
ماما بتقول إنك شاطرة وهتعجبيني). بصيت للرسالة ودمعتي نزلت غصب عني، بس مش عشان الزعل، دمعة ارتياح إن ربنا نجاني بدري. وقفت مكانى وكتبتله الرد اللي هيقفل الستارة نهائياً على المهزلة دي، وبعتهوله من غير أي تردد: (الشغل خلص يا بشمهندس، والامتحان طلع صِعْب أوي. .
بس للأسف سقطت فيه إنت وأمك، وادخل طمن ماما إن الشقة لسه زي ما سابتها، لأن الخدامة اللي كنتوا متفقين عليها استقرت من قبل ما تبدأ!).قفلت التليفون وعملت له بلوك فوري على كل حاجة، ورفعت رأسي وكملت طريقي لبيتي، وأنا عارفة إن بابا وماما هيستقبلوني بالحضن اللي هيعوضني عن أي حاجة، والأهم إني رجعت بكرامتي مرفوعة الرأس.
أخدت تكسي ونا راجعة على البيت، طول الطريق موبايلي كان بيرهط رسايل واتصال’ت ورا بعضها من خطيبي وأمه، بس كنت عملت “بلوك” لكل الأرقام اللي تخصهم. إحساس الراحة والحرية اللي كنت حاسه بيه كان مالي قلبي، ونساني أي صدمة عشتها عندهم.
ا
أول ما فتحت باب البيت، ماما بصتلي لقت ملامحي غريبة، رغم إن عيني كانت فيها لمعة تحدي وقوة، جريت عليا بخضة وقالت:ـ إيه يا بنتي؟! جيتي بدري كده ليه؟ وخليكِ ساكتة ليه كده؟ هو خطيبك ساب الشقة وجه ولا إيه اللي حصل؟!
بابا جه من الصالون على صوتها وقلق هو كمان، قعدت معاهم بهدوء وحكيتلهم كل كلمة حصلت حرفياً، من أول الجلبية القديمة لحد الاتفاق اللي بينها وبين ابنها عشان يختبروني، وكلامها الناشف وطريقتها في الاستغلال. ماما اتفاجأت واتخضت من الجبروت، وبابا عروقه بارزت من الغضب، وقال بصوت حاسم وخبط بايده على الترابيزة:ـ ولاد الـ.
..!! يختبروكِ؟! هو العريس ده مفكر نفسه واخد خدامة ولا شاري جارية من السوق؟! والله العظيم تلاتة ما يقعد دقيقة واحدة على ذمتك، وفاتورة الدبل اللي جابوها هترجع لهم مليم بمليمه، وقبلهم كرامتك اللي لا يمكن أسمح لأي مخلوق يمرغها في التراب!قولت لبابا وماما وأنا ماسكة ايديهم:ـ اطمنوا يا بابا.
. أنا من قبل ما أجي كنت بعتله رسالة قفلت بيها الموضوع ده نهائي، وعملتله بلوك.. أنا مش زعلانة والله العظيم يا ماما، بالعكس دي أحسن قرشين دفعتهم في عمري عشان أشوف حقيقتهم بدري قبل ما أتورط مع ناس مريضة بالاستغلال.
قعدنا سوا نرتب الخطوة الجاية، واتفقنا إن بابا هيتكلم مع كبير العيلة بتاعتهم أو يبلغهم بفسخ الخطوبة بشكل رسمي وقاطع من غير أي نقاش. بس اللي ما كنتش أعرفه، إن اللي حصل ده ما كانش مجرد “موقف عابر” أو نهاية وخلاص، دي كانت مجرد شرارة البداية لسلسلة أحداث ومفاجآت لم تكن في الحسبان!
تاني يوم الصبح بدري، الدنيا كانت هادية، وفجأة جرس البيت رن رنين مستمر ومتواصل بطريقة مزعجة كأن اللي على الباب بيكسره. بابا قام يفتح وهو متوقع مين اللي جاي بالجرأة دي. فتحت الباب، ولقيت في وشي خطيبى ووالدته!
حماتي كانت ماشية بكل غرور وكأنها هي اللي صاحبة الحق، وماسكة في ايدها شنطة صغيرة، وخليطي باين على شكله التوتر والخجل ممزوجين بغضب طفولي. دخلوا من غير حتى استئذان، وحماتي وقفت في نص الصالون ورفعت صوتها بقوة وقالت وهي بتعاملنا بندية:ـ أهي الكبيرة والقعدة الكبيرة أهي!
جاية برجلي عشان ألم الليلة اللي بنتك عملتها، وعشان أعرفكم إيه قلة الأدب اللي هي فيها دي!بابا وقف وراها بكل هيبة ووقار، وبص لها نظرة خليتها تبلع ريقها، وقال بصوت نبرته تحرق الحجر:ـ أهلاً وسهلاً..
بس قبل ما تنطقي بحرف واحد في بيتي، اعرفي إنك واقفة في بيت ناس محترمة، و”بنتي” اللي بتتكلمي عليها دي تاج راسك وراس ابنك اللي طلع عيل مش راجل وما ربتهوش!خطيبي حس بالإحالة واتكلم لأول مرة بصوت واطي ومكسور:ـ يا عمي اسمعنا بس.
ا
. الموضوع مش زي ما هي حكته، ماما كانت بتهزر معاها وعايزة تشوف…قاطعته وأنا طالعة من الأوضة بكل ثبات، وبصيت في عينه مباشرة وقولت:ـ بتهزر؟! هي قلة الأصل والاستغلال بقوا هزار؟! ولا لما اتفقتوا مع بعض وسبتوني في وسط ريحة الزبالة عشان أنضف ورا بنات الهانم بقى “اختبار ذكاء”؟
!حماتي بصتلي بغل وقالت بوقاحة:ـ شوفتوا لسانها الطويل؟! دي ما صدقت لقت فرصة عشان تتطاول عليا! إنتوا مابتربوش ولا إيه؟! مفكرين ابن الناس الغني والمهندس هيستحمل الأسلوب ده؟! دا إحنا كنا بنختبرها عشان نكرمها ونخليها ملكة في بيتها، بس هي طلعت جاهلة وما تفهمش في الأصول!
بابا زعق بصوت عالي هز الشقة:ـ اطلعي برررررة! بيتي مش مخصص للأشكال دي! والخطوبة دي مفسوخة، والشاب ده ملوش قعد بينا ولا ليه أي حاجة عندنا، والدبل والشبكة هتروح لكم لحد عندكم، ودلوقتي حالا تتفضلوا تمشوا قبل ما أعمل حاجة تانية!
خطيبى وقف مذهول من قرار بابا، لأنه كان متوقع إننا هنجري وراه ونعتذر عشان “المنظر العام” والخطوبة ما تبصش، بس ما كانش عارف إن بنات الأصول تمنهم غالي أوي، وكرامتهم مش للبيع. حماتي شافت إن الطاولة اتقلبطت عليهم، فوقفت تبص لنا بوعيد وقالت بصوت مليان شر:ـ تمام. . تمام أوي!
مبروك عليكم فسخ الخطوبة، بس وربنا لخلي بنتكم دي تندم أشد ندَم، وهعرف السوق كله إنكم ناس ما بتصونوش العيش والملح، وهتشوفوا هعمل فيكم إيه!وقبل ما تخلص جملتها، دخل علينا شخص مفاجأة من برا، الباب كان مطرود بس مردود، وسمع كل الكلام ده، ودخل بخطوات واسعة وملامح وجهه بتقول إن اللي جاي هيكون لحماتي ولابنها!




