
امي مكانش حيلتها غير جاموسه واحده بتبيع خيرها وتصرف منه علينا وتأكلنا انا واخواتي ،بس ابويا باعها من وراها وسافر بفلوسها وسابنا، يومها امي اڼهارت حرفيا وطلعت تصرخ في الشارع وكل اللي على لسانها مش عايزه الجاموسه هاتولي الجرس اللي في رقبتها !!!
أنا نسمه فتحت عيوني على الدنيا لقت أمي هي الحيطة المايلة، الست اللي شايلة البيت فوق كتافها، في الوقت اللي كان فيه أبويا عايش لنفسه وبس، ملوش همّ في الدنيا دي غير كيفه وسجايره، ولا كأنه متجوز ولا كأنه خلّف عيال أصلاً. أبويا كان ديماً مسطول، غايب عن الوعي وعن الدنيا، قاعد في حاله مع مزاجه، ولا عمره سأل فينا .
كنت بشوف أمي
وهي بتتحمل وتدوس على قلبها عشان تربينا أنا وأخواتي وانا اكبرهم.
كل حيلة أمي في الدنيا دي، وكل رأس مالها اللي عايشة بيه، كانت جاموسة مربياها في الحوش وبتصحى من التجمه توديها حوش واحد جارنا عنده بهايم كتير عشان توكلها وتراعيها وبالليل تجيبها حوشنا.
الجاموسة دي كانت بالنسبة لأمي مش مجرد بهيمة، دي كانت راس مال وستر وطوق نجاة. لما تولد، كانت تبيع عجلها، وتحلب لبنها، وتصنع المش والجبنة الفلاحي عشان تلف بيهم على البيوت وتبيعهم، وتصرف علينا .
وكل ما الجاموسة تكبر قوي وتبتدي تعجز، تبيعها وتجيب واحدة أصغر منها بشوية، وتفضل اللفة دايرة، وهي صابرة وراضية، وتقولنا بكرة تكبروا
وتشيلوني.
لحد اليوم الأسود ده… صحينا الصبح زي كل يوم، لا حسّ ولا خبر. بصينا ملقناش أبويا، ولا حتى هدومه القديمة المقطعة اللي كانت متعلقة على الحيطة. أمي اټجننت، قامت مڤزوعة جريت على الحوش حافية، دخلت ملقتش الجاموسة! أبويا باع الجاموسة وهرب وسافر، سابنا من غير مليم، ومن غير حتى البهيمة اللي حيلتنا.
وهنا.. وقعت أمي على الأرض من هول الصدمة.
الست اللي استحملت الفقر والجهل وقسۏة الأيام مع جوز مدمن، مكملتش لما لقت نفسها لوحدها.. دي اڼهارت بالمعنى الحرفي. قامت تجري في الشارع زي المچنونة، شعرها منثور، وهدومها مبهدلة، تصرخ بأعلى صوتها للناس الحقوني.. جوزي هرب واخد الجاموسة!
حد
يساعدني بللله عليكم.. مش عايزة الجاموسة يا ناس.. هاتولي الجرس اللي في رقبتها! هاتولي جرسها!.
الناس اتجمعت و ستات الشوارع وقفوا على الباب يحطوا إيديهم على بوقهم من الذهول.
بس الغريب واللي جنّن البلد كلها، مش إن الراجل هرب وساب عياله، ولا إنه باع آخر ما نملك.. الغريب كانت جملتها اللي بترددها پجنون وغرابة مش عايزة الجاموسة.. هاتولي الجرس اللي في رقبتها!.
الجرس ده.. كنت عارفاه كويس. ده جرس قديم نحاس، كانت بتعلقه دايماً في رقبة كل جاموسة تجيبها. الحقيقة إن أغلب جواميس البلد كان متعلق في رقبتها جرس شبهه، يعني مش حاجة غريبة ، ده مجرد جرس عادي بيرن بصوت خفيف
مع كل خطوة للبهيمة.
وقتهاكل الناس افتكرت إن الست مسكينة اټجننت من عملة جوزها سابت الجاموسة وقاعدة تدور على حتة حديد!.
لكن أنا، وأنا واقفة وراها ماسكة إخواتي الصغيرين ومړعوپة من شكلها وهي بتلطم على وشها، كنت حاسة إن وراء الجملة دي سر كبير، واللي عرفته منها مش بس صدمني ده قلب البلد كلها!!!!!!
أنا وقتها كنت واقفة مش فاهمة حاجة، ببص لأمي وهي بتصرخ، وببص للناس اللي حواليها، وكل اللي في دماغي سؤال واحد هو إيه حكاية الجرس ده؟ وليه أمي مش عايزة الجاموسة نفسها وعايزة الجرس؟
قربت منها وأنا بحاول أهديها، مسكت إيديها وقلت لها يا أمي اهدي بالله عليكي، إحنا هنلاقي
بابا، وهنرجع الجاموسة، بس قوليلي إنتِ عايزة الجرس ليه؟
أمي مسكت في هدومي وفضلت تهزني وهي بتقول الجرس يا نسمه.. الجرس! أبوكي مش عارف اللي فيه، لو الجرس ضاع إحنا هنضيع!
كلامها زود خۏفي، وحاولت أسألها تاني، لكنها فجأة سكتت وبصت ناحية آخر الشارع، وبعدها غطت وشها بإيديها وفضلت ټعيط.
واحد من الجيران اسمه عم جابر قرب منها وقال اهدي يا أم نسمة، أنا هروح أسأل في السوق، وأشوف مين اللي اشترى الجاموسة من جوزك.
وبالفعل عم جابر خد معاه اتنين من الرجالة وراحوا يدوروا، وأنا دخلت البيت أحاول ألم إخواتي وأطمنهم. أصغرهم كان عنده خمس سنين، فضل يسألني هو بابا راح فين؟
هو هيجيب




