Trending News

فرح جوزي

حكايات زهرة الربيع

ماتحركتش، لحد ما اطمن إني في سابع نومة، وخرج بره الأوضة.
تاني يوم الصبح، الكل كان بيستعد. طارق قال إنه رايح شقة أخته يجهز هناك عشان زحمة البيت. وحماتي وسلفتي لبسوا واتشيكوا، وقبل ما ينزلوا، عدوا على باب أوضتي وبصولي بنظرات كلها شماتة وانتصار، كأنهم بيقولولي مۏتي بغيظك، إحنا رايحين نفرح وإنتي خليكي هنا.
قفلوا باب الشقة وراهم، وفاكرين إن سلمى الخرسا هتقعد ټعيط وتندب حظها وهي مش فاهمة حاجة.
وطارق فاكر إنه استغفلني، وهيدخل عليا بضرة وهيحطني قدام الأمر الواقع.
بس هما نسيوا حاجة واحدة.. إن اللي ربنا بياخد منه نعمة، بيديله قصادها دهاء وقوة تهد جبال. قمت من مكاني، مسحت آخر
دمعة نزلت من عيني، وبصيت في المراية بابتسامة باردة.
قررت إني هروح الفرح.. هروح أبارك لجوزي وأهله بنفسي، وأعرفهم إيه اللي ممكن تعمله مراته اللي لا بتتكلم ولا بتسمع، وازاي هخليهم يندموا على عملتهم، بطريقة متخطرش على بال إبليس!!!!!!
أول ما اتأكدت إنهم نزلوا وقفلت الباب وراهم، قمت من مكاني وفتحت الدولاب، وطلعت الفستان النبيتي اللي كنت مجهزاه لفرح ندى. لبسته، وحطيت لمسات بسيطة من المكياج، ولمېت شعري بطريقة شيك، ولبست الطرحة اللي كانت ندى جايباهالي هدية في عيد ميلادي.
وقفت قدام المراية، وفضلت أبص لنفسي شوية، وبعدها ابتسمت.
أنا مش هروح أضرب ولا أعمل ڤضيحة وخلاص، أنا هروح أخلي كل
واحد فيهم يشوف الحقيقة بعينه، ويعرف إن سكوتي طول الفترة اللي فاتت مكنش معناه إني مش فاهمة.
أول حاجة عملتها إني بعت رساله لأخويا الكبير، وطلبت منه يجيلي فوراً. أخويا كان من القليلين اللي اتعلموا لغة الإشارة عشاني، وأول ما دخل وشافني متجهزة، استغرب.
شاورلي إنتي رايحة فين يا سلمى؟
مسكت إيده وبدأت أحكيله كل حاجة، ووريته رسايل طارق وندى، اللي كنت مصوراها من على الموبايل قبل ما أسيبه مكانه.
وشه اتقلب، وفضل يبص للصور كأنه مش مصدق.
وبعدين شاورلي پغضب أنا هروح أجيب طارق من وسط الفرح وأربيه!
مسكت إيده بسرعة، وهزيت راسي بالرفض، وكتبتله على الموبايل مش عايزة خناق، عايزة حقي يرجعلي قدام الناس،
وعايزة الكل يعرف

وبعدها ابتسم وقال اللي إنتي عايزاه هيحصل، بس المرة دي مش هتواجهيهم لوحدك.
اتفقنا إننا نروح الفرح، وطلبت منه كمان يتواصل مع خالي والد ندى، ويبعتله الصور من غير ما يعرف حد من أهل طارق.
وبالفعل، بعد حوالي نص ساعة كنا في الطريق.
طول الطريق كنت ببص من الشباك، وبحاول أتماسك. مش قادرة أصدق إن البنت اللي كنت بحكيلها أسراري، واللي كنت بعتبرها أختي، هي نفسها اللي بتخطط تاخد جوزي وتضحك عليا.
وصلنا القاعة، وكانت الزينة مالية المكان، والأنوار منورة، والناس داخلة وخارجة، وكل حاجة بتقول إن فيه فرح كبير.
أخويا نزل الأول، وفتحلي الباب، ومد إيده يساعدني.
دخلت وأنا رافعة راسي.
أول ما
دخلت، شفت حماتي قاعدة في أول صف، وجنبها سلفتي، وكانوا بيضحكوا وبيسلموا على المعازيم. أول ما عينيهم وقعت عليا، ضحكتهم اختفت فجأة.
حماتي قامت من مكانها بسرعة، وجت ناحيتي، ووشها مليان ڠضب.
كانت بتشاور بإيديها پعنف، وبتقول كلام واضح من حركة شفايفها
إنتي إيه اللي جابك هنا؟
ابتسمت، وطلعت الموبايل وكتبتلها
جاية أفرح ببنت عمي، وأبارك للعريس والعروسة.
أول ما قرت الجملة، وشها اصفر، وبصت لسلفتي اللي جت وقفت جنبها، وبدأت تحاول تسحبني من إيدي ناحية الباب.
لكن أخويا وقف بينهم وبيني، وشاورلهم إن محدش يلمسني.
في اللحظة دي، طارق ظهر من ناحية الكوشة، وكان لابس بدلة سودة، وأول ما شافني وقف مكانه كأنه شاف شبح.

فضل يبصلي، وبعدين بص لأمه، وبعدين رجع بصلي تاني.
قرب مني بسرعة، ومسك دراعي، وبدأ يشاور بعصبية
إنتي بتعملي إيه هنا؟
سحبت دراعي من إيده، وفتحت الموبايل وكتبتله
جاية أباركلك يا عريس.
طارق اتجمد، وبصلي بنظرة مړعوپة، وبعدها حاول يضحك ويعمل نفسه مش فاهم.
كتبلي على موبايله إنتي مش فاهمة حاجة، امشي دلوقتي ولما نرجع هفهمك.
هزيت راسي بالرفض، وكتبتله أنا فاهمة كل حاجة، وشفت رسايلك لندى.
في اللحظة دي، إيده بدأت تترعش، ووشه بقى أصفر.
أما حماتي فكانت بتبص حواليها، خاېفة حد يكون فهم اللي بيحصل.
وفجأة، ظهر خالي والد ندى، وكان معاه أخويا، وقرب مننا.
بص لطارق وقال بصوت عالي
إيه يا طارق؟ هو في إيه؟ وإيه اللي
بيحصل هنا؟
طارق حاول يتكلم، لكن

تابع المقال

Leave a Reply

Your email address will not be published. Required fields are marked *

Back to top button