— وأنا أعمل ايه يعني؟ مش قدامك اهو بتصل بيه ومش بيرد… أصلاً دي عادته لما يكون في مأمورية مش بيفتح التليفون.
راضي اتنهد وقال بضيق:
— وانت ما عندكيش أي حد قاعد أوديكي عنده؟
سهر قالت بحزن:
— احنا ملناش غير بعض.
راضي نفخ بغيظ وقال:
— ليكي ربنا يا أختي… قومي معايا.
سهر قالت باستغراب:
— على فين؟ هنروح البيت؟
راضي اتنهد وقال:
— تعالي معايا وانتي ساكته.
بعد شوية كانوا في منطقة شعبية بسيطة، ونزل بيها من التاكسي وبقى يمشي بيها.
وكانوا شباب المنطقة بيبصولها وفيه اللي بيصفر بمعاكسة.
سهر مسكت في إيد راضي بقوة.
راضي أول ما لاقاها خايفة بص لهم بحدة وقال:
— ايه يلا انت وهو، قرطاس لب ماشي معاها… أجيب لكم تقزقزوا؟
نزلوا عيونهم في الأرض وفضلوا ساكتين.
وراضي أخدها ودخلوا لوكاندة صغيرة. أول ما دخلوا، البنت اللي واقفة في الاستقبال قالت بضيق:
— ما بدري يا راضي بيه؟ على أساس إني شغالة هنا 12 ساعة سايبني واقفة ليل ونهار وقاعد تتسرمح، ما حدش حتى عارف طريقك… وبصت لسهر بضيق شديد وقالت: ومين دي كمان؟ هو انت ما تجيش فاضي أبداً.
راضي قال:
— هاتي مفتاح الأوضة بتاعتي علشان اللي معايا وقع، وأجلي الرغي ده يا نوجا علشان أنا تعبان جداً.
نوجا بصت له بدهشة وقالت:
— أيوه يعني مين اللي معاك دي؟
راضي ابتسم باستفزاز وقال:
— دي مراتي، سلمي على طنط نوجا يا سهر.
نوجا شهقت بشدة وقالت:
— نعم؟ طنط؟
سهر استغربت إنه قال متجوزين وقالت:
— أهلاً يا طنط نوجا.
نوجا بصتلو بذهول وقالت:
— ماشي يا راضي، خد مفتاحك اهو، وابقى شوف لك حد يقعد لك في المخروبة دي بقى.
راضي أخذ المفتاح ومشي هو وسهر على الأوضة فوق.
سهر قالت باستغراب:
— انت مش هتنادي لها؟
راضي ضحك وقال:
— هي كدا كل مرة تقولي شوف لك حد يقعد فيها وبترجع تاني، سيبيها.
وأول ما دخلوا الأوضة بصت له باستغراب وقالت:
— انت ليه قلتلهم إني مراتك؟
راضي اتنهد وقال:
— عشان ما حدش يسأل سين وجيم، من فين وليه.
سهر قالت بضيق:
— أيوه بس مش هينفع نقعد في أوضة واحدة.
راضي قرب منها وقال وهو بيبصلها جامد:
— ليه؟ لسه خايفة مني؟
سهر بلعت ريقها بارتباك وقالت:
— لا لا طبعاً مش خايفة منك… خايفة المرة الجاية أدفعك بحاجة تخلص عليها.
راضي ضحك جامد لما فهم إنها بتهدده، بص لعيونها وقال:
— تعرفي إن عيونك لافتة جداً، وخدودك حلوة.
بس سهر قالت بارتباك:
— انت بس شكلك جعان.
سهر بصتلو بغضب شديد وقالت:
— سيبني لو سمحت، انت جايبني هنا علشان كده؟ واطي صحيح، ابعد سيبني، أنا همشي.
راضي حاول يوقفها وجري وراها وقال:
— انت عجباني قوي، طالعة من عيني كمان، بس ما تقلقيش أنا مش جايبك هنا علشان كده.
وسابها وبقى يختار حاجة يلبسها وهو بيقول:
— ده مجرد فك كبت يعني.
سهر قعدت على السرير بغضب شديد وقالت:
— طب خليك كابت في نفسك، وإياك تقرب لي كده تاني.
راضي بصلها بطرف عينه وقال:
— هي ما عجبتكيش ولا ايه؟
سهر قالت بغضب:
— لا طبعاً ما عجبتنيش، و…
وهى بتقول كده قرب منها وقال:
— أغيرهالك في حاجة أحلى.
سهر بعدت بسرعة وقالت:
— راضي، همشي.
راضي اتنهد وقال:
— يا سلام على راضي من شفايفك، راضي أخيراً بقى راضي عن اسمه.
وأخذ هدوم ودخل على الحمام، هي بصت لطيفه بكسوف وقالت:
— ايه المجنون ده؟
بعد شوية خرج من الحمام وهو بيصفر بهدوء.
