
أصل الفرح الصغير اللي عملناه في البيت ده كان أحلى من فرح الفندق أبو 200 واحد
كنت فارشة ملاية بيضا على الترابيزة بتاعة المطبخ وحاطة عليها طبق كحك أنا عاملاه بايدي وطبق فشار وشوية ورد بلدي جبته من السوق
لبست فستان أزرق بسيط كنت شارياه من سنتين ومش لابساه وكنت حاطة طرحة بيضا صغيرة
ابني أول ما شافني قال لي الله يا ماما انتي زي القمر
الكلمة دي بالدنيا كلها عندي
الراجل الغني اللي كان مشغلي جه وجاب معاه بوكس شيكولاتة كبير وقال لي انتي النهاردة العروسة الكبيرة
وضحكنا كلنا
العروسة جت لابسة فستان أبيض بسيط خالص ومش عاملة ميكب كتير وشكلها كان أحلى 100 مرة من يوم فرح الفندق
أول ما دخلت جريت حضنتني وقالت لي وحشتيني يا ماما
قلت لها تعالي يا حبيبتي ادخلي بيتك
وقعدنا كلنا في الصالة الصغيرة اللي أنا مربياه فيها ابني 25 سنة
مفيش دي جي ولا رقص ولا ناس بتتفرج علينا ولا حد بيقيم لبسنا
كان فيه ضحك بجد من القلب
ابني مسك ايد مراته وقال قدامنا كلنا أنا عايز أقول حاجة
أنا كنت فاكر ان الجواز هو فستان غالي وقاعة كبيرة وناس كتير تسقف لي بس طلع الجواز هو اني ألاقي ست تحب أمي زي ما أنا بحبها
وبص لي وقال يا ماما أنا آسف قدام كل الناس اللي بحبهم اني في يوم قلت لك متجيش
قلت له خلاص يا حبيبي اللي فات ماټ احنا ولاد النهاردة
والعروسة قامت وقالت وأنا كمان عايزة أقول حاجة
أنا كنت مكسوفة من أمي عشان لبسها بسيط بس اكتشفت ان الكسوف الحقيقي اني أبقى قليلة الأصل مع ست زيها ضحت بعمرها كله
أنا أهلي علموني ألبس غالي وأتكلم لغات بس انتي يا ماما علمتيني يعني ايه ست ب 100 راجل
وحضنتني تاني
بعد الفرح بأسبوع العروسة خدتني معاها عند أهلها
أنا كنت قلقانة أوي كنت فاكرة هيحرجوني ولا يقولوا لي كلمة تضايقني
بس أول ما دخلت لقيت أبوها واقف مستنيني على الباب
قال لي اتفضلي يا ست الكل البيت نور
وأمها قالت لي احنا آسفين يا حبيبتي احنا كنا بنبص للمظاهر ونسيينا الأصول حقك علينا
قلت لهم محصلش حاجة يا جماعة احنا بقينا عيلة واحدة دلوقتي
ومن ساعتها بقيت أروح لهم كل جمعة وهم بييجوا عندي
بقينا نتغدى سوا مرة عندي ومرة عندهم
مرة عملت لهم محشي وملوخية وفراخ محمرة قعدوا ياكلوا ويقولوا الله احنا بقالنا سنين مكلناش أكل بيتي كده
عرفت ان بيتهم اللي شبه القصر ده مفيهوش ريحة طبيخ ولا دفا
وبيتي الصغير اللي على قده مليان دفا الحب
وابني دلوقتي بقى ييجي كل يوم بعد الشغل يبوس ايدي قبل ما يروح شقته
وبقى يقول لمراته كل يوم كلمي ماما اسألي عليها
والشيك اللي كنت شايلاه
ابني مرضيش ياخده كله
قال لي بصي يا ماما احنا هناخد نصه بس نجيب بيه شقة صغيرة على قدنا والنص التاني هتخليه ليكي انتي
قلت له أنا عايزة بيه ايه يا ابني أنا خلاص كبرت
قال لي هتطلعي عمرة
الكلمة خلتني أعيط
من وانا صغيرة وانا نفسي أطلع عمرة وكنت كل ما أقول لجوزي الله يرحمه يقول لما ربنا يفرجها
ولما ماټ قلت خلاص مش هتتكرر
ابني قال لي لأ هتطلعي وهتطلعي على حسابي أنا اللي انتي شلتي لي فلوسه
وفعلا الشهر اللي فات طلعت عمرة
أول مرة أركب طيارة في حياتي
وأول مرة أشوف الكعبة
وقفت هناك ودعيت دعوتين
دعيت لابني ومراته ربنا يسعدهم
ودعيت لأي أم بتقرا قصتي دلوقتي بقول لها
اوعي تفتكري انك قليلة عشان لبسك بسيط ولا شغلك على قدك
انتي كبيرة أوي عند اللي خلقك وعند ابنك لو هو ابن حلال وهيرجع لك
وحتى لو مرجعش انتي كبيرة بنفسك وبتعبك وشقاكي
رجعت من العمرة لقيت مرات ابني عاملة لي مفاجأة
كانت جايبة لي فستان جديد وجزمة جديدة وشنطة
قالت لي عشان لما نخرج سوا تبقي أحلى واحدة فينا
قلت لها يا بنتي أنا مش محتاجة فستان جديد أنا محتاجة كلمة حلوة وانتي بتديهاني كل يوم
ودلوقتي أنا قاعدة بكتب لكم قصتي دي وأنا في البلكونة ومرات ابني جوه بتعمل لي شاي وابني بيضحك معاها في المطبخ
البيت اللي كان ساكت من يوم ما ابني اتجوز بقى مليان صوت
وعرفت ان ربنا مبيضيعش تعب حد
اللي يزرع حب بيلاقي حب واللي يزرع تضحية بيلاقي اللي يقدره حتى لو بعد 25 سنة
ولو انتي أم وابنك قال لك متجيش متعيطيش
خليه يمشي ويجرب الدنيا من غيرك وهو هيرجع لك جري لما يعرف ان مفيش حضڼ زي حضڼ أمه
ومفيش ست في الدنيا هتحبه قد أمه
والعروسة اللي كانت مكسوفة مني بقت دلوقتي بتقول لأي حد يشوفها دي حماتي دي أمي التانية ودي اللي علمتني يعني ايه جواز بجد
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”




