الوصيه الي امي مخبياها ٥ سنين

وكل يوم الصبح بصحى الساعة 6 مش عشان حد بيفتح بابي بمفتاح
بصحى عشان أعمل قهوة في مطبخي اللي حلله بتاعتي وكوباياتي بتاعتي وأقول لنفسي
اللي يدي مفتاح شقتك لحد من غير ما يستأذنك متديلوش شقتك اديله المفتاح تحت الدواسة وخليه يدخل يلاقيها فاضية زي ما كانت قبل ما تيجي انتي تمليها
بعد ما أمي كلمتني بټعيط وقالت لي أختك مشيت ورجعت بيتها القديم أنا قلت خلاص الحكاية خلصت
بس الحكاية مكنتش خلصت
بعدها بأسبوع لقيت أمي جاية لي الشقة الجديدة ومعاها شنطة كبيرة
فتحت الشنطة لقيت فيها حلل قديمة وطقم كوبايات مشروخ
قالت لي خدي دول كنت شايلاهم ليكي من جهازك
قلت لها جهازي إيه
قالت جهازك اللي كنت شايلاه من وانت صغيرة
بصيت لها وقلت لها يا ماما أنا جهزت نفسي بنفسي من 5 سنين اشتريت كل حاجة بفلوسي فاكرة ولا نسيتي
قالت معلش يا
بنتي أنا كنت عايزة أراضي أختك الصغيرة عشان هي مش لاقية شغل وانت كبيرة وبتشتغلي
قلت لها يعني عشان أنا كبيرة وبتشتغل أتداس عليا
عشان أنا اللي بشتغل وبصرف يبقى حقي يروح لأختي اللي مش بتشتغل
ده عدل مين ده
قالت أنا ربيتكم زي بعض
قلت لها لا مربيتناش زي بعض انتي ربيتيني أشيل وهي تشيلني
ربيتيني أدفع وهي تاخد
ربيتيني أجهز شقة 5 سنين وهي تيجي 6 الصبح بشنطتين تاخدها على الجاهز
ده مش زي بعض
سكتت شوية وبعدين قالت طب بصي أنا عايزة أقول لك حاجة
الشقة اللي انتي كنتي قاعدة فيها دي مش بتاعتي لوحدي
اټصدمت
قلت لها أمال بتاعة مين مش انتي قلتي اسمك على العقد
قالت آه اسمي على العقد بس فلوسها فلوس أبوكي الله يرحمه
أبويا كان كاتب الشقة دي باسمي عشان يحافظ عليها وقال لي دي لأول بنت تتجوز فيكم
وأنا لما لقيت أختك مخطوبة وفركشت ومتضايقة قلت أديها الشقة تفرح
قلت لها يعني الشقة دي أصلا كانت بتاعتي أنا من أبويا
قالت آه كان المفروض تبقى بتاعتك انتي لما تتجوزي
حسيت بدمي فار
يعني 5 سنين بدفع إيجار في شقة أبويا اللي المفروض تبقى بتاعتي
وأمي بتاخد
مني إيجار ألف جنيه وتحوشه وتديه لأختي
وأختي جاية
تاخد أوضتي وتقول لي انقلي في الأوضة الصغيرة
مسكت تليفوني وكلمت المحامي بتاع أبويا الله يرحمه
الراجل قال لي آه أبوكي كان كاتب وصية إن الشقة دي للبنت الكبيرة لما تتجوز والفلوس اللي تتدفع إيجارها تتحط في حسابها عشان جهازها
يعني أمي بقالها 5 سنين بتاخد مني إيجار وتحطه في جيبها
روحت لماما وقلت لها فين فلوس الإيجار اللي خدتيها مني 5 سنين 60 ألف جنيه فين
وشها اصفر
قالت كنت بصرفهم على البيت
قلت لها بيت مين البيت اللي أنا كنت بدفع إيجاره وبصلحه بفلوسي كمان
قالت كنت بساعد أختك
قلت لها بفلوسي
من غير ما تقولي لي
أختي الصغيرة لما عرفت بالوصية جت لحد عندي ټعيط
قالت والله ما كنت أعرف إن الشقة مكتوبة لك
أنا ماما قالت لي إنها شقتها وهتديهاني عشان أبدأ حياتي
قلت لها وانت صدقتي إنك تاخدي شقة أختك اللي عايشة فيها 5 سنين ببلاش وتيجي 6 الصبح بمفتاح من غير ما تكلميني
