Trending News

حماتي وبناتها

حكايات بسمه

للي لابساها عملت صوت خفيف وهي بتخبط في بعضها.
حاولت حماتي تلم الدور بسرعة، وضحكت ضحكة مهزوزة مفيهاش أي روح، وقالت وهي بتبص لعمات جوزي وخلانه
إيه الكلام الفارغ ده يا حاجة فوزية؟ إنتِ شكلك نسيتي تاخدي دواكي النهاردة ولا إيه؟ حارة إيه وطرد إيه اللي بتتكلمي عنها؟ أنا بنت ناس ومتربية في العز، وكل العيلة عارفة كده!
الحاجة فوزية ما اتعصبتش، ولا حتى رفعت صوتها. بالعكس، مسكت منديل السفرة القماش، ومسحت طرف شفايفها برقي وهدوء، وبعدين بصت لحماتي نظرة طويلة، نظرة كلها عتاب وشفقة وقوة في نفس الوقت، وقالت بصوت واضح ومسموع لكل اللي قاعدين
لا يا أم أحمد، أنا عقلي في راسي ولسه فاكرة كل يوم في حياتنا كأنه حصل إمبارح. أنا سكتّ تلاتين سنة كاملة إكرامًا لأخويا الله يرحمه، اللي حلفني على المصحف إني ما أفتحش السيرة دي أبدًا عشان مكسركيش قدام عيالك ولا قدام الناس. لكن لما أشوفك النهاردة عاملة عزومة مخصوص عشان تكسري بخاطر بنت ناس محترمة، وتعايريها بإن أبوها راجل بسيط على قد حاله، يبقى السكوت هنا حرام، ولازم الكل يعرف الحقيقة عشان

كل واحد يقف عند حده!
مروة، بنت حماتي الكبيرة، قامت من على كرسيها بعصبية، وقالت بصوت عالي
عمتي! إيه اللي حضرتك بتقوليه ده؟ إزاي تتكلمي عن ماما كده قدام مرات أخويا وقدام العيلة كلها؟ ماما طول عمرها من عيلة كبيرة، وجدي كان تاجر كبير في إسكندرية!
في اللحظة دي، عم جوزي، الحاج محمود، اللي كان قاعد طول القعدة ساكت وبيسمع، اتنهد تنهيدة طويلة، وحط كوباية المية من إيده، وبص لمروة وقالها بهدوء وحزن
اقعدي يا مروة يا بنتي.. عمتك فوزية مش بتكدب، ولا بتفتري على أمك. جدك ما كانش تاجر كبير في إسكندرية، وأمك ما اتربتش في قصور.
الهمهمات بدأت تعلى حوالين السفرة. جوز مروة وجوز نهى بصوا لبعض في صدمة وإحراج، لأن حماتي طول عمرها كانت بتتنطط عليهم وتقولهم إنها بنت أكابر وإنهم لازم يحمدوا ربنا إنهم ناسبوا عيلتها.
أحمد جوزي بص لأمه، وصوته كان فيه نبرة صدمة وخذلان حقيقي
يا ماما.. هو الكلام ده بجد؟ إيه اللي عمتي وعمي بيقولوه ده؟
أم أحمد كانت خلاص فقدت سيطرتها على أعصابها. وقفت فجأة، الكرسي اتزحزح وراها بصوت مزعج، وصړخت في وش الحاجة فوزية
إنتِ

جاية بيتي النهاردة عشان تفضحيني قدام ولادي وأجواز بناتي يا فوزية؟! إنتِ طول عمرك غيرانة مني عشان أخوكي كان بيحبني وكتبلي نص أملاكه قبل ما ېموت! بتطلعي عليا إشاعات عشان تدافعي عن البت دي اللي دخلت عيلتنا من غير ما تجيب معاها غير الفقر؟!
ساعتها، الحاجة فوزية وقفت هي كمان. ورغم إنها ست كبيرة في السن وشعرها أبيض، إلا إن هيبتها خلت الصالة كلها تسكت وتسمعلها. بصت لأم أحمد وقالت بحسم
أنا مش غيرانة منك يا سعاد، وأخويا الله يرحمه أنا اللي ربيته قبل ما تتجوزيه. أنا كنت هسكت لحد ما أموت، بس إنتِ اللي جبتيه لنفسك لما افتكرتي إن الفلوس اللي ورثتيها من أخويا تمسح ماضيكي وتديكي الحق تدوسي على كرامة غيرك.
لفت الحاجة فوزية وشها ناحية أحمد، ومروة، ونهى، اللي كانوا قاعدين زي التماثيل، وبدأت تحكي الحكاية اللي فضلت مدفونة تلاتين سنة كاملة.
قبل ما أخويا الحاج عبد الرحمن يتجوز أمكم، كانت عايشة في حارة ضيقة في حي شعبي قديم، في أوضتين وصالة فوق السطوح مع أبوها اللي كان شغال عامل بسيط في ورشة نجارة، وأختها الصغيرة وأخوها. أبوها كان

راجل طيب

تابع المقال

Leave a Reply

Your email address will not be published. Required fields are marked *

Back to top button