أنا اللي أمرت بالتحويلات. أختي طلعت ورق شكله بيأكد كلامه.
المحامي بتاعي مقدرش يثبت العكس.
وخسړت القضية.
الست سمعتني من غير ما تقاطعني.
معاكي أي ورق من السنين دي؟
احتفظت بشوية نسخ. خبيتهم قبل ما اتسجن.
قامت ببطء ورجعت بورقة صغيرة متنية.
كان مكتوب عليها اسم ورقم تليفون.
ده محقق مالي جنائي. ساعدني لما كان عندي مشاكل مع طليقي. مبيعملش معجزات، بس بيعرف يلاقي الكدب اللي مستخبي في الأرقام.
حاجة اتحركت جوايا…
كلمت الراجل اللي الست العجوزة ادتني رقمه وانا ايدي بتترعش.
رد عليا بعد رنتين، صوته هادي وعجوز شوية.
قلتله حضرتك المحقق المالي؟ الست اللي مشغلاني ادتني رقمك وقالت إنك ممكن تساعدني.
قاللي احكيلي.
حكيتله كل حاجة في عشر دقايق، من غير ما أعيط، كنت خلاص بطلت أعيط في السچن.
لما خلصت، سكت شوية وقال ابعتيلي اللي معاكي، وأنا هقولك إذا كانت قضيتك تستاهل ولا لأ، بس هقولك من دلوقتي، تسعين في المية من قضايا الڼصب العائلي دي بتكون معمولة بغباء وبيسيبوا وراهم بلاوي.
بعتله الصور اللي كنت مخبياها على الإيميل القديم بتاعي، صور لعقود وفواتير كنت مصوراها بالموبايل قبل ما يتقبض عليا بيومين، كنت حاسة إن فيه حاجة غلط بتحصل.
بعد يومين، كلمني تاني.
قاللي انتي مكنتيش بتنصبي، انتي اتنصب عليكي. التحويلات اللي اتعملت باسمك، معمولة من جهاز كمبيوتر مش بتاعك، والآي بي بتاعه من بيت أختك، وكمان التوقيعات اللي على العقود مزورة، مزورة بطريقة غبية، حد مبتدئ عملها.
وكمان لقيت حاجة أهم، الفلوس اللي اتسرقت، مراحتش لمورد وهمي، راحت لشركة تانية، الشركة دي باسم جوزك وأختك، شركة فتحوها قبل ما ټتسجني بشهرين بس.
ساعتها حسيت إن الأرض بتلف بيا، بس مش من الزعل، من الفرحة.
أول مرة من أربع سنين حد يقولي إنتي مش حرامية.
جريت على الست العجوزة وقلتلها.
كانت قاعدة في الصالة بتشرب شاي، بصتلي وقالتلي كنت عارفة، عيني بتعرف الحرامي من الشريف من أول ما يخش البيت.
قلتلها هعمل ايه دلوقتي؟
قالتلي هتاخدي حقك، بس بهدوء، زي ما أنا علمتك تطبخي الرز، على ڼار هادية عشان يستوي.
المحقق قاللي محتاجين نجيب كشف حساب للشركة الوهمية دي، ومحتاجين حد من جوه البنك يشهد إن التحويلات مش من جهازك.
قلتله هنجيبه منين؟
قاللي سيبيها عليا.
في نفس الأسبوع ده، بدأت ألاحظ العربية الرمادي بقت تيجي كل يوم.
مرة نزلت أجيب عيش، لقيت الراجل اللي بيصور بيقرب مني وبيقول أختك بتسلم عليكي وبتقولك بطلي تلعبي مع العجوزة عشان مش هينفعك.
عرفت إنهم عرفوا مكاني.
روحت للست العجوزة وقلتلها وأنا خاېفة أنا لازم أمشي، هيأذوكي بسببي.
قالتلي بكل هدوء يقدر حد يأذيني في بيتي؟ أنا عايشة هنا من قبل ما أبوهم يتولد، خليهم يجوا.
انتي خليكي، ومټخافيش.
تاني يوم، أختي ظهرت.
نفس اليوم اللي في أول القصة.
جات لابسة الساعة بتاعة أبويا، الساعة اللي أبويا قبل ما ېموت بيومين ادهالي وقالي دي بتاعة جدك، خليها معاكي، انتي الوحيدة اللي هتحافظي عليها.
كنت شايلاها في الدولاب، لما اتسجنت، أختي خدت كل حاجة في البيت، حتى الساعة.
جات ورمت ظرف فلوس عند رجلي وقالتلي لو جبتي سيرتي تاني، هرجعك السچن.
قلتلها شيلي فلوسك، انتي خدتي أربع سنين من عمري.
كانت فاكرة إني لسه ضعيفة ومکسورة زي يوم ما خرجت.
ميعرفوش إن معايا دلوقتي محقق مالي، ومعايا ست عجوزة دماغها توزن بلد، ومعايا ورق يثبت كل حاجة.
بعد ما مشيت، المحقق كلمني وقال جبنا كل حاجة، البنك طلع التقرير اللي يثبت إن التحويلات اتعملت من بيت أختك، وكمان جبنا تسجيل كاميرا من البنك اللي جوزك راح فيه عشان يفتح الحساب الوهمي.
تقدري ترفعي قضية
