Trending News

حماتي كانت بتصحيني الفجر

حكايات بسمه

نفسي اتسحب مني.
كانت صورة عقد قديم، وعليه توقيع حماتي، واسم جوزي مكتوب في آخر الصفحة.
لكن الصدمة الحقيقية كانت في الجملة اللي مكتوبة بخط إيدها على ظهر الورقة
حكايات بسمه
وقفت في مدخل العمارة، والهوا الساقع بتاع الصبح بيخبط في وشي، بس الڼار اللي ولعت في صدري كانت كفيلة ټحرق الدنيا بحالها. البواب، عم محمود، كان واقف جنبي، عينيه متعلقة بيا بقلق وترقب، كأنه مستني يشوف رد فعلي بعد ما سلمني القنبلة الموقوتة اللي كانت مستخبية في أوضته بقالها شهور.
إيدي كانت بترتعش لدرجة إن الورقة كانت بتخبط في بعضها وتعمل صوت في سكون المدخل. قلبت الورقة ببطء، وبدأت عيني تقرا السطور اللي مكتوبة بخط إيد حماتي، الحاجة سعاد، نفس الخط المهزوز اللي كانت بتكتب بيه طلبات السوق، بس المرة دي الحبر كان شايل سم السنين كلها
يا سمر، لو الورقة دي وصلت لإيدك، يبقى ابني كريم فاق عن الحد، وبناتي طمعهم عماهم، وأنا خلاص مبقاش فيا حيل أداري عليهم أكتر من كده. العمارة اللي إنتِ واقفة فيها دلوقتي، والعمارة التانية اللي ساكنة فيها نهى، مش ملك لأبوهم ولا ورث من عيلتنا زي ما
مفهمينك.. العمارتين دول اتبنوا واتشطبوا بفلوس ورثك إنتِ من أبوكي الله يرحمه، اللي كريم استغل توكيلك العام ليه وسحبه من البنك في أول سنة جواز، وكتبه باسم بناتي عشان يضمن إنك لو فكرتي تطلقي في يوم، متلاقيش مليم وراكي!
الدنيا لفت بيا..
حسيت إن الأرض بتنسحب من تحت رجلي، ومسكت في درابزين السلم الرخام عشان مقعش من طولي.
الكلام مكانش مجرد صدمة.. ده كان زلزال هدم خمس سنين من عمري في ثانية واحدة!
أبويا الله يرحمه كان مقاول كبير، وقبل ما يتوفى بسنة سابلي وديعة في البنك بملايين، وقطعة أرض في مدينة نصر. ولما اتجوزت كريم، اللي كان وقتها موظف على قد حاله، قاللي بحب وحنية مصطنعة يا سمر، إنتِ ست بيت ومش بتحبي لفة المحاكم والبنوك، اعمليلي توكيل عام عشان أستثمرلك فلوسك وأكبرها لولادنا.
وأنا، بغبائي وثقتي العميا في الراجل اللي اخترته شريك حياتي، رحت الشهر العقاري وعملتله توكيل عام شامل!
بعدها بسنة، كريم جه وقالي بدموع التماسيح البورصة وقعت يا سمر، والمشروع اللي دخلت فيه خسر كل الفلوس، والحمد لله إننا لسه عايشين ومستورين في شقتنا الإيجار.
يومها
أنا اللي طبطبت عليه! أنا اللي بعت دهبي عشان أقف جنبه، ونزلت أشتغل في حضانة عشان أساعده في مصاريف البيت، وكنت بروح أخدم أمه وأخواته البنات في عماراتهم الفاخرة وأنا مقتنعة إنهم عيلة غنية وارثين عن أبوهم، وإني أقل منهم مادياً!
طلعت أنا صاحبة الملك!
الرخام اللي أنا جاية النهاردة أعتذر عشان مغسلتوش الفجر.. ده بفلوسي!
الشقق الفاخرة اللي منى ونهى عايشين فيها وبيأمروني أنضفها.. بعرقي وشقى أبويا!
عم محمود البواب قرب مني خطوة، وصوته كان مليان شفقة واحترام
الحاجة سعاد تعبت أوي الشهر اللي فات يا مدام سمر، وحست إن أجلها قرب. جتلي هنا بالليل لوحدها، واديتني الظرف ده، وقالتلي يا عم محمود، ولادي كلوا مال اليتيمة، وأنا سكت عليهم في الأول عشان كنت خاېفة على بنتي من الفقر، بس لما شفتهم بيذلوها وبيشغلوها خدامة في ملكها، ضميري مبقتش قادر يستحمل. لو شفتها جاية هنا مکسورة، اديها حقها خليها تاخده بالقانون قبل ما أموت وأتحاسب قدام ربنا.
بصيت جوه الظرف تاني.. لقيت فيه صورة طبق الأصل من كشوف الحسابات البنكية اللي بتثبت تحويل الملايين من حسابي لحساب كريم،
ومن حساب كريم لشركات

تابع المقال

Leave a Reply

Your email address will not be published. Required fields are marked *

Back to top button