Trending News

الجرس

حكايات زهرة الربيع

لنا أكل لما يرجع؟
السؤال ۏجع قلبي، لأني أنا نفسي مكنتش عارفة هنعمل إيه.
بعد شوية أمي دخلت البيت، وشها كان أصفر وعينيها وارمة من العياط. قعدت على الكنبة الخشب، وفضلت تبص على المكان اللي كانت الجاموسة بتقف فيه، وبعدين قالتلي يا بنتي، أبوكي عمره ما كان بيحب الجاموسة دي، كان كل ما يشوفني ببيع اللبن يفضل يتريق عليا ويقولي تعب على الفاضي، بس أنا كنت عارفة إن ربنا مخبي لنا فيها ستر كبير.
قعدت جنبها وقلت طب ما تحكيلي يا أمي، إيه حكاية الجرس؟
بصتلي فترة طويلة، وكأنها بتقرر تقول ولا لأ، وبعدين قامت من مكانها وقفلت باب البيت كويس، ورجعت قعدت
جنبي.
قالت بصوت واطي الجرس ده مش مجرد جرس يا نسمه، ده أمانة من جدك الله يرحمه.
استغربت وقلت أمانة إيه؟
قالتلي إن أبوها قبل ما ېموت كان مربيها، وإنه في يوم من الأيام ناداها واداها الجرس ده، وقالها يا بنتي، أنا حاطط في الجرس ده علامة، واللي يلاقيه يعرف إن ليكي حق عندي، بس أوعي تفرطي فيه مهما حصل.
ساعتها سألتها طب إيه العلامة دي؟
قالتلي أبويا كان عنده أرض قديمة، حصل عليها خلاف بينه وبين إخواته، وكان فيه ورق يثبت إن ليه نصيب فيها. قبل ما ېموت، خبّى الورق في مكان محدش يعرفه، واداني الجرس ده وقاللي إنه هيكون علامة توصلني لحقي لما ييجي الوقت
المناسب.
أنا بصيتلها بذهول وقلت يعني الورق جوه الجرس؟
هزت راسها وقالت لأ يا بنتي، الجرس نفسه فيه سر، بس أنا عمري ما فكرت أفتحه، لأن أبويا وصاني أحتفظ بيه زي ما هو، وقاللي إن في يوم من الأيام هحتاجه.
قبل ما أقدر أسألها أكتر، سمعنا خبط جامد على الباب.
فتحت لقيت عم جابر واقف ومعاه راجل غريب، وقال يا أم نسمة، لقينا اللي اشترى الجاموسة، وبيقول إن الراجل اللي باعهاله كان مستعجل وسافر من غير ما ياخد حتى باقي الفلوس.
أمي قامت بسرعة وسألته طب والجاموسة فين؟
قالها عند الراجل في السوق، بس هو باعها لواحد تاني، والراجل التاني نقلها بلد تانية.
أمي
حطت إيديها

على قلبها وقالت يا خسارة يا جرس أبويا!
الراجل الغريب بص لها باستغراب وقال هو إنتِ بتدوري على جرس الجاموسة؟ أصل أنا شفت جوزك وهو بيفكه قبل ما يبيعها، وكان بيقول للمشتري إنه مش عايز الجرس ده.
أمي شهقت وقالت فكه؟! إنت متأكد؟
قال أيوه، رماه جنب مكان البيع، وأنا افتكرت إنه نحاس قديم، فخدته وحطيته عندي في المحل.
أمي مسكت إيده بكل قوتها وقالت بالله عليك، رجعهولي! ده مش بتاعي لوحدي، ده أمانة أبويا.
الراجل طلع الجرس من شنطته، وأول ما أمي شافته، حضنته وفضلت تبوس فيه وټعيط، كأنها لقت حد غايب عنها بقاله سنين.
خدته منها وكنت مستغربة، لكن أمي قالتلي هاتي
مفك صغير يا نسمه، لازم نفتحه.
جبتلها مفك، وقعدت تحاول تفك جزء صغير في أسفل الجرس، وبعد محاولات كتير، اتفتح جزء مكنش باين إنه بيتفتح أصلاً.
وفجأة وقع من جوه مفتاح صغير ملفوف في قطعة قماش، ومعاه ورقة قديمة متنية.
أمي فتحت الورقة بإيد بتترعش، وقعدت تقرا، وكل شوية لون وشها يتغير.
قلت لها فيه إيه يا أمي؟
رفعت عينيها ليا وقالت أبوكي كان فاكر إنه لما باع الجاموسة خلص علينا، بس هو مش عارف إنه ضيع على نفسه فرصة عمره.
الورقة كانت مكتوب فيها عنوان بيت قديم في البلد، ومكتوب تحت العنوان اسم خالي الكبير، أخو أمي، ومعاه جملة بخط جدي المفتاح ده يفتح الصندوق
اللي فيه مستندات أرض بنتي، وحقها محفوظ مهما طال الزمن.
تاني يوم الصبح، أمي أخدتني وركبنا أول عربية رايحة البلد اللي كان فيها خالي. وصلنا بعد ساعات، وسألنا لحد ما وصلنا لبيت قديم في آخر شارع ضيق.
خبطنا، وفتح لنا راجل كبير في السن، أول ما شاف أمي اټصدم وقال سعاد؟! إنتِ لسه فاكرة الطريق لينا؟
أمي عينيها دمعت وقالت أنا مجيتش أطلب منك حاجة لنفسي، أنا جاية أطلب حق ولادي اللي أبوهم ضيعه.
الراجل سكت شوية، وبعدين دخلنا البيت، وطلع صندوق خشب قديم من دولاب كبير.
أمي حطت المفتاح في القفل، وفتحته.
كان جواه مجموعة أوراق قديمة، وعقد ملكية لأرض زراعية باسم جدي،
ووصية موثقة بتثبت إن

تابع المقال

Leave a Reply

Your email address will not be published. Required fields are marked *

Check Also
Close
Back to top button