شقتي

جوزي جاب امه واخوه وجم يطلبه مني اسيب شقتي لاخو جوزي وخطبته يتجوزوا فيها وارجع انا لقرف بيت العيله ، ولما رفضت هددني بجوازنا بكل بجاحه وهو ميعرفش ان اللي قدامه دي كسبت 10 مليون جنيه بحالهم !!!!!
عارفين الإحساس لما الدنيا تضحكلك فجأة وتغير حياتك في ثانية؟ ده بالصدفة اللي حصل معايا. وأنا معدية جنب محل يانصيب، قررت أجرب حظي.. وما تصدقوش لو قلتلكم إني كسبت الجائزة الكبرى 10 مليون جنيه صافي!
مسكت ورقة اليانصيب وإيدي بتترعش، وقلبي طاير من الفرحة. واول حد جه في بالي طارق جوزي
طارق كان دايما شايل هم المصاريف والعيال، وكنت بقول في نفسي أخيراً ارتحنا ومستقبلنا بقى فُل.
رجعت البيت بسرعة، حطيت الورقة في أعمق سوستة جوه شنطتي، وقعدت مستنياه على ڼار عشان أعمله أحلى مفاجأة وأقوله إن الهم انزاح.
الساعة جت سبعة بالظبط، وسمعت صوت المفتاح في الباب. طارق دخل.. بس ما كانش لوحده.
كان معاه أمه، حجة زينب، وأخوه الصغير أحمد.
استغربت جداً، وقبل ما أنطق، لقيت حماتي داخلة تلف في الشقة ولا كأنها قاعدة في ملكها! فتحت باب البلكونة، وبصت على

أوضة الأطفال ببرود
وأحمد دخل على التلاجة فتح إزازة مية وشرب، وقال بكل بجاحة وهو بيبص للوحة على الحيطة بس اللوحة دي تشيلوها.. خطيبتي ما بتحبش الذوق ده.
وقفت متنحة وبصيت لطارق في إيه يا طارق؟ إنتوا جايين ليه فجأة كده ومن غير ما تقولوا لي؟
طارق قرب مني، وبصلي بصة واحد مجهز قراره وخلاص
بصي يا سارة.. أحمد أخويا هيتجوز الشهر الجاي، وأهل العروسة شارطين شقة تمليك عشان يوافقوا.
وكح بتردد وقال….فانا قولت نسيب له الشقه دي هو ومراته يقعدوا فيها كام سنة.. وإحنا نرجع شقتي اللي في بيت اهلي لحد ما يستقروا بس
حسيت إن حيطة وقعت على دماغي. بصيت له بذهول وقلت
أنت مچنون ولا جرى لعقلك حاجة؟! أسيب شقتي اللي بابا وماما سابوهالي لأخوك؟!
الحجة زينب نطت في الكلام فوراً إيه يا بت إنتي ناشفة كده ليه؟! جوزك راجل وعايز يستر أخوه، وهي أصلًا شقة مش قد كده …وهيرجعهالك اما تتيسر اموره!
وأحمد كمل من قاعدته وافرض مرجعتش هو انتي هتقعدي في الشارع ما انتو عندكم شقتكم في بيت ماما
هنا بقى، الډم فار في عروقي. اتخانقت معاهم بكل قوة وصوت عالي، ووقفت في وشهم
زي الأسد
أنتوا أكيد اتجننتوا! شقة إيه اللي تاخدوها ؟! عايزين تاخدوا شقتي اللي ابويا سبهالي تجوزوا فيها ابنكم …وانا ارجع لقرف البيت القديم …ده انا وافقت اسكن في شقتي ومرضتش اجرها عشان اطلع من الزحمه اللي هناك
حماتي زعقت فيا وقالت…ليه يا اختي مالها الزحمه اللي هناك ولا احنا مش قد مقامك يا بت
لسه هرد بس طارق تقدم نحوي، ووشه بقى أسود من الڠضب، والوش الطيب اتمسح تماماً. مسكني من دراعي وقال بصوت قاطع زي السکينة
بصي يا سارة.. أنا وعدت أهلي، وكلمتي مش هتنزل الأرض الشقة دي لأحمد، وهنروح شقتنا القديمه. ولو رفضتي أو كسرتي كلمتي قدام أهلي.. يبقى جوازنا ده بيخلص هنا وفورا! ومش هتاخدي مني جنيه واحد …وابقي وريني هتعيشي و هتتصرفي ازاي بعيالك من غيري
الكلمة صدمتني صدمة عمري جوزي اللي حبيته من كل قلبي بيخيرني بين ورثي وبين استمرار جوازنا عشان عيلته الطماعة لا وكمان بيهددني بانه هيجوعنا
وقفت ثواني مبرقة، مصډومة من بجاحته وجبروتهم.
