Trending News

حماتي وبناتها

حكايات بسمه

ماتي وبناتها عملوا عزومة كبيرة مخصوص عشان يحرجوني قدام عيلة جوزي كلها، وطلبوا مني فجأة أحكي عن أهلي وظروفهم! كانوا فاكرين إنهم هيكشفوا أسرارنا ويصغروني قدام الناس، لكن واحدة من قرايبهم سألت حماتي سؤال واحد عن ماضيها، خلى السفرة كلها تسكت وتتجمّد في مكانها!
من يوم ما اتجوزت جوزي وحماتي وبناتها مش طايقينني، عشان شايفين إني مش من نفس مستواهم المادي، وإن أهلي ناس على قد حالهم.
كانوا دايماً بيتعمدوا يقللوا مني في الكلام، وكل ما تحصل مناسبة يرموا تلميحات سخيفة عن المنطقة اللي اتربيت فيها، وعن شغل أبويا البسيط.
كنت ببلع الإهانة وبسكت عشان خاطر جوزي، وعشان ماعملش مشاكل، لكنهم افتكروا سكوتي ده ضعف وخوف!
في يوم، لقيت حماتي بتتصل بيا وتقولي بنبرة كلها خبث
إحنا عاملين عزومة كبيرة يوم الجمعة لعمام جوزك وخلانه، ولازم تيجي بدري عشان تقعدي معانا، أصلهم نفسهم يتعرفوا على أهلك أكتر!
قلبي اتقبض ساعتها، وحسيت إن العزومة دي وراها فخ معمول مخصوص عشاني.
وفعلاً، يوم الجمعة، كانت السفرة مليانة بكل كبار العيلة، والجو كان هادي لحد ما قعدنا ناكل.
وفجأة، وسط السكوت،

بصتلي بنت حماتي الكبيرة بابتسامة صفرا وقالت بصوت عالي عشان الكل يسمع
صحيح يا مرات أخويا، إنتِ ليه عمرك ما عزمتي أهلك هنا؟ احكيلنا شوية عنهم، أصل عمتي بتسأل باباكِ شغال إيه بالظبط؟
حماتي كملت وراها بسرعة وهي بتبص لعمات جوزي
أيوة احكي يا حبيبتي، متتكسفيش! إحنا كلنا عيلة واحدة، والفقر مش عيب برضه!
وشي احمر من الإحراج، وحسيت بدموع القهرة بتتجمع في عيني، وجوزي حاول يتدخل ويغير الموضوع، لكن بناتها ضحكوا بسخرية.
كنت لسه هرد وأدافع عن أهلي، لكن فجأة…
سكتت الكلمات على لساني، لما عمة جوزي الكبيرة، اللي كانت قاعدة في وش حماتي، سابت المعلقة من إيدها بالراحة، وبصت لحماتي بنظرة كلها برود وقالت
فعلاً يا أم أحمد، الفقر مش عيب أبداً… العيب إن الواحد ينسى أصله!
حماتي اتوترت وقالت بضحكة مهزوزة
قصدك إيه يا حاجة؟
عمة جوزي ابتسمت ابتسامة غامضة، وسألتها سؤال واحد قدام السفرة كلها
هو إنتِ محكيتيش لمرات ابنك عن الحارة اللي كنتي عايشة فيها قبل ما تتجوزي أخويا، ولا عن السبب الحقيقي اللي خلى أهلك يطردوكي منها؟!
في اللحظة دي، الشوكة وقعت من إيد حماتي على الطبق

وعملت صوت رن في الصالة كلها…
وشها جاب مېت لون، وبناتها بصوا لبعض في ذهول، والسفرة كلها سكتت وكأن على راسهم الطير!
حكايات بسمه
رنة الشوكة وهي بتقع على طبق الصيني الغالي كانت كأنها طلقة رصاص دوّت في الصالة الواسعة، وقطعت حبل الضحك السخيف اللي كان مالي المكان من ثواني.
الكل اتجمد في مكانه. المعلقة وقفت في إيد عم جوزي وهو لسه بيرفعها لبقه، وبنات حماتي، مروة ونهى، اللي كانوا من لحظة واحدة بيبصولي پشماتة وبيهمسوا لبعض، عينيهم وسعت بذهول وهما بيبصوا لأمهم، وبعدين لعمتهم الكبيرة الحاجة فوزية اللي كانت قاعدة في صدر السفرة، رافعة راسها بهيبة وهدوء مرعب.
أما أنا، فحسيت إن الډم رجع يجري في عروقي تاني بعد ما كان اتجمد من القهرة والإحراج. بصيت لجوزي أحمد اللي كان قاعد جنبي، لقيته هو كمان مذهول، وبيبص لأمه باستغراب، كأنه لأول مرة في حياته يسمع الكلام ده.
حماتي، أم أحمد، كانت بتحاول تبلع ريقها بالعافية. وشها اللي كان من ثواني مليان غرور وتكبر وهي بتقولي الفقر مش عيب برضه، بقى أصفر زي الليمونة، وإيديها اللي محطوطة على حرف السفرة بدأت تترعش بشكل واضح لدرجة

إن الغوايش الدهب الكتير

السابق1 من 4
تابع المقال

Leave a Reply

Your email address will not be published. Required fields are marked *

Back to top button