
وايات_مشيره_محمد
السر اللي كان مستخبي تحت سرير أدهم
أدهم حس إن رجليه مش شايلاه وبص لعم رجب وهو مش فاهم إيه اللي ممكن يكون شافه يخليه يتكلم بالطريقة دي
قاله بصوت متقطع
فيه إيه يا عم رجب؟ إنت شايف إيه؟ ماتخضنيش
عم رجب رجع خطوتين لورا وفضل باصص تحت السرير من غير ما يقرب
وقال
يا ابني أنا شوفت حاجات كتير في شغلي بس اللي تحت السرير ده مش طبيعي خالص
أدهم حاول ينحني ويبص لكن عم رجب منعه
قلتلك ماتتحركش وخليك بعيد
أدهم بدأ يحس إن نفسه مكتوم وسأله
هو فيه حيوان ميت؟ ولا إيه بالظبط؟
عم رجب بلع ريقه وقال
مش حيوان يا أدهم
أدهم حس إن قلبه وقف للحظة
أمال إيه؟
عم رجب رد بصوت واطي
فيه هدوم قديمة وشنطة جلد كبيرة وجنبها حاجة ملفوفة في ملاية
أدهم استغرب
شنطة إيه وملاية إيه؟ أنا عمري ما حطيت حاجة بالشكل ده تحت السرير
عم رجب بصله بتركيز وقال
إنت متأكد إن محدش دخل شقتك غيرك؟
أدهم رد بسرعة
طبعًا متأكد أنا ساكن هنا لوحدي ومحدش معاه مفتاح غيري
عم رجب طلع موبايله واتصل بالشرطة وبلغهم إن فيه حاجة غريبة محتاجة معاينة وإن فيه احتمال وجود شخص أو متعلقات مجهولة داخل الشقة
أدهم كان واقف في مكانه مش قادر يستوعب اللي بيحصل
بعد حوالي عشرين دقيقة وصلت قوة من القسم ومعاهم ضابط اسمه النقيب شريف
دخل الضابط الشقة وسأل عم رجب عن اللي شافه
وبعدين طلب من أدهم يقف بعيد لحد ما يتم فحص المكان
الضابط لبس جوانتي وبدأ يعاين المساحة اللي تحت السرير
وبعد دقائق طلب من أمين الشرطة يصور كل حاجة قبل ما يحركوها
كانت فيه شنطة جلد قديمة ومجموعة هدوم حريمي متسخة وملاية ملفوفة حوالين جسم غريب
الضابط طلب من الموجودين يبعدوا أكتر
وبعد فحص أولي اتضح إن اللي جوه الملاية مش ج,ث,ة زي ما أدهم كان متخيل
دي كانت مجموعة متعلقات شخصية ملفوفة بعناية وفي وسطها علبة معدنية صغيرة
لكن الريحة كانت جاية من مصدر تاني
واحد من أفراد الشرطة لاحظ وجود فتحة صغيرة في الحائط خلف السرير وكان فيه آثار رطوبة شديدة وحشرات متجمعة حواليها
الضابط بص لأدهم وسأله
إنت عمرك لاحظت إن فيه فتحة في الحيطة هنا؟
أدهم هز راسه
لا والله يا فندم دي أول مرة أخد بالي منها
الضابط قرب من الحيطة وطلب من عم رجب يفحص الجزء الخارجي منها
وبعد شوية اكتشفوا إن فيه ماسورة صرف قديمة مكسورة ووراها تجويف بين الحائط وشاسيه السرير
لكن السؤال اللي كان شاغل الضابط هو
مين اللي حط الشنطة والمتعلقات دي هنا؟
بدأ التحقيق مع أدهم
النقيب شريف سأله
من إمتى وإنت ساكن في الشقة؟
من حوالي سنة ونص يا فندم
والشقة كانت مقفولة قبل ما تستلمها؟
أيوه صاحب العقار قالي إنها كانت فاضية فترة طويلة
تعرف الست فوزية اللي ساكنة في العمارة؟
أدهم اتفاجئ من السؤال
أيوه سمعت عنها من الجيران بس ماكنتش أعرفها شخصيًا
الضابط سأله
سمعت إنها اختفت من فترة؟
أيوه وافتكرت الموضوع لما بدأت أسمع الأصوات بالليل
النقيب شريف سجل كلامه وطلب منه ما يلمسش أي حاجة تانية لحد ما التحقيق يخلص
وبعدها طلب حضور صاحب العقار
بعد حوالي ساعة وصل رجل في الخمسينات اسمه فؤاد بيه
كان باين عليه التوتر أول ما شاف الشرطة واقفة قدام الشقة
النقيب شريف سأله
إنت صاحب العقار؟
أيوه يا فندم
الشقة دي كانت مقفولة قبل ما أدهم يستلمها؟
فؤاد رد بسرعة
أيوه كانت مقفولة فترة طويلة
الضابط سأله
مين آخر شخص كان ساكن فيها؟
فؤاد اتردد شوية وبعدين قال
كانت ست كبيرة اسمها فوزية
أدهم بصله بصدمة
إنت بتقول إيه؟ الحاجة فوزية كانت ساكنة هنا؟
فؤاد بيه اتلخبط وقال
أيوه بس هي سابت الشقة من زمان
النقيب شريف بصله بحدة
سابت الشقة بإرادتها ولا اختفت؟
فؤاد سكت
والسكوت ده كان كفاية يخلي الضابط يشك إن فيه حاجة مش واضحة
بدأ الضابط يراجع أوراق الشقة وعقد الإيجار القديم واكتشف إن الحاجة فوزية كانت عايشة فيها أكتر من عشرين سنة
وكان عندها بنت وحيدة اسمها نجلاء عايشة في محافظة تانية
وبحسب أقوال الجيران كانت فوزية ست هادية ومابتخرجش كتير
لكن قبل اختفائها بأيام حصلت مشادة بينها وبين صاحب العقار
واحدة من الجارات اسمها أمينة قالت للضابط إنها سمعت صوت خناق عالي في الشقة
قالت
أنا كنت واقفة في البلكونة وسمعت فؤاد بيزعق للحاجة فوزية وبيقولها إنها لازم تسيب الشقة
الضابط سألها
وهي ردت قالت إيه؟
أمينة قالت
كانت بتقوله إن الشقة دي حقها وإنه مش من حقه يطردها وإن معاها ورق يثبت كلامها
أدهم كان واقف بيسمع وحاسس إن الموضوع أكبر بكتير من مجرد شنطة مستخبية تحت السرير
النقيب شريف طلب من أمينة تحكي كل اللي تعرفه
فقالت
الحاجة فوزية كانت ست بسيطة بس مش سهلة وكانت دايمًا بتقول إنها مش هتسيب شقتها مهما حصل
وفي مرة قالتلي إنها اكتشفت إن فيه ناس بتحاول تستولي على أملاك قديمة في المنطقة بأوراق مزورة