من جوايا، كنت على آخري، وعايزة أصرخ في وشه وأرفض پعنف، وأطردهم كلهم برا الشقة،
وكنت خلاص هطلع ورقة ال 10
مليون أرميها في وشهم..واقوله اني مش محتاجاه
لكن هديت في اخر لحظه وقررت اوجعهم بطريقه ميتوقعهاش
ابتسمت ببرود وبصيت لطارق في عيونه مباشرة، وقلت
خلاص.. ولا تزعل نفسك يا طارق.
مادام وعدتهم.. يبقى كلامك هو اللي هيتم.
الكل اتفاجئ من موافقتي السريعة، حتى طارق نفسه حس بالغرابة من تحولي المفاجئ. بس فرح بنفسه وقال بغرور قولتلكم ساره دي حببتي وسيبوها عليا
وبقى يبارك لاخوه هو وامه وأنا واقفة باصة لهم، بهدوء وانا مقرره اني ادفعه تمن كل كلمه قالها واحسره هو واهله بطريقتي الخاصه !!!!
أول ما حماتي وأحمد مشيوا، طارق دخل الأوضة وهو بيصفر من الفرحة، وقعد جنبي على الكنبة وقال بمنتهى الثقة شايفة يا ستي؟ أهو الموضوع خلص من غير ۏجع دماغ. أنا كنت عارف إنك في الآخر هتسمعي كلامي، وإنتِ عارفة إن أخويا غلبان ومحتاج يقف على رجله.
بصيت له وابتسمت ابتسامة صغيرة، وقلت طبعًا يا حبيبي، ما هو أخوك أولى مننا، وإحنا نستحمل أي حاجة عشانه.
طارق ضحك وقال أهو ده الكلام اللي يفرحني منك. بكرة الصبح هكلم السمسار ييجي يشوف الشقة ويجهز ورقها، وأول ما أحمد
يتجوز ننقل حاجتنا على بيت أمي.
هنا حسيت إن الراجل اللي قدامي ده مش جوزي اللي عشت معاه سنين، ده واحد تاني خالص، واحد شايف إن من حقه يتصرف في ملكي كأنه ورثه عن أبوه!
بس أنا ما رديتش، فضلت ساكتة لحد ما نام، وبعدها قمت بالراحة وطلعت شنطتي من الدولاب. فتحت السوستة الداخلية وطلعت ورقة اليانصيب اللي كسبت بيها العشرة مليون جنيه.
فضلت باصة للورقة شوية، ودموعي نزلت من غير ما أحس.
مش دموع فرحة بالجايزة، قد ما هي دموع على نفسي وعلى السنين اللي كنت فاكرة فيها إن جوزي سندي وضهري.
مسحت دموعي وقلت لنفسي لا يا سارة، إنتِ مش هتضيعي عمرك مع حد فاكر إن طيبتك ضعف، ولا هتسمحي لحد ياخد حقك منك.
تاني يوم الصبح، صحيت بدري، لبست وخرجت من غير ما أقول لطارق أنا رايحة فين.
أول حاجة عملتها إني رحت لبنك كبير، وسألت عن إجراءات استلام الجايزة بشكل قانوني وآمن، وخدت كل التعليمات اللازمة، وبعدها بدأت أرتب أموري المالية مع محامي ومستشار مالي عشان أحافظ على الفلوس وما أخليش حد يقدر يستغلني أو يضحك عليا.
وبما إن الشقة ملكي بورق رسمي، قررت أراجع كل المستندات
الخاصة بيها وأتأكد إن كل حاجة سليمة، وإن محدش يقدر يتصرف فيها من غير موافقتي.
رجعت البيت الضهر، لقيت طارق قاعد على التليفون وبيكلم أمه.
أول ما شافني قفل المكالمة وقال إنتِ كنتِ فين يا سارة؟ أنا من الصبح بدور عليكي!
قلت بهدوء كنت بخلص كام مشوار.
قال وهو بيقوم من مكانه بصي، أنا كلمت أحمد، وهو وأمه جايين النهارده بالليل عشان نتفق على نقل العفش. عايزك تجهزي نفسك.
هزيت راسي وقلت حاضر يا طارق، مفيش مشكلة.
استغرب من هدوئي، لكنه ما اهتمش، وافتكر إن الموضوع خلص وإنه كسب الجولة.
بالليل، جت حماتي ومعاها أحمد وخطيبته ندى.
