هتعزلي في الأوضة الصغيرة إمتى سألت
بصيت لها ثانية طويلة
قريب
ابتسمت
اللي لا أختي ولا أمي فهموه إني كنت أقصد حاجة مختلفة تماما
على ليلة الحد كنت ماضية عقد شقة جديدة
وبعدين جت لي فكرة تانية
الكنبة الجلد
ترابيزة السفرة
سريري الكبير
المرتبة
التليفزيون الكبير
المكتبة
الأطباق
تقريبا كل حاجة جوا الشقة كنت شارياها بفلوسي
لو ماما عايزة شقتها ترجع لها تاخدها
بس محدش قال إني لازم أسيب حياتي ورايا معاها
فكلمت صاحبي اللي عنده
شركة نقل
فاضي يوم الأربع
ضحك
شكلها دراما
ماتعرفش
الأربع الصبح خدت أجازة من الشغل
الساعة عشرة أختي أخيرا خرجت تقابل صحابها
وقفت جنب الشباك لحد ما شفتها اختفت في آخر الشارع
وبعدين عربية النقل وصلت برا
صاحبي نزل
اتنين من صحابي دخلوا شايلين كراتين
بصيت حوالين الشقة آخر مرة
وبعدين ابتسمت
شيلوا كل حاجة بتاعتي
بعد ما قلت لصاحبي شيلوا كل حاجة بتاعتي هو ضحك وقال لي انتي متأكدة
قلت له شيل حتى المسامير اللي في الحيطة لو بتاعتي
احنا ابتدينا الساعة عشرة وعشرة ونص الشقة بقت فاضية
الكنبة الجلد اللي كنت شارياها من سنتين بتحويشة 3 شهور اتشالت
الترابيزة اللي كنت بدهنها كل شهر عشان تلمع اتشالت
السرير الكبير اللي كنت بنام عليه وبحلم عليه اتشال
حتى الستاير اللي كنت مفصلاها على إيدي شلتها
المطبخ فضيته
الحلل اللي ماما نفسها كانت بتيجي تطبخ فيها عشان حللها محروقة شلتها
المعالق والكوبايات والخلاط
حتى لمبة الحمام اللي كنت مركباها عشان اللمبة القديمة كانت بترعش شلتها ورجعت اللمبة القديمة اللي بترعش
السباكة اللي كنت مغيراها سبتها عشان مينفعش أشيلها بس لو ينفع كنت شلتها
الساعة 12 الضهر الشقة رجعت زي ما استلمتها من 5 سنين
أرض قديمة مكسرة وحيطة
صفرا مقشرة وسباكة بايظة ومفيش حتى كرسي الواحد يقعد عليه
صورنا كل حاجة فيديو عشان محدش يقول
بوظتي الشقة
وقفلت الباب بالمفتاح وحطيت المفتاح تحت الدواسة زي زمان ومشيت
الساعة 2 الظهر كنت في شقتي الجديدة
شقة صغيرة أوضتين بس بتاعتي بجد عقدها باسمي وفرشي فيها حاجتي اللي بحبها
قعدت على الكنبة بتاعتي وفتحت تليفزيوني واتفرجت على فيلم وانا بشرب قهوة في كوبايتي
لأول مرة من 5 سنين أحس إن القهوة طعمها حلو عشان أنا اللي دافعة تمنها ومحدش هيقول لي دي شقتي
الساعة 6 المغرب تليفوني اڼفجر
أمي بتتصل
أختي بتتصل
30 مكالمة ورا بعض
مردتش
بعتت لي أختي فويس وهي بتصرخ إيه القرف ده فين العفش فين السرير أنا جيت لقيت الشقة فاضية حتى المراتب مش موجودة هنام على الأرض
أمي بعتت فويس تاني إنت اټجننتي إزاي تفضي الشقة وتاخدي كل حاجة ده بيت العيلة
ضحكت
بيت العيلة اللي فجأة بقى بيت العيلة بعد ما كان بتاعها لوحدها واسمها على العقد
تاني يوم الصبح أمي جت لحد شقتي الجديدة ومعاها أختي
خبطوا جامد على الباب
فتحت
أمي قالت إنت بتعملي إيه إنت فاكرة إنك كده بتأدبينا
قلت لها لا بأدب مين أنا خدت حاجتي بس
قالت حاجتك إيه ده
عفش شقتي
قلت لها شقتك على عيني وراسي هي فين شقتك موجودة مفتاحها تحت الدواسة روحي اقعدي فيها
بس العفش بتاعي أنا اللي شارياه بفلوسي ومعايا فواتيره كلها تحبي أوريهالك
أختي قالت طب وهنام فين
قلت لها في شقة ماما اللي ادتك مفتاحها الساعة 6 الصبح من غير ما تستأذنيني
