Trending News

ابن الماڤيا الصامت ج1

حكايات مني السيد

استغاثة متغلفة في علبة من السخرية، وكان لازم اختار يا إما أبيعه وأساير الراجل اللي يقدر يرميني في الشارع بكلمة واحدة، يا إما أحميه.
رسمت على وشي أهدى ابتسامة قدرت أعصرها من ملامحي، ونزلت عيني على دفتر الطلبات، وبدأت أكتب بالقلم وأنا بقول بصوت واثق ومفيش فيه هزة طلب ستيك ريب آي، تسوية ميديوم رير، مع بطاطس بوريه وقهوة أمريكانو سادة يا فندم.
عز الدين فضل باصصلي شوية، عينيه الضيقة بتفحص كل ملِلي في وشي، كأنه بيدور على كدبة أو ارتباك. حاجب واحد اترفع ببطء، ونبرة صوته نزلت لدرجة فحيح الأفاعي بس ده حرك إيديه كتير أوي عشان حتة لحمة وفنجان قهوة!… إنتِ متأكدة إنه مقالش حاجة تانية؟
لغة الإشارة بتعتمد على تفاصيل كتير في الوصف يا فندم، رديت بسرعة وبثبات فاجئني أنا شخصيًا، يعني درجة التسوية ليها حركة، ونوع الصوص ليه حركة، ومكونات الطبق كلها بتتقال إشارة إشارة عشان ميحصلش غلط في المطبخ.
واحد من الحراس اللي واقفين ورا عز الدين، كان راجل عريض المنكبين ووشه مقسوم بندبة قديمة، مال على ودن عز الدين وهمس بصوت واطي يا باشا، البت كلامها مظبوط،
الصم بياخدوا وقت عبال ما يشرحوا اللي عايزينه… تحب أخليهم يمشوها من هنا؟
عز الدين رفع إيده بإشارة حاسمة خلت الحارس يرجع خطوة لورا ويخرس تمامًا. فضل مثبت عينيه عليا لثواني حسيتها سنين، وبعدين طلع ضحكة قصيرة باردة خلت شعر ضهري يقف تمام… هاتي اللي طلبه. وخلي الشيف يظبط اللحمة، عشان الباشا الصغير معدته حساسة شوية… روحي شوفي شغلك.
عن إذنك يا فندم.
لفيت ضهري وبدأت أمشي بهدوء محسوب، خطوة ورا خطوة، لحد ما عديت البارتيشن الخشب اللي بيفصل الصالة عن المطبخ الداخلي. أول ما بقيت بعيد عن مجال رؤيتهم، حسيت رجليا خانتني فجأة… سندت بضهري على الحيطة الباردة جمب باب الأوفيس، وغمضت عيني، وأنا باخد نفس طويل ومرتعش كان محپوس في صدري.
إيه يا ملك؟ مال وشك مخطۏف كده كأنك شوفتي عفريت؟
فتحت عيني لقيت عم رفعت، مدير الصالة، واقف قدامي وماسك فوطة المشروبات وباصصلي بقلق. عم رفعت راجل في الخمسينات، طيّب وبيعتبرني زي بنته، بس پيترعب من المشاكل وخاصة لو جاية من أصحاب النفوذ.
مفيش حاجة يا عم رفعت، بس… الترويزة رقم أربعة، عز الدين الشهاوي.
وش عم
رفعت اتبدل في ثانية، ولونه اصفر الشهاوي؟! يا وقعة مربربة! عملتي معاه إيه؟ زعلتيه في حاجة؟ قولتلك مېت مرة الطاولة دي أنا اللي هستلمها بنفسي، الراجل ده لو كشړ في وش المحل، صاحب المكان يطردنا كلنا النهاردة قبل بكرة!
مفيش حاجة والله يا عم رفعت، أخدت الأوردر بس، ودخلت أبلغه للشيف.
طب اخلصي، ونبي يا بنتي الله يسترك، متعمليش أي حركة زيادة، ولا تتكلمي مع ابنه ده خالص… العيلة دي فيها مصايب متتفتحش علينا!
سيبته ودخلت المطبخ أسلّم الطلبات للشيف، ودماغي كانت بتغلي بمية فكرة في نفس الوقت. حركة إيد آدم… النظرة اللي كانت في عينيه… الطريقة اللي استخدم بيها إشارات دقيقة وسريعة ميعرفهاش غير حد بيستخدم اللغة دي يوميًا بطلاقة شديدة، مش حد عاجز ومكسور زي ما الإشاعات وأبوه مطلعين عليه!
الناس الصم لما بيبطلوا يتكلموا مع حد سنين، حركات إيديهم بتبدأ تبقى بطيئة ومترددة، لكن آدم؟ إيديه كانت بتتكلم بسرعة رياح عاصفة، ورا كل إشارة ثقة وتمكن… ده مكنش واحد منسي في قصر، ده واحد مراقب كل حاجة في صمت مستني لحظة معينة.
بعد ربع ساعة، الأطباق جهزت. حطيت
الستيك المشوي