ندى كانت بنت متكبرة شوية، دخلت الشقة وهي بتبص حواليها، وقالت بصراحة الشقة حلوة، بس محتاجة شوية تغييرات. أنا عايزة أغير لون الحيطان وأجيب عفش جديد، وأوضة النوم دي هتبقى لينا، والأوضة التانية هنعملها مكتب.
بصيت لها وقلت على مهلك يا حبيبتي، إنتِ لسه ما اتجوزتيش، ومفيش حاجة اتغيرت في الشقة لحد دلوقتي.
ندى بصت لطارق باستغراب، وهو اتدخل بسرعة يا سارة، إحنا اتفقنا خلاص. ندى بتتكلم على أساس إن الشقة هتبقى بتاعتهم.
رديت
بمنتهى البرود وأنا كمان بتكلم
على أساس إن الشقة شقتي.
وشهم اتغير في لحظة.
حماتي قامت من مكانها وقالت إيه الكلام ده يا بت؟ إنتِ رجعتي في كلامك؟
قلت أنا ما رجعتش في كلامي، أنا وافقت أسمع كلام جوزي، لكن ما مضيتش على تنازل عن شقتي، ولا وافقت إن حد يتصرف فيها كأنها ملكه.
طارق قرب مني وقال بصوت واطي لكنه مليان ټهديد إنتِ بتلعبي پالنار يا سارة. إنتِ ناسية أنا قلت لك إيه امبارح؟
بصيت له في عينيه وقلت لا، فاكرة كل كلمة. وفاكرة كمان إنك قلت لي لو رفضت أسيب شقتي يبقى جوازنا انتهى.
أحمد اتدخل بعصبية يا جماعة، هو إحنا هنفضل واقفين نتفرج على بعض؟ أنا فرحي قرب، وأهل ندى مستنيين مني أقول لهم إن عندي شقة!
ضحكت ضحكة قصيرة وقلت ودي مشكلتي أنا؟ إنت اتخطبت على أساس إن عندك شقة من غير ما تتأكد إن صاحبها موافق؟
ندى وشها احمر من الكسوف، وبصت لأحمد وقالت إنت قلت لي إن الشقة بتاعت أخوك وإنه وافق يديهالك!
أحمد اتلخبط وقال ما هو طارق قال لي إنه هيتصرف!
هنا حماتي بصت لابنها الكبير وقالت اتصرف يا طارق! إنت راجل البيت، ولا مراتك هتوقفك قدام الناس؟
طارق فقد أعصابه،
ومد إيده ناحية دراعي وهو بيقول إنتِ هتسمعي الكلام يعني هتسمعي الكلام!
رجعت خطوة لورا وقلت بحزم إوعى تمد إيدك عليا يا طارق. أنا سكت كتير احترامًا للعشرة، لكن السكوت ده مش معناه إني ضعيفة.
وبعدين فتحت درج المكتبة وطلعت ملف فيه صورة عقد ملكية الشقة وبعض الأوراق الخاصة بيها، وحطيته على الترابيزة.
قلت الشقة دي ملكي أنا، ورثتها عن أبويا الله يرحمه، وكل ورقة تثبت ده موجودة. لا إنت ولا أمك ولا أخوك من حقكم تجبروني أتنازل عنها.
حماتي اټصدمت وقالت يعني إيه؟ ده إنتِ متجوزة ابني، وكل اللي عندك المفروض يبقى ليه!
بصيت لها وقلت الجواز مش معناه إن ملكي يبقى ملككم، زي ما فلوسكم وملككم مش من حقي آخدهم ڠصب عنكم.
طارق خبط بإيده على الترابيزة وقال خلاص يا سارة، طالما وصلنا لكده، يبقى إنتِ اللي اخترتي. إنتِ طالق!
الكلمة نزلت عليا، لكن الغريب إني ما عيطتش، ولا حتى حسيت بالاڼهيار اللي كنت متخيلاه.
يمكن عشان الټهديد ده كان آخر حاجة فاضلة بيني وبينه، ويمكن عشان لأول مرة فهمت إن خسارة شخص بيهينك مش دايمًا خسارة.
بصيت له وقلت إنت
متأكد من قرارك؟
قال بغرور أيوه، وهتشوفي هتعملي إيه من غيري!
ابتسمت وقلت تمام يا طارق، بس قبل ما تمشي، عايزاك تعرف حاجة.
مديت إيدي لشنطتي، وطلعت ظرف فيه ورقة من الإجراءات البنكية اللي بدأت أخلصها، من غير ما أظهر له أي بيانات حساسة،