نزلت ريتال الورقة وإيدها بتهتز: هي هي الله يرحمها ماتت بجد؟ اتغيرت ملامح نادية: الله يرحمها، أيوه. كتبت الكلام ده إمتى؟ قبل وفاتها بثلاث أسابيع. وليه ما وصلنيش الجواب ده ساعتها؟! لأن وصيتها كانت واضحة وصريحة الجواب ده يتسلم ليكي في حالة واحدة بس: لو سبتي قاسم ومجتيش ورا منه. بصت ريتال ناحية الممر المظلم: وهي كانت عارفة منين إن أنا هسيبه الليلة بالذات؟ ما كانتش عارفة الليلة تحديداً. أمال الطيارة جاهزة إزاي؟! بصت لها نادية بنظرة حزن هادي: لأن الحاجة إلهام أمنت كل الاحتمالات. كانت عارفة إن هيجي يوم تحتاجي فيه وسيلة للهروب قبل ما تحتاجي الشجاعة للقرار.
الكلام نزل على ريتال زي الصدمة. ضمت الجواب لصدرها وهي مش مصدقة. الجدة إلهام كانت شايفه حاجة محدش شايفها يمكن مش القبلة ولا القاعة ولا ليلى، بس كانت شايفه القذارة اللي تحت السطح، الحاجة اللي ريتال كانت خايفة تعترف بيها لنفسها.
وليه ما قالتليش وهي عايشة؟ ردت نادية: عشان كانت عايزاكي تختاري بمزاجك وبإرادتك. لو كانت قالتلك كل حاجة زمان، كنتي يمكن تفضلي مع قاسم من الخوف، أو تمشي عشان هي اللي قالتلك تمشي. كانت عايزاكي إنتي اللي تاخدي القرار.
غمضت ريتال عينها. طول السنين اللي فاتت كانت بتلوم نفسها إنها ساكتة، ودلوقتي اكتشفت إن الست الوحيدة اللي أحسنت إليها كانت بتأمن لها باب الخروج في السر!
قربت نادية وصبت لها كباية مياه: اتفضلي اقعدي وشك أصفر ومخطوف. أنا كويسة إنتي حامل في الشهر السادس، ومصدمة، ولسه عارفة إن حماتك الله يرحمها سايبالك وقف باسمك مش لازم تبقي كويسة الخمس دقائق دول، فضفضي براحتك. الطريقة العملية بتاعة نادية خليت ريتال تبتسم بوجع. قعدت وأخدت كباية المياه. أهلك اتصلنا بيهم وطمناهم إنك في أمان. بصت لها ريتال بسرعة: مين اللي اتصل؟ أنا. وقولتلهم إيه؟ قولتلهم إنك محتاجة ليلة هادية وراحة، وهتكلميهم الصبح.
الدموع تجمعت في عين ريتال : أكيد مرعوبين عليّ! كانوا قلقانين جداً وأبوكي كان عايز يركب العربية ويجيلك القاهرة فوراً. عارفاه يعملها! بس أمك هي اللي وقفته. دي تصرفات ماجدة فعلاً! كملت نادية: أمك قالتله سيبوها تختار المكان اللي تحب تصحي فيه براحتها. وهما هيطلعوا يركبوا السوبرجيت أو القطار ويلتقوا بيكي في إسكندرية لو طلبتي.
بصت ريتال للكباية اللي في إيدها أنا لازم أكلمهم بنفسي. طبعاً.
طلعت ريتال الموبايل لقيت 27 مكالمة لم يُرد عليها! 10 من أمها. 7 من أباها. 5 من رقم غريب، غالباً مدير أعمال قاسم . والباقي من صحفيين ومعدين برامج! طنش الصحفيين وطلبت نمرة البيت في طنطا. أمها ردت من أول رنة! ريتال ؟! يا بنتي! صوت أمها كان بيتكسر من الخوف. ضغطت ريتال بإيدها على بقها عشان تكتم الشهقة: أنا هنا يا أمي أنا بخير. يا حبيبتي يا بنتي إنتي فين؟! أبوها دخل على الخط فوراً: ريتال ! إنتي فين يا بنتي؟! إنتي كويسة؟ أنا في المطار في صالة خاصة. إنتي في أمان؟ أيوه يا بابا. وقاسم معاكي؟ لأ. الحمد لله تمام كده!
استوعبت أمها العافية وشهقت: نيجيلك يا ريتال ؟ نركب العربية ونجيلك دلوقتي؟ بصت ريتال لـ نادية اللي انسحبت بذكاء عشان تسيب لها الخصوصية. أيوه يا بابا همست ريتال ، تعالوا أرجوكم. أبوها قال بصرامة حنونة: احنا نازلين المحطة حالاً ونركب أول قطر صبيحة. يا بابا المطر- نزلنا خلاص رد أبوها بنفس الصوت اللي كان ب يطمنها بيه وهي طفلة بتخاف من البرق ورعد الشتا، ومش مطلوب منك تشرحي ولا كلمة الليلة دي يا ريتال .
غمضت عينها والدموع نزلت: أنا آسفة يا بابا آسفة إني ما سمعتش كلامكم زمان. صوت أمها ماجدة جيه حنين ودافي: إنتي سمعتي لما بقيتي جاهزة تسمعي يا حبيبتي وده مش فشل ولا حاجة، دي بداية جديدة.
ريتال اتفتحت في العياط مش بصوت عالي، بس دموعها كانت نازلة مغرقة وشها وهي قاعدة تحت أنوار الصالة، ماسكة التليفون وأهلها بيكلموها في حاجات عادية جداً عشان يهدوها الجو، القطار، وأكلت ولا لسه. محدش طلب منها تدافع عن نفسها. ومحدش فرض عليها يعمل إيه.
لما قفلت المكالمة، نادية رجعت وقالت لها: أهلك هيقابلوكي في إسكندرية. أنا عايزة أروح أشوف البيت اللي في رأس البر. هزت نادية رأسها كأنها كانت متوقعة الطلب: تمام، هنطلع على رأس البر بعد ما تقابلي دكتور سمير وتطمني على الحمل. هي ليه الحاجة إلهام سابت حاجتها في بيت رأس البر بالذات؟ لأن البيت ده كان المكان الوحيد في العيلة اللي قاسم وأبوه ما قدروا يحطوا إيدهم عليه ولا يسيطروا عليه.