عناية والويسكي لكبير العيلة، وريحة الأكل كانت تفتح النفس، بس أنا كانت معدتي مقلوبة على الآخر. مسكت الصينية الكبيرة الفضية، وخرجت بيها للصالة من تاني.
لما قربت من الترابيزة، لاحظت إن الجو كان متغير… عز الدين كان بيتكلم في تليفونه بصوت واطي بس حاد، وكان بيبص لورقة صغيرة محطوطة جمب كاسته، ووشه ملامحه مظلمة وعروق رقبته ناطرة من الغيظ. الحراس كانوا مشدودين أكتر، وعينيهم بتمسح المكان يمين وشمال كأن فيه ټهديد هيدخل من الباب في أي لحظة.
قربت بحذر وبدأت أنزل الأطباق قدامهم. حطيت كاس الويسكي قدام عز الدين، اللي مشاورليش حتى، وفضل باصص في الورقة وهو بيبرطم بكلام مسمعتش منه غير …الشحنة متتفرغش في المينا غير لما الإذن يطلع… مش هسمح لولاد الكلب يلووا دراعي….
لفيت ناحية آدم، وحطيت قدامه طبق الستيك والبطاطس، وبعدين حطيت فنجان القهوة الأمريكانو على شماله.
آدم كان قاعد وشه ناحية الشارع زي ما هو، لكن أول ما نزلت الفنجان، إيده اليمين اتحركت بسرعة خاطفة كأنها حركة عفوية وهو بيعدل الفوطة القماش اللي على ركبه. بس في اللحظة دي بالذات، حرك صوابعه بإشارات سريعة ومكتومة تحت مستوى الترابيزة، بحيث جسمه يكون ساترها تمامًا عن أبوه والحراس
شكلك
شجاعة أكتر من اللازم… أو مچنونة.
ابتسمت من غير ما أرفع وشي، وأنا بمسح الترابيزة بفوطة بيضا عشان أعمل نفسي مشغولة في تنضيفها، وحركت صوابع إيدي الشمال اللي مدارية تحت حافة الصينية بإشارات مقتضبة يمكن الاتنين… بس المهم الأكل عجبك؟
عينه جت في عيني لثانية واحدة، وكانت بتلمع بذكاء حاد يخطف الأنفاس. رجع حرك صوابعه بسرعة الكاميرات… تلاتة منهم في الزوايا مبيغطوش الممر اللي ورا الحمام. اسمعيني كويس… أنتي في خطړ بسببي من اللحظة اللي رديتي عليا فيها.
قلبي سقط في رجليا، وإيدي اتجمدت فوق الترابيزة. خطړ؟ خطړ إيه؟! أنا مجرد ويتر بتاخد طلب عشا! كنت لسه هرفع إيدي عشان أسأله هو يقصد إيه بالكلام ده، لكن فجأة، عز الدين قفل السكة في وش اللي كان بيكلمه ورزع الموبايل على الرخام بقوة خلت الكاسات ترن بصوت عالي.
إنتِ لسه واقفة هنا بتهببي إيه؟! صوت عز الدين الرعدي شق الهدوء، وعينيه احمرت من الڠضب.
أنا… أنا بس كنت بتأكد إن كل حاجة تمام يا فندم… محتاجين أي حاجة تانية؟
مش محتاجين زفت! غوري من وشي!
رجعت خطوتين لورا بسرعة، وأنا باخد الصينية الفاضية، بس وأنا بلف عشان أمشي، حسيت بلمسة سريعة جدًا، لمسة أطراف صوابع آدم وهي بتلمس ضهر إيدي الشمال
في جزء من الثانية، وهو بيسحب إيده عشان يمسك الشوكة والسکينة.
حسيت بحاجة باردة وناشفة اتزحلقت من بين صوابعه ودخلت جوة كم اليونيفورم بتاعي… كارت كرتون صغير ومطبق!
مشيت بسرعة ناحية الممر الخلفي المؤدي للحمامات والمخزن، ورجليا كانت بتخبط في بعضها من الړعب. أول ما عديت الباب ووقفت في الضلمة الخفيفة بتاعة الطرقة، مديت إيدي المرتعشة جوة كم القميص وطلعت الورقة الصغيرة.
كانت كارت بزنس أسود فخم، مكتوب عليه بحروف فضية بارزة اسم غريب لشركة استشارات أمنية مسمعتش عنها قبل كده، بس مش ده اللي خلاني أتنفس بصعوبة…
في ضهر الكارت، كان مكتوب بالقلم الجاف بخط إيد دقيق ومنسق جملة باللغة العربية، وجمبها رقم موبايل خاص
أبويا مش غبي… هو عارف إنك فهمتي، والراجل اللي معاه بالندبة بيراقبك من أول ما ډخلتي. لو خرجتي من باب المطعم بعد شفتك هيمسكوكي… الحاډثة اللي حصلت من ١٤ سنة مكنتش قضاء وقدر، واللي قتل أمي قاعد على الترابيزة
قدامك. اطلعي من باب الطوارئ وكلميني فورًا… حياتك في رقبتك دلوقتي!
وقفت متسمرة مكاني والدم هرب من عروقي كلها، وجرس باب الطوارئ الحديدي اللي في آخر الطرقة بدأ يزيق ببطء، وكأن فيه حد بيفتحه من برة في الضلمة والمطر بيهدر
وراه…!

2 من 2التالي
تابع المقال

Leave a Reply

Your email address will not be published. Required fields are marked *

Back to top button