطان المكتب كله. كنا بنمسك وشوش بعض، نتحسس نفس الملامح، نفس الشبه اللي أبويا كان بيكرهه فيا طول السنين دي عشان بيفكره بخطيئته! 28 سنة محرومين من بعض، عايشين في بلاد مختلفة، بس قلوبنا اتلاقت في ثانية واحدة كأننا عمرنا ما افترقنا.
سعاد كانت بتبكي وتمسح دموعها، وجت ضمتنا إحنا الاتنين في حضنها، وقالت بصوت مليان إيمان سبحانك يا رب… سبحان مجمع الشتات بعد ما ظنوا ألا تلاقيا! ربنا مبيضيعش حق حد، وربنا جمع الشمل على كبر!
لكن في وسط كل المشاعر دي… أحلام وقفت قدام عثمان، ووشها اتحول للجدية التامة. شاورت للمحامي، اللي حط قدام عثمان إقرار قانوني رسمي ودعوى قضائية جاهزة للرفع في النياب
أحلام بصت لعثمان وقالت له بحسم دلوقتي يا عثمان… الحساب جه وقته. إنت طول السنين دي مش بس أهملت بنتك وذليتها وشككت في نسبها وشرفها وشرف الست اللي صانت بيتك، إنت عملت واقعة تزوير، وواقعة إنكار نسب، وواقعة ضغط زمان. الأوراق دي كلها، بتحاليل ال DNA لنور ولمريم وليا وليك، جاهزة تتقدم للمحكمة بكرة الصبح.
والكلام اللي كنت بتجري منه طول عمرك وبتحسب له ألف حساب عشان شركتك وسمعتك ومركزك في السوق… هتبقى مانشيتات على كل مواقع الأخبار والجرائد، واسم الحاج عثمان صاحب أكبر شركة مقاولات هيبقى على كل لسان!
عثمان مسك صدره بإيديه الاتنين، ركبه سابت ووقع من على الكرسي قعد على ركبه قدام رجل أحلام وسعاد، كان بيبكي بحدة، وشكله بقى يثير الشفقة والقرف في نفس الوقت أبوس رجليكم… بلاش الكلام ده على كبر! أنا راجل بخلص حياتي، سمعتي هي اللي فاضلالي! اطلبوا اللي أنتم عايزينه… أنا مستعد أتنازل عن كل حاجة! الفلوس، الشركة، الشقق، كل حاجة مريم ونور وأنتِ تاخدوها، بس متكسرونيش قدام الناس!
أحلام وطت وبصت في عينيه بكل برود وقالت له إنت اللي كسرت نفسك بنفسك يا عثمان من 28 سنة. إحنا مش جايين نشحت منك، نور مش محتاجة مليم من فلوسك، وأنا عملت لها ثروة بالحلال متقلش عن ثروتك المشكوك فيها. بس مريم… مريم هتاخد حقها تالت ومتلت بالقانون ومن غير ما تمن عليها ولا بجنيه!
هتكتب نص أملاكك وشركتك لمريم بيع وشراء نهائي ونافذ النهارده، وهتكتب لشقة مصر الجديدة وكل ما تملك من عقارات تانية لسعاد، الست اللي ضيعت شبابها وعمرها تستحمل قرفك وسوء معاملتك، وتطلقها بهدوء وباحترام وتاخد مؤخرها ونفقتها كاملة! والشرط التاني… هتكتب اعتذار وإقرار رسمي بنسب مريم ونور قدام عائلة حسام خطيب مريم وقدام كل الناس، وتقول للكل إن الشك اللي كان عندك كان سببه وساوس في عقلك المريض، وإن مريم أشرف من أي حد عرفته في حياتي
