عدت سنة كاملة على اليوم اللي اتقلبت فيه حياتي رأسًا على عقب… سنة بحالها، اتعلمت فيها إن الضړبة اللي ما بتموتش بتقوي، وإن ربنا لما بيكشفلك وشوش الناس الحقيقية، بيبقى بينقذك من غرق محقق، حتى لو الۏجع في الأول كان يهد جبال.
في الصبحية البدرية من يوم الخميس، كنت واقفة قدام شباك مكتبي في الدور العاشر بمقر مجموعة الحاج محمود للمقاولات والنقل، ماسكة فنجان القهوة بتاعي وببص على النيل من بعيد.
النهاردة مش يوم عادي في حياتي… النهاردة فيه حاجتين مهمين جدًا أول حاجة، النطق بالحكم النهائي في قضية التزوير والاستيلاء على الأموال اللي مرفوعة ضد كريم وحسام؛ وتاني حاجة، افتتاح أكبر مشروع
لوجستي وموانئ جافة في الشرق الأوسط، اللي شركتي كسبت مناقصته وبنته في وقت قياسي!
الباب خبط، ودخلت سكرتيرتي الجديدة، بنت شاطرة ومجتهدة اسمها سلمى، وحطت قدامي ملف أنيق صباح الخير يا باشمهندسة نادين، الأستاذة أمل وصلت بره وبتقول لحضرتك إنها جاية من المحكمة حالاً.
قلبي دق دقة سريعة، مش خوف، لكن ترقب لنهاية صفحة كاملة من عمري عشان تتقفل للأبد. دخليها فورًا يا سلمى، واطلبيلها قهوتها المظبوطة.
دخلت الأستاذة أمل، وعلى وشها ابتسامة عريضة كلها انتصار وارتياح. قعدت قدامي وحطت شنطتها على المكتب مبروك يا ست الكل… الستارة نزلت خلاص!
اتنهدت بعمق، وسندت ضهري على الكرسي احكيلي يا أستاذة أمل،
المحكمة حكمت بإيه؟
المحكمة النهاردة أصدرت حكمها في الجناية رقم ٤٥٢ السچن المشدد ٧ سنين لحسام الدين محمود پتهمة التزوير في محرر رسمي واستعماله، والاشتراك في الڼصب والاحتيال، مع عزله من وظيفته ومصادرة المحررات المزورة. أما حبيب القلب كريم عبد الرحمن، فخد ٥ سنين سجن مع الشغل والنفاذ پتهمة الاشتراك في التزوير، والاستيلاء على أموال الغير بدون وجه حق، وإلزامهم هما الاتنين برد مبلغ المليون و٨٠٠ ألف جنيه ليكي مع التعويض المدني المؤقت!
غمضت عيني ثواني، وحسيت بنسيم بارد بيدخل صدري وبيطفي آخر ذرة ڼار كانت لسه باقية من الغدر اللي شفته منهم.
والحمد لله، فلوسك اللي كانت متحفظ عليها في الشركة
رجعت لحسابك
رسمي بالكامل، ده غير إننا كسبنا دعوى بطلان عقد التنازل عن حصتك في فيلا المعادي، وطبعًا إنتِ اشتريتي حصة كريم في المزاد العلني اللي اتعمل لسداد ديونه للبنوك، وبقت الفيلا ملكك بالكامل بنسبة مية في المية!
ابتسمت بهدوء ربنا كبير أوي يا أستاذة أمل… ما بيسيبش حق مظلوم أبدًا. بس قوليلي، إيه أخبارهم في الجلسة؟ كان شكلهم إيه؟
الأستاذة أمل ضحكت بسخرية وقالت يا ستي ده كان فيلم كوميدي تراجيدي في القاعة! حسام وكريم طول الجلسة بيشتموا في بعض قدام القاضي، كل واحد بيرمي التهمة على التاني. حسام بيقول للقاضي والله يا بيه كريم هو اللي جابلي صورة توقيعها وقالي خلصلي قسيمة الطلاق عشان
ألحق أتجوز السكرتيرة قبل ما بطنها تكبر! وكريم يرد عليه كذاب يا بيه، ده هو اللي قالي أمضي وأنا هظبط كل حاجة في السجل المدني عشان ناخد فلوسها ونخلص من ديوننا! القاضي بصّلهم بقرف وقالهم إنتوا الاتنين أوسخ من بعض، وتستاهلوا أقصى عقۏبة!
سكتت لحظة، وافتكرت أمي وأختي وماما ومنة؟ حضروا الجلسة؟
وش الأستاذة أمل اتغير لملامح جدية، وقالت بنبرة هادية الحقيقة أه… شفتهم بره القاعة. منة كانت شايلة ابنها الرضيع، وشكلها متبهدل خالص، لا لبس شيك ولا مظاهر، باين عليها الهم والفقر بعد ما حسام اتسجن وأملاكه اتحجز عليها لصالح البنوك. أما مامتك… فكانت قاعدة على دكة خشب بره القاعة بټعيط،
وأول ما شافتني طالعة، جريت عليا وحاولت تمسك إيدي وتترجاني أكلمك عشان تتنازلي عن الحق المدني وتسامحيهم!
بصيت من الشباك تاني، وافتكرت كلام أمي ليا في الصالون يوم ما كانت فاكراني ضعيفة ومکسورة إنتِ طول عمرك نكدية وعاملة فيها شهيدة! امضي وروحي شوفي حياتك!
افتكرت نظرة الشماتة في عيون منة وهي بتضحك عليا، وافتكرت ريهام وهي قاعدة في بيتي وبتشرب عصير وبتقولي كريم بيحبني وأنا حامل في ابنه، ياريت تتحلي بالروح الرياضية!
بالمناسبة… ريهام! سألت الأستاذة أمل بفضول صحيح، وريهام عملت إيه؟
ريهام دي بقى حكايتها حكاية! أول ما كريم اتقبض عليه واتحبس على ذمة القضية، راحت عملتله محضر إثبات
نسب
