
لكل التفت ناحية الباب المفتوح، وظهرت صدمة كبيرة على وشوش الكل.. كان خالي، اللي بيشتغل محامي كبير ومعروف، وكمان ليه هيبة وحضور يخلوا أي حد يعمل له ألف حساب. خالي دخل بخطوات ثابتة وثقيلة، وعيونه بتلمع بشرارة غضب محكومة.
قفل الباب وراه بهدوء مرعب، ووقف جنب بابا وبص لحماتي وابنها نظرة فوق السحاب، كأنه بيبص لحشرات صغيرة!حماتي حاولت تستجمع قوتها وتداري توترها، وقالت بصوت متمجح:ـ أه.. وأنت بقى تبقي مين يا سيدي، جاي تكمل المسرحية ولا إيه؟
ما هو الشجرة الطالعة من نفس الجذور! خالي ما ردش عليها في لحظتها، بل ابتسم ابتسامة باردة جداً، وطلع تليفونه من جيبه وفتحه، ووجه الشاشة ناحيتها وقال بصوت هادئ لكنه حاد كالسيف:ـ أنا بقى يا ست الكل خال العروسة، والمحامي اللي هيخليكي تعرفي إنتي واقفة قدام مين، وبتكلمي مين!
وبالمناسبة.. التسجيل ده وصلني من بنت أختي أول ما خرجت من عندكم إمبارح، وفيه كل حرف بحذافيره.. اتفاقك مع ابنك، وكلامك اللي بيحمل إهانة واستغلال، وطريقتكم اللي تدل على سوء نية مبيتة. حماتي خطفها اللون، وعينها وسعت من الصدمة وهي مش مصدقة إن فيه دليل مسجل على كل كلامها!
وخطيبي اتجنن، ووشه اصفر وابتلع ريقه بصعوبة وقال بصوت مرتعش:ـ تسجي.. تسجيل إيه يا خالى؟ إحنا كنا بنمزح والله، دي مجرد…قاطعه خالي بصوت صارخ ومرعب خلى الشقة كلها تتهز:ـ اخرررررس خالص ولا كلمة! المزاح ده تبقوا تعملوه مع أشكالكم، مش مع بنات الناس المحترمة اللي جايين من بيوت أصول!
واسمعني بقى يا بشمهندس.. لو فكرت إنت ولا أمك تفتحوا بقكم بكلمة واحدة غلط بحق بنت أختي، أو لو الهانم دي نفذت تهـ,ـديدها وطلعت بره تقول حرف كذب، أقسم بالله ما هكتفي بفسخ الخطوبة، دا أنا هرفع قضية تعويض تشهر بيكم كلكم في التجمع والبلد كلها، وهخليكم تاكلوا الطين من كتر القضايا!
حماتي حاولت تتمالك نفسها وتتكلم بغرور مصطنع، بس صوتها كان بيترعش وهي بتقول:ـ إنت بتهددنا؟! دا إحنا نقدر…ـ تقدري إيه؟! خالي قاطعها بحزم وقوة ـ تقدري تخبطي راسك في أقرب حيطة! الشبكة والدبل هتجيلكم لحد البيت النهارده قبل ما الغروب يخلص، والكلمتين اللي قلتيهم دول شاهد عليهم أنا وبابها ومامتها.
. يالا من غير زعيق، براااااا بيتنا فوراً!خطيبي حس إن الدنيا اتقفلت في وشه، وبص لأمه بندم شديد لأنها ضيعت منه بنت كويسة وبأصلها ودماغها العاقلة بسبب جبروتها وغرورها. أمها شدت ايده بغضب وقالت له وهي بتجز على أسنها:ـ امشى يا فالح..
سيبك من الأشكال دي، بكره يندموا وييجوا لحد عندنا!بابا بص لهم بنظرة احتقار وقال:ـ ييجوا فين يا ولية إنتي؟ دا إحنا بنحمد ربنا إننا اكتشفناكم بدري.. بره، مع السلامة بلا رجعة!خرجوا من الشقة مطأطئي الرأس، ووراهم نظراتنا الثابتة والقوية.
الصمت ساد الصالون ثواني بعد ما مشوا، وبعدها ماما جريت حضنتني وقالت بعيون دامعة من الفرحة:ـ الحمد لله يا بنتي.. الحمد لله إن ربنا نجّاكِ من البيت ده، والله كأني اتولدت من جديد وأنا شايفة كرامتك مرفوعة قدامهم!خالي طبطبي على كتفي وقال بابتسامة دافئة:ـ راجل يا بطلة.
. عرفتي تاخذي حقك وتدافعي عن نفسك صح، وأصل الأصول بيبان في المواقف الصعبة دي. قعدنا كلنا نضحك ونحمد ربنا، وحسيت فعلاً إن القصة دي رغم مرارتها في الأول، إلا أنها كانت أقوى درس وأحسن بداية لصفحة جديدة في حياتي، صفحة مبنية على الكرامة والاحترام، وبس!
مرت الأيام والأسابيع، والجرح البسيط اللي سابه الموقف ده اتقفل تماماً وبقى مجرد ذكرى عابرة ضحكنا عليها كتير بعد ما استوعبنا حجم النجاة اللي ربنا كتبهالي. رجعت لحياتي الطبيعية، لشغلي، ولمذاكرتي، ووسط دعم بابا وماما وخالي اللي دايماً كانوا بيعوضوني بكل حب واهتمام.




