قربت الست وقالت: ريتال هانم؟ أيوه أنا. أنا نادية الألفي. الاسم رن في أذن ريتال وحرك حاجة في ذاكرتها: الألفي للطيران؟ هزت نادية رأسها: العيلة هي اللي تمتلك الشركة. تنحت ريتال : أنا مش فاهمة حاجة! ومش مطلوب منك تفهمي دلوقتي بصت نادية ناحية الممر المؤدي للطائرة، مش دلوقتي خالص.
وقف ريتال مكانها ورفضت تتحرك. ملامح الست هديت وقالت بطف اللسان: عارفة إن الوضع غريب وصدمة ليكي، بس أوعدك إنك هنا في أمان تام، ولو حابة تمشي في أي لحظة القرار ليكي. ريتال سألتها بشك: مين اللي بعتك؟ اترددت نادية ثواني والتردد ده كان إجابة كافية لـ ريتال . هو قاسم ؟ لأ. يعني قاسم ما يعرفش حاجة عن الطيارة دي؟ ولا يعرف أي حاجة. أمال مين؟!
بصت نادية لبطن ريتال المنفوخة، ورجعت بصت في عينها: شخص شاف إنك محتاجة طوق نجاة وطريق هروب قبل ما تطلبي إنتي بنفسك. ضربات قلب ريتال زادت. الكلمات طالعة كأنها حلم أو كابوس متخطط له بالمسطرة. فكرت في الظرف الأصفر اللي سابته على مكتب قاسم في الزمالك ورقة الطلاق وتوقيعها. ردت بجمود: أنا مش عايزة أختفي ولا أهرب أنا بس مش عايزة أرجع البيت ده تاني. ومحدش هيجبرك تختفي. تقدري تروحي لأهلك في طنطا، تقعدي في فندق، تتصلي بصحباتك الطيارة دي مجرد اختيار قدامك مش أكتر. وهي الطيارة رايحة فين أصلاً؟ الإسكندرية الأول ومن هناك، المطرح اللي تختاريه. استغربت ريتال : إسكندرية؟! لأن أهلك عندهم هناك دكتور صديق عمرهم، يقدر يفحصك الصبح ويرعاكي متابعة للحمل يعني. حطت ريتال إيدها غريزياً على بطنها، والجنين رفس خفيف تحت كفها. دكتور مين؟ دكتور سمير فهمي كان زميل والدتك من زمان. بصت لها ريتال واستغربت، أمها عمرها ما جابت سيرة دكتور بالاسم ده في إسكندرية. فهمت نادية النظرة فقالت على طول: والدتك ما لهاش دعوة بالترتيبات دي. أمال مين اللي ترتيباته؟!
سكتت نادية تاني، والتعب اللي عند ريتال بدأ يتحول لشك وخوف. هي لسه هربانة من راجل بيلعب من ورا ظهرها، فمش هتسلم نفسها للعبة تانية! قالت بصرامة هادية: شكراً ليكي بس أنا مش هركب طيارة ولا هتحرك خطوة إلا لما أفهم. بصت لها نادية بتمعن، ومدت إيدها جوة البالطو وطلعت ظرف رفيع ورقي. لون الورق أوف وايت شيك، ومختوم بشمع عليه ختم صغير ختم ريتال عرفته على طول! ختم على شكل بوصلة فضية بسيطة. شافته قبل كده من سنين، على جواب كان محطوط جوة صندوق في مكتب أباها. ساعتها سألت أبوه عادل عن معناه، فقفال الصندوق بسرعة وقال لها: مفيش حاجة تقلقك يا بنتي.
مدت نادية الظرف لـ ريتال : الجواب ده ليكي. ما رضيتش ريتال تاخذه: من مين؟ هتعرفي لما تقريه. الكلام ده مش كفاية بالنسبة لي! عارفة قالت نادية، بس دي الحقيقة.
الصالة كانت هادية لدرجة إن ريتال كانت سامعة صوت التكييف. ومن ورا الإزاز، المطر كان بيلمع فوق أنوار أراض المطار. افتكرت وش قاسم في القاعة نظرة القرف والضيق. افتكرت إيد ليلى وهي ماسكة فيه. افتكرت شقة الزمالك الفاضية، والدواليب المليانة هدوم معمولة عشان تعجب مجتمع هي ما بقتش طايقاه. مسكت الظرف الورق كان تقيل ومحمل. واسمها مكتوب من برة بخط يد عريض ومش غريب عليها: ريتال . من غير هانم، ومن غير لقب عيلتها اسمها مجرد كدة، كأن اللي كاتب العبارة يعرفها عز المعرفة. فكت الختم الشمعي. وجوة كان فيه ورقة واحدة:
من حقك تماماً تسيبيه وترمي كل حاجة ورا ظهرك. بس قبل ما تاخدي أي قرار يخص اللي في بطنك، لازم تسمعي الحقيقة كاملة عن عيلة حسني. وتحت كانت التوقيع:– الجدة إلهام حسني.
أخدت ريتال نفسها بالعافية وشقهت! جدة قاسم المرحومة إلهام حسني! اللي ميتة من يجي سنة! الحاجة إلهام كانت الشخص الوحيد في عيلة قاسم اللي عاملت ريتال بآدمية واحترام. كانت تعزمها على شاي في الشتاء، تسألها عن حالها، وتفتكر صحابها، وفي يوم حطت في إيدها سلسلة فضة قديمة وقالت لها: دي عشان المولود. ساعتها ريتال ضحكت وقالت: بس أنا لسه مش حامل يا تيتة. ردت الجدة: يجي اليوم اللي تبقي فيه حامل. ريتال كانت نسيت السلسلة اصلاً بس دلوقتي، حطت إيدها تحت فتحة فستانها وحست بالسلسلة ملموسة على جلدها. كانت لابساها الليلة دي تحت الفستان كنوع من الونس والبركة.
كملت قراية الجواب:قاسم هيقولك إن أنا ما سبتلوش حاجة في الوراثة عشان كنت بكرّهك وده كذب. هيقولك إن أموال الوقف والعيلة تحت إيد أبوه وده برضه كذب. الوقف ده ملكك إنتي، لو قررتي تطالبي بيه.
قرأت ريتال الجملة مرتين ومش مصدقة عينها! إيديها بدأت ترتعش.أنا كتبت الوقف ده باسمك قبل فرحكم بفترة، بعد ما عرفت البلاوي اللي بتحصل جوة شركات حسني الجروب. كنت أتمنى إنك ما تحتاجيش للورق ده أبداً بس كنت خايفة من اليوم ده. وكان فيه كلام تاني:إوعي تصدقي أي حد يقولك إن بيزنس العيلة معقد وإنتي مش هتفهميه. إنتي مش غبية يا ريتال هما بس كانوا قاصدين يعموا عينكي ويغيبوكي. السطور الأخيرة كانت مكتوبة بخط ضعيف ومرعوش، كأن الحاجة إلهام كانت بتتألم وهي بتكتب:في أوضة مقفولة في البيت القديم بتاعنا في رأس البر المفتاح جوة السلسلة الفضة. روحي هناك قبل ما تتكلمي مع قاسم أو تقابلي حد. الحقيقة مستنياكي على المكتب اللي تحت الشباك.