قالت ماما بس الشقة فاضية مفيهاش حاجة
قلت لها ما هي طول عمرها فاضية أنا اللي مليتها 5 سنين بعرقي وإنتو فاكرين إن الفاضي ده هو الطبيعي
أمي قالت طب وهنعمل إيه دلوقتي
قلت لها زي ما قلتي لي أختك عندها صحاب كتير يدفعوا إيجار كامل من غير دراما خلي صحابها يفرشوها
ولا تحبي أقول لك حل تاني ادفعي انتي ألفين جنيه زي ما كنتي عايزة تدفعيني وأنا أروح أفرشها لك تاني
أمي سكتت
أختي قالت إنت قلبك أسود كده ليه
قلت لها قلبي مش أسود قلبي كان أبيض 5 سنين وأنا بدفع إيجار ألف جنيه في شقة أرضها مكسرة وأنا اللي بصلحها وأدهنها وأقول دي شقتي وفي الآخر تصحوني 6 الصبح تقولوا لي انقلي في الأوضة الصغيرة عشان الهانم هتاخد أوضتك الكبيرة
إنتو اللي قلبكم إيه
أمي
قالت خلاص ارجعي وإحنا هنخلي الإيجار زي ما هو ألف جنيه بس
قلت لها لا شكرا أنا مضيت عقد جديد ب 900 جنيه أوضتين ومنور وشباكه بيبص على شجر مش على منور مقفول زي شقتك
أختي قالت طب على الأقل هاتي سرير ننام عليه لحد ما نتصرف
قلت لها السرير بتاعي بنام عليه أنا لو عايزين سرير انزلوا اشتروا سرير زي ما أنا اشتريت
أو اعملوا زي ما أنا عملت ناموا على الأرض لحد ما تحوشوا
زي ما أنا نمت على الأرض أول شهر لما نقلت شقتك الفاضية
أمي بصت لي وقالت إنت اتغيرتي أوي
قلت لها متغيرتش أنا فوقت
فوقت لما فهمت إن اللي بيدفع ألف جنيه كل شهر ويجدد أرض وحيطة وسباكة مالوش حق يقول شقتي
وإن اللي بيصحى 6 الصبح يفتح شقة حد بمفتاح واخده من أمه من غير استئذان فاكر إن ده حقه
أنا فوقت لما قلتي لي لو مش عاجبك امشي وصحاب أختك هيدفعوا
أهو أنا مشيت وصحابها فين
محدش جه ولا حد دفع ولا حد عبركم عشان عارفين إن الشقة فاضية خړابة من غير عفشي
مشيوا وهما مضايقين
بعدها بيومين أمي كلمتني بټعيط
قالت أختك مشيت
قلت لها مشيت فين
قالت رجعت بيتها
القديم عندها وقالت مش هقدر أعيش في شقة فاضية حتى
الحمام لمبته بترعش
قلت لها شوفتي بقى قيمة اللمبة اللي كنت مركباها
قالت سامحينا يا بنتي ارجعي
قلت لها أرجع فين شقتي الجديدة عاجباني أوي
قالت طب تعالي خدي الفواتير بتاعة العفش وأنا هحاسبك
قلت لها لا العفش في شقتي الجديدة مش للبيع
لو عايزة تفرشي شقتك اشتري جديد زي ما أنا اشتريت
أنا مش بنك بيفرش شقق ويمشي
من ساعتها عرفت إن أختي كانت بتقول لأصحابها إنها هتعزل في شقة أختها الكبيرة المتوضبة الجاهزة أم بلكونة كبيرة
كانت فاكرة إنها هتاخد شقة متوضبة على الجاهز من غير ما تدفع ولا جنيه
كانت فاكرة إنها هتدخل أوضتي وتقول دي أوضتي
بس لما لقتها فاضية حتى مفيهاش مسمار فهمت إن المتوضب ده كان أنا
إن الشقة الحلوة اللي شافتها في الصور كانت حاجتي أنا مش حيطة ماما
ودلوقتي بعد شهرين أمي عارضة الشقة للإيجار ب 700 جنيه ومحدش راضي يأجرها عشان محتاجة توضيب كامل
وأنا كل ما أعدي من جنبها أبص عليها وأضحك
الشقة اللي كنت بدفع فيها ألف جنيه وبصلحها على حسابي دلوقتي مش لاقية اللي يدفع فيها 700
وأختي رجعت تقول لأمي شوفي لي شقة تانية مفروشة
وأمي
بتقول لها شوفي لنفسك أنا مش هدي مفتاح شقق حد تاني من غير ما أستأذن صاحبها
وأنا قاعدة في شقتي اللي ب 900 جنيه أوضتين مفروشين بحاجتي اللي بحبها وكنبتي اللي بحبها وتليفزيوني الكبير وسريري الملك اللي أختي كانت عايزة تاخده
