
مي ليها نصيب محدد فيها، وإن محدش من إخواتها من حقه يتصرف فيه.
خالي بص في الورق وقال أبوكي كان موصيني أحافظ على الورق ده، بس كنت مستنيكي تيجي بنفسك، ومكنتش عارف أوصلك إزاي.
أمي قعدت على الكرسي وفضلت ټعيط، مش عشان الأرض، لكن عشان افتكرت أبوها اللي ماټ وساب لها أمانة فضلت شايلالها سر سنين.
رجعنا بلدنا، وبدأنا ناخد الإجراءات القانونية عشان نثبت حق أمي في الأرض. وبعد فترة، قدرنا نستلم نصيبها، وكان نصيب محترم يكفينا ويخلينا نعيش من غير ما نمد إيدنا لحد.
أما أبويا، فبعد شهور رجع البلد لما الفلوس اللي خدها خلصت، وكان فاكر إن أمي هتستقبله وتجري عليه زي كل مرة.
لكنه اتفاجئ إن أمي غيرت حياتها، واشترت بيت صغير، وفتحت
مشروع ألبان بسيط، وشغلت معاها ستات من البلد كانوا محتاجين شغل.
دخل البيت ووشه في الأرض وقال أنا غلطت يا سعاد، سامحيني، أنا كنت مضغوط ومش في وعيي.
أمي بصتله بهدوء وقالت أنا سامحتك على اللي عملته فيا، لكن مش هسمحلك تضيع تعب السنين تاني. ولادي مش هيعيشوا في الخۏف والجوع بسببك.
حاول يقرب منها، لكنها قالتله لو عايز تشوف ولادك، ليهم حق عليك، اصرف عليهم وكون أب ليهم، لكن رجوعك للبيت مش هيحصل غير لما تثبت إنك اتغيرت بالفعل.
ومع الأيام، أبويا بدأ يتعالج من الإدمان، واشتغل شغلانة بسيطة، وبقى ييجي يشوفنا ويساعد في مصاريفنا، لكن أمي فضلت متمسكة بقرارها لحد ما تتأكد إن التغيير حقيقي.
أما الجرس، فأمي احتفظت بيه في علبة
زجاج صغيرة فوق الدولاب، وكل ما أسألها ليه لسه محتفظة بيه، تبتسم وتقول
عشان أفكركم إن ربنا ساعات بيحط رزقنا في حاجة صغيرة إحنا مش واخدين بالنا منها، وإن أبوكي لما سرق مني الجاموسة، كان فاكر إنه سرق آخر حاجة عندي، وهو مكانش يعرف إن الجرس اللي رماه بإيده هو اللي رجعلي حقي.
ومن يومها فهمت إن أمي مكانتش بتصرخ عشان جاموسة راحت منها، ولا عشان جرس نحاس ضاع، كانت خاېفة تضيع آخر أمانة سابهالها أبوها، واللي كانت سبب في إننا
نبدأ حياة جديدة.
وأكتر حاجة علمتهالي أمي إن الست ممكن تكون مکسورة من جواها، وممكن الدنيا كلها تقفل أبوابها في وشها، لكن طول ما هي متمسكة بحقها وكرامتها، ربنا قادر يفتح لها باب من حيث لا تحتسب.
تمت
بحمد الله




