لما لقاها قالت بخوف:
— انت مين وعايز ايه؟ خليك بعيد عني أحسن أعمل لك مشكلة.
راضي اتسعت عينيه بذهول وقال بسرعة:
— اهدي يا مدام، أرجوكي، أنا من طرف والدتك.
البنت قالت بغضب:
— ما تقولش والدتي، وما تقولش مدام أصلاً.
راضي بصلها بحيرة وقال في نفسه: “دي شكلها لسه متأثرة بالصدمة ولا إيه؟” وبصلها وقال:
— طيب حاضر، مش هقول كده. ممكن تهدي بقى وتنزلي من إيدك اللي ماسكاه؟
البنت قالت بزعيق:
— خليك عندك واخلص، قول انت مين وعايزين مني إيه؟
راضي اتنهد وقال بضيق:
— المفروض انتوا اللي عايزين… أنا مش فاهم مالك، على أساس انتي فاهمة كل الموضوع وموافقة.
نزلت الشيء اللي كان في إيدها وقالت باستغراب:
— انت بتقول ايه؟ موافقة على ايه؟
راضي حرك إيديه مع بعض شمال ويمين كأنه شايل طفل وقال:
— البيبي… الوريث.
بصتلو باستغراب أكبر من كلامه وقالت:
— بيبي ايه وهباب ايه؟ انت أهطل ولا ايه؟
بص لها بصدمة من كلامه وقالت:
— انت بتقول ايه؟ إياك تقرب لي، إياك! هصوت وهعمل مشكلة كبيرة.
راضي قال بضيق:
— لا، ما هو اختاري يا تصوتي يا تعملي مشكلة، لأن زي ما قلت لك مفيش وقت… شوفي، أنا مقدر إن انتي زعلانة على زوجك الراحل، وفعلاً اللي عايزين يعملوه ده غلط، بس انت ما كانش لازم توافقيهم من الأول وترجعي تندمي بعدين.
قالت بزعيق وجنون:
— أندم ايه وجوز مين؟ أنا ما أعرفش الناس اللي بره دول، أنا مأخوذة هنا دون إرادتي.
راضي اتسعت عينيه بصدمة وفضل واقف يبص لها بدهشة شديدة.
تحت جنب البيت كانت ثريا واقفة:
— احنا هنفضل في البرد ده لامتى؟
ثريا قالت بضيق شديد:
— مش هينفع نمشي، أحسن يعملوا حاجة كده ولا كده.
نجيب اتنهد وقال:
— احنا هنستفيد ايه باللي عملناه ده؟ أكيد البنت هتحكي له كل حاجة ومش هيقرب لها.
ثريا ابتسمت بخبث وقالت:
— هي هتحكيله كل حاجة، بس مش هيقدر ما يقربش منها.
عند راضي كان قاعد وحاطط إيده على دماغه ومش مصدق اللي بيحصل.
والبنت كانت بتحكيله وبتقول ببكا:
— أنا كنت طالعة من الجامعة، الناس دول أخذوني بعيد عن أهلي وجابوني هنا، أنا ما أعرفش حد منهم.
راضي اتنهد وقال باستغراب:
— أمال ايه الفيلم الطويل العريض اللي حكوه لي ده؟ أنا مش فاهم حاجة.
البنت قالت بدموع ورجاء:
— أنا عايزة أرجع لأهلي، لو سمحت ساعدني.
راضي ابتسم وقال:
— أكيد هساعدك يا… هو انت اسمك ايه؟
قالت بدموع:
— سهر… اسمي سهر.
راضي وقف وقرب منها وقال:
— اسمك حلو قوي يا سهر.
وبلع ريقه بارتباك وهو يبص لعيونها بقوة شديدة.
سهر ارتبكت قوي ورجعت خطوة لورا.
سهر قالت بارتباك:
— احم… أنا مش فاهمة حضرتك عايز ايه.
سحبت تحفة فنية ثقيلة مصنوعة من الأحجار الصغيرة كانت على الكومود ودفعتها نحوه بقوة.
راضي اتجمد وبقى يبص لعيونها بذهول وقال بألم شديد:
— ااااه، انتي عملت ايه؟ اااه…
ولسه هيقف وقع على الأرض.
سهر حطت إيدها على بقها بذهول من اللي حصل، وتقربت عليه بخوف تشوف حاله، كانت مرعوبة جداً وفاكرة إنه اتأثر بشكل كبير. طلعت من الشقة ونزلت جري.
بس رجعت من عند السلم بذهول لما سمعت صوت نجيب وثريا، وشافتهم لسه واقفين.
خافت يشوفوها، حطت إيدها على بقها وطلعت جري لفوق تاني.