قالت أنا غلطانة
قلت لها لا انت مش غلطانة انت طماعة
الغلطانة هي ماما اللي ربتنا على الطمع
اللي فهمتك إن حق أختك حلال ليكي عشان انتي صغيرة ومش لاقية شغل
قعدت ټعيط وقالت طب أعمل إيه دلوقتي
قلت لها تعملي اللي أنا عملته
اشتغلي
دوري على شغل وادفعي إيجار زي ما أنا دفعت
وجهزي شقة زي ما أنا جهزت
محدش
هيفرش لك شقة ويمشي
بعدها بأسبوعين أمي جت ومعاها ظرف
نفس الظرف اللي كنت بدفع فيه الإيجار كل شهر
قالت لي فيه 60 ألف جنيه فلوس الإيجار اللي خدتها منك
خديهم وارجعي الشقة
قلت لها لا مش عايزة فلوسك ولا عايزة شقتك اللي بقيتي تأجريها ب 700 جنيه ومحدش راضي بيها
أنا عايزة حاجة واحدة بس
قالت إيه
قلت لها تكتبي الشقة باسمي زي ما أبويا كان عايز وتديها لي وأنا هبيعها وأجيب شقة تمليك بفلوسها وفلوس عفشي وشقايا
أمي في الأول رفضت
قالت لا دي شقة أبوكي مينفعش تتباع
قلت لها أبويا كتبها لي أنا مش ليكي انتي بيعتي الوصية وخدتي إيجارها 5 سنين
يا تكتبيها باسمي يا هرفع قضية بالوصية اللي مع المحامي
خاڤت
بعدها ب 3 أيام رحنا الشهر العقاري وكتبت الشقة باسمي
بعتها ب 900 ألف جنيه
شقة قديمة في مكان كويس تسوى
خدت الفلوس وحطيت عليهم تحويشة عمري واشتريت شقة تمليك صغيرة أوضتين وصالة في مكان هادي
تمليك باسمي مفتاحها معايا أنا بس
محدش معاه نسخة
لا أمي ولا أختي
فرشتها بعفشي اللي كنت شايلاه من الشقة القديمة
الكنبة الجلد والسرير الكبير والتليفزيون الكبير
وكل حاجة
وأول يوم نمت في شقتي التمليك قفلت الباب بالمفتاح وحطيت المفتاح جنبي على الكومودينو ونمت وأنا مطمنة إن محدش هيصحيني
6 الصبح يفتح بابي بمفتاح واخده من أمي
أختي دلوقتي بتشتغل
آه والله اشتغلت
بعد ما لقت إن مفيش شقة جاهزة على الجاهز ولا في أخت كبيرة هتفرش لها شقة وتمشي راحت دورت على شغل واشتغلت في محل ملابس وبتحوش عشان تأجر أوضة
وأمي بتيجي تزورني كل أسبوع في شقتي التمليك وتقول لي تسلم إيدك يا بنتي الشقة حلوة أوي
بقول لها شايفة اللمبة اللي مش بترعش دي أنا اللي مركباها
والأرض اللي مش مكسرة دي أنا اللي دافعة تمنها
والكنبة دي أنا اللي شارياها
كل حاجة هنا بتاعتي بجد مش بتاعة حد واسمه على العقد
بتاعتي باسمي وبعرقي
وهي بتسكت وتقول عندك حق
وأنا اتعلمت حاجة من حكاية 6 الصبح دي
إن اللي يدي مفتاح شقتك لحد من غير ما يستأذنك عمره ما حبك
وإن الشقة اللي تفرشيها 5 سنين بعرقك مش هتبقى شقتك غير لما يبقى عقدها باسمك ومفتاحها في جيبك انتي بس
وإن الأخت اللي تيجي 6 الصبح
بشنطتين وتقول لك قومي من أوضتك عشان هاخدها مش أخت
دي ضيفة تقيلة جاية تاخد شقاكي وتمشي
وإن أحسن رد على اللي يقول لك لو مش عاجبك امشي هو إنك تمشي فعلا
بس تمشي وتاخدي كل مسمار دقيتيه بإيدك
عشان لما يرجعوا يدوروا على الشقة المتوضبة الحلوة اللي كانوا فاكرينها ببلاش يلاقوها فاضية زي ما كانت قبل ما انتي تيجي
فاضية
وحيطتها صفرا ولمبتها بترعش وأرضها مكسرة
زي قلبهم بالظب