سهر بصتله بضيق وقالت:
— استحميت وروقت، أنا كمان عايزة أستحمى، ومتقوليش ما تدخلي.
راضي ابتسم وهو بيسرح شعره وقال:
— عرفت منين إني هقول كده؟
سهر قالت بضيق:
— راضي بجد، هاستحمى ازاي؟ أنا ما عنديش حاجة ألبسها.
راضي قعد واتنهد وقال:
— خلاص، انت ادخلي وأنا هاروح أجيب لك حاجة تلبسيها وأجي.
سهر قالت باستغراب:
— أيوه؟ هتجيب مين فين يعني؟
راضي قال:
— هجيب لك من نوجا.
سهر ضحكت وقالت:
— تفتكر هترضى تديني حاجة ألبسها؟ حاسة إنها مش طايقاني خالص.
راضي ضحك وقال:
— حاسة لسه مجرد إحساس… عندك أمل والله.
سهر اتنهدت بضيق من سخريته… وهو قال:
— مش هتبقى طايقاكي أكيد… طنط نوجا حاطة عينها عليا، هي فاكرة إنك مراتي يعني بتغير منك.
سهر ضحكت وقالت:
— آه واضح إن عينها منك… مع إن أنا شايفة إنها غلطانة… يعني مش انت البني آدم اللي يتخاف عليه قوي كده.
لسه هتمشي، شدها وقال بسرعة:
— الله الله الله، احنا هنخبط ولا ايه؟ ل…كون مش عاجبك يا بت؟
سهر قالت بدلال:
— لا مش عاجبني، أنا مش نوجا علشان تعجبني.
راضي بقى يبص لها بإعجاب شديد وقال:
— طب ايه اللي يعجبك… أنا بالنسبالي معجب قوي، عجباني وتعباني… تعباني خاااااالص.
سهر نزلت عينيها بكسوف ودفعته وجريت على الحمام وقالت:
— هات لي حاجة ألبسها، اتصرف.
راضي حط إيديه في وسطه ومش مصدق إنها هربت من بين إيديه، اتنهد وقال:
— اتصرف… أنا اللي جبته لنفسي أصلاً… اتحدفتي عليا منين بس؟ الصبر من عندك يا رب.
بعد دقائق دخل ومعاه بيجامة بيتي ليها، خبط على باب الحمام وسهر فتحت وطلعت إيدها علشان تاخد منه اللبس.
قال وهو بيبص لعينيها بخوف:
— ثريا ونجيب بره.
سهر اتسعت عينيها بصدمة…
سهر ارتجفت بخوف وقالت بهمس:
— هترجعني ليهم؟ هتسيبهم ياخدوني؟
راضي بص لعيونها وقال بثقة:
— متقلقيش، مش هسيبك لأي حد، أنا معاكي، خليكي هادية عشان ما يحسوش إننا هنا.
سهر هزت راسها بالموافقة وهيه ماسكة فيه بقوة. وجات ثريا وجوزها وفتحوا باب الأوضة بغضب، وكانت نجوى وراهم وبتقول:
— انتم مجانين؟ بقول لكم ما جاش هنا النهارده، والأوضة دي أصلاً أنا ماجراها لحد ثاني، عيب كده، ما تعملوش مشاكل بدل ما أتصل بالبوليس.
ثريا بصت لها بغيظ وقالت:
— ماشي، أنا هسمع كلامك يا نجوى، انتي مش بتكدبي علينا، بس لو اتضح إنك متسترة عليه هنا مش هيحصل طيب.
ومشيوا، ونوجا نزلت وراهم.
راضي اتنهد بارتياح وبصلها، ولسه هيكلمها لاقاها بترتجف بشدة وماسكة فيه جامد وحاطة إيدها على بقها وبتبكي.
راضي بص لعيونها وقال بحزن:
— اهدي يا سهر، أنا معاكي، مشيو خلاص، اهدي، أنا جنبك.
سهر ما حستش بنفسها وبقت تبكي جامد، وهو بقى يهديها.
سهر قالت بكسوف:
— أنا أسفة، أنا ما كانش قصدي أعمل كده.
قالت بغضب:
— أنا غلطانة إني امنت لك… واحد واطي وحقير.
وطلعت من الحمام جري وهيه بتبكي.
راضي كان بيتألم من دفعتها وجذب شعره لورا بضيق شديد من نفسه وقال:
— وبعدين فيك ما تمسك نفسك؟ يلا فيه ايه؟
وأخذ البيجامة بتاعت نوجا وطلع وراها وقال بحرج:
— احم، جبت لك دي تلبسيها.
وهو ابتسم وقال:
— متحبيهاش بقى يا سوسو… ما كانش قصدي والله… والله دخلت علشان أحذرك منهم، بس لما لقيتك كده ما قدرتش أمسك نفسي… حطي نفسك مكاني.
سهر بصتلو باستغراب من كلامه وقالت:
— وأحط نفسي مكانك ازاي؟ أنا عمري ما كنت راجل.
راضي ضحك جامد على كلامها وقال:
— الحمد لله إنك مش راجل… تبقى راجل ازاي بس؟ أصلاً الأنوثة اتخلقت علشانك.
سهر نزلت عينها بكسوف وقالت:
— راضي بجد، مش هينفع، لو سمحت حاول يبقى في حدود بينا أكتر من كده… كده غلط وحرام و…
بس قاطعها لما قال:
— عارف والله.
سهر اتنهدت بغيظ وقالت:
— كده عارف؟ لما انت عارف ليه كل شوية تشدني زي المغناطيس؟
راضي بص لعيونها وقال:
— معجب، معجب قوي.
سهر بصت له بدهشة وقالت بارتباك:
— أيوه بس احنا ما قعدناش مع بعض يومين.
راضي ابتسم وبص لعيونها وقال:
— بس أنا معجب بالعيون دي من أول دقيقتين.
سهر حاولت تبتسم وقالت برقة:
— انت غريب قوي يا راضي وكلامك غريب… وكملت بحدة وقالت: ويعني حتى لو كنت معجب، ما ينفعش، ابعد يلا…
وأخذت الهدوم وراحت على الحمام، وهو فضل واقف باصص على طيفها بذهول من قلبتها المفاجئة دي وقال بصوت عالي:
— على فكرة انتي ملبوسة يا بت… بجد عليكي واحدة متابعة رضوى الشربيني، بس أنا هعرف أطلعها… أنا مش سهل.
سهر ضحكت على كلامه من جوه ومردتش عليه، وابتسمت بخجل شديد وهيه بتفتكر كلامه ليها ونظرات عيونه.
راضي كمان كان قاعد على السرير بيفتكر وقت ما كانت متخبية فيه بشدة، ووقت ما دفعته، ابتسم وحط إيده على قلبه وقال:
— عجيب قوي أمرك… معقولة شخص ما يكملش معاك يومين يبقى أقرب لك من اللي عشت معاهم عمر؟ ولا بتفهم ودايماً بتدق في الوقت الغلط وللشخص الغلط.
بس قطع شروطه خبط على الباب، قام وفتح، وكانت نوجا قالت بغضب شديد:
— طلعت خاطف البنت كمان؟ أهلها جايين قالبين الدنيا وقالوا لي هياخدوني في الرجلين كمان عشان تنبسط حضرتك.
راضي اتنهد وقال:
— دول مش أهلها، دول هم كمان أخذوني أنا اللي عايز أرجعها لأهلها.
نوجا اتنهدت وقالت:
— وانت مالك ومال ده كله بس؟ ليه تجيب لنفسك المشاكل و…
ولسه هتكمل، شافت باب الحمام بيتفتح بسرعة، قالت:
— وحشتني قوي، سيبك من كل ده.
وقربت منه.
راضي اتفاجأ وحاول يعمل أي حاجة، بس خرجت سهر وهي بتضحك وقالت:
— واسعة عليا و…
بس اتسعت عينيها بشدة من اللي شافته.
راضي أول ما سمع صوتها دفع نوجا بسرعة وارتباك وقال:
— دي نوجا كانت بتحكي لي عن ثريا ونجيب و…
قاطعته سهر وقالت بسرعة:
— مش عايزة أعرف حاجة، أنا ضيفة عندكم، تقدروا تعملوا اللي انتم عايزينه، بس يا ريت ما يبقاش في الأوضة اللي قاعدين فيها، يعني…
وبصت بعيد عنهم وحست بألم شديد في قلبها ودموعها مش عارفة تحبسها في عيونها.
راضي غمض عينيه بغضب شديد لأنه اتأكد إن نوجا شافتها وعملت كده قاصدة… قال بغضب:
— انزلي يا نجوى.