دخلت الشقة ورجعت عند راضي وقعدت على الأرض وهي بتبص له وبقت تبكي مش عارفة تتصرف ازاي.
بعد شوية راضي فاق وهو حاطط إيده على دماغه بصداع شديد وقال بألم:
— ااااه، ايه اللي حصل؟
بس اتصدم لما افتكر اللي كان بيعمله، وافتكر إنها دفعته على دماغه، قال بذهول:
— ايه اللي أنا هببته ده؟ البنت فين؟
شاف الباب بتاع الأوضة مفتوح، لسه هيجري يشوفها، بس لمحها بطرف عينه عند الحيط. رجع التفت لها بسرعة، كانت نايمة على الأرض وحاضنة رجليها عليها.
راضي اتنهد بارتياح وقرب منها وقال:
— سهر… سهر، سمعاني؟
سهر فتحت عينيها بتوهان ورجعت نامت تاني بتعب.
بس جه في باله وقت ما كان بيتفق مع ثريا وجابتلو عصير وقالت له:
— اشرب العصير الأول، هيساعدك.
غمض عينيه بغضب شديد وبقى يبص لها بحزن، كانت لسه بترتعش من الخوف.
سهر مسكت فيه وهي مش حاسة بأي حاجة، لحد ما راحوا في النوم هم الاثنين.
في صباح يوم جديد قامت من النوم، اتسعت عينيها بصدمة ورجعت لورا بخوف.
راضي فتح عينيه أول ما بعدت بالطريقة دي وقال:
— صباح الخير.
سهر بصت له كأنها شايفة شبح قدامها، وضحكت ضحكات خفيفة بذهول وسعادة وقالت:
— انت… انت عايش؟ عايش؟ أنا ما سببته لك لم يكن خطيرًا؟
راضي ضحك وبصلها وقال:
— على العموم يا ستي، أنا امبارح كنت استاهل.
سهر بصت لنفسها وللسرير ولكل حاجة حواليها:
— أنا امبارح ما كنتش في وعي، وأسفة جداً… قومي معايا، يلا هرجعك عند أهلك.
سهر بصتلو بسعادة ووقفت وقالت:
— بجد؟ بجد هتوديني؟
راضي ثبت عيونه عليها.
سهر استغربت نظراته وقالت:
— ها؟ ايه بسألك، هتوديني ولا لا؟
وبتبص مكان ما بيبص… شهقت بشدة وبقت تبص قدامها وعيونها مفتوحين على آخرهم.
راضي ضحك على منظرها، وكان لابس تيشرت نص كم.
سهر بقت ترجع لورا بخوف وهي بتقول:
— بقول لك ايه، اوعى تعمل زي امبارح، المرة دي هعمل مشكلة كبيرة… خليك مكانك بس.
اتخبطت في الدولاب.
راضي ضحك بخفة ولبسها الجاكيت بتاعه… وطلع شعرها من الجاكيت ونزله على ظهرها، وقرب منها وقال بهمس عند ودنها.
سهر نزلت عيونها بكسوف من كلامه… وهو ابتسم ومد إيده وقال:
— يلا تعالي معايا… هرجعك لأهلك.
سهر بصت لإيده وما ترددتش كتير في إنها تمسكها، ما كانتش عارفة جايبة الثقة دي من فين، لكن كانت مرتاحة جداً واثقة فيه.
ولسه هيمشو، قالت بسرعة:
— آه صحيح، أنا امبارح كنت هخرج بس ثريا والراجل اللي معاها كانوا تحت.
راضي اتنهد وقال:
— تفتكري زمانهم لسه موجودين؟
سهر قالت:
— مش عارفة والله، معتقدش يقعدوا لحد دلوقتي… يلا نشوف.
ونزلوا سوا بحذر، وكانوا ثريا ونجيب مش موجودين في المدخل. وقفوا عند المدخل وبصوا لقوهم قاعدين في العربية نايمين هم الاثنين.
راضي ابتسم وشاور لها، وطلعوا جري سوا.
بعد شوية كانوا قاعدين على البحر، وراضي قال بضيق:
— يا بنت الحلال ارحمي اللي خلفوني، يعني أخوكي الظابط ده نلاقيه فين؟
سهر قالت بغضب منه:
— يعني أعمل لك ايه؟ ما أنا بقول لك مش عارفة، هو في مأمورية بقى له أيام، ويمكن يطول ويمكن يجي، معرفش غير رقمو لأني حفظاه… انت رجعني على البيت وامشي.
راضي قال بغضب من غبائها:
— طب ما طالما أخوكي مش معاكي، حتى لو رجعتك على البيت هيرجعوا ياخدوك تاني… ده ايه الغباء ده؟
سهر قالت بدموع:
