بعد ما اطلقت

بعد ما اتطلقت، قررت أبدأ من أول وجبت شقة جديدة. وما قولتش لحد عليها تقريبًا، غير كام شخص من أقرب الناس ليا. حكايات منال علي
ما عداش غير 11 يوم على استلامها، وكنت عند أختي هبة في إسكندرية بقضي معاها الويك إند، وأنا من القاهرة. فجأة موبايلي رن بإشعار من كاميرات المراقبة اللي مركباها في الشقة
في حركة قدام باب الشقة.
قلت أكيد مندوب جايب حاجة طلبتها…
فتحت الكاميرا…
وتوقفت أنا في مكاني.
عربية نقل عفش واقفة تحت العمارة.
ونازل منها…
حسام.
طليقي.
وبعده نزلت مراته الجديدة نهى، اللي اتجوزها بعد طلاقنا بخمس شهور.
والاتنين بدأوا ينزلوا العفش من العربية… ويدخلوه شقتي!
أنا ما فكرتش ثانية أكلمه…
مسكت الموبايل واتصلت بالنجدة على طول. متوفره على

روايات واقتباسات
هبة كانت قاعدة جنبي، ولما شافت الكاميرا قالت وهي فاتحة بقها من الصدمة
استني… هما بينقلوا في شقتك إنتِ؟!
قلت وأنا مش مستوعبة اللي بشوفه
آه… والله شقتي.
كنت لسه شرياها من 11 يوم.
بعد جواز دام 27 سنة، دي أول حاجة في حياتي أشتريها باختياري أنا… وباسمي أنا وبس.
لسه حتى الكراتين عندي ما اتفتحتش كلها. حكايات منال علي
حسام عمره ما دخل الشقة دي، ولا يعرف عنوانها أصلًا.
أنا كنت متعمدة أخفيها عنه.
لكن اللي صدمني بجد…
إنه راح ناحية باب المطبخ.
افتكرت هيقف يخبط…
ولا هيطلع مفتاح.
لكن لأ.
مد إيده على لوحة الأرقام اللي على الباب…
وداس أربع أرقام.
تيت…
تيت…
تيت…
تيت…
وفجأة…
النور الأخضر نور.
والباب اتفتح.
هبة

بصتلي وقالت
إوعي تقولي إنك اديتيه الباسورد؟!
بصيتلها وقلت
أقسم بالله… ما يعرفه.
نهى دخلت وهي شايلة أباجورة…
وحسام دخل وراها شايل شاشة التلفزيون.
ولا كأنهم يدخلوا شقة حد.
ولا كأنهم عاملين مشكلة.
طول سنين جوازنا، حسام كان بيعرف يلف ويدور في الكلام لحد ما يخليني أنا اللي أحس إني غلطانة.
إيدي راحت لوحدها على رقمه…
لكن وقفت.
لا.
المرة دي مش هكلمه.
ومش هستأذنه يحترم حقي.
طلعت عقد الشقة من على الموبايل، واتأكدت إن الشقة باسمي لوحدي، وبلغت الضابط بكل اللي بيحصل.
سألني
هو كان ساكن في الشقة دي قبل كده؟
قلت
ولا يوم.
قال
طب دخل إزاي؟
بصيت على الكاميرا…
لقيته راجع لعربية النقل، بياخد كراتين تانية، وداخل بكل هدوء.
قلت وأنا مضطربة
هو عارف الرقم السري.

.. بس أنا والله ما قولتله عليه.
في الوقت ده، هبة كانت بتحاول

تفتكر مين اللي يعرف إني اشتريت الشقة.
عددهم كان قليل جدًا…
قليل لدرجة تخوف.
وفجأة بصتلي وقالت
إنتِ قولتي لحسام عنوان الشقة؟
قلت بسرعة
لأ… مستحيل.
قالت وهي باصة في عيني
يبقى في حد هو اللي قاله.
رجعت بصيت على الكاميرا.
هما ما كانوش جايين يتكلموا…
ولا حتى يطلبوا إذن.
هما جايين بعفش بيت كامل…
وواثقين إن الباب هيتفتح أول ما يوصلوا.
وفي اللحظة اللي الضابط بلغني فيها إن القوة في الطريق…
فضل سؤال واحد بياكل في دماغي
مين اللي عرف طليقي عنوان الشقة؟
ومين اللي إداله الرقم السري؟
وساعتها ماكنتش أعرف إن اللي حصل ده ماكانش صدفة…
ولا قرار اتاخد في يوم وليلة.
كان معمول له ترتيب من بدري…
والشخص

اللي ساعدهم…
كان أقرب ليا من أي حد كنت ممكن أشك فيه.
الجزء الثاني الحقيقة المرة وانكشاف المستورحكايات منال علي
العشر دقايق اللي قبل ما البوليس يوصل كانوا أطول من سنين عمري كلها.
هبة كانت رايحة جاية في الصالة بتاعة شقتها في إسكندرية، وشها أصفر وعينيها تايهة، كأنها هي اللي متضررة مش أنا.
قالت بصوت مبلوع ومتوترة
يا بنتي اهدي… البوليس زمانه على وصول، بس أنا مخي واقف مش قادرة ألقط. هو مين أصلاً كان عارف بموضوع الشقة دي غيري أنا؟
رديت عليها وأنا عيني مثبتاها على شاشة التمليك في الموبايل، والكاميرات بتنقل لي حسام ونهى وهما طالعين نازلين بالعفش كأنهم في ملكهم
ابني… هشام.
هبة وقفت مكانها

فجأة، وبصتلي بصدمة
هشام؟! مستحيل! ده ابنك يا أمينة! ده حته منك، ده أكتر واحد كان زعلان عليكي يوم ما اتطلقتِ، وكان بيقول لي يا خالتو أنا نفسي أمي ترتاح وتبعد عن وجع دماغ أبويا.
نفضت راسي بعنف وأنا حاسة بنار بتغلي في صدري
ما أنا عارفة! ما أنا عشان كده مستبعداه… بس استني يا هبة، مين تاني عرف؟ انتِ، وهشام، وخالتو سعاد اللي استلفت منها جزء من فلوس الشقة وقالت لي سرك في بير، وصاحبتي مرفت اللي نزلت معايا ألف ليلة وليلة لحد ما لقيناها.
بس مرفت متعرفش الباسورد بتاع الباب!
هبة قالتها وهي بتعصر إيديها ببعض.
ولا خالتو سعاد تعرف، دي آخرها بتعرف تتعامل مع السيراميك والدهانات بالعافية، هتعرف تفك لوحة

الكترونية وتكتب باسورد؟!
أمري لله…

يبقى هشام.
الجملة نزلت عليا زي الصاعقة.
قلبي وجعني وجع عمري ما حسيت بيه، حسيت إن روحي بتتسحب مني. ابني؟ حتة من قلبى اللي ربيته وسهرت على ليالي تعبه، يبيعني عشان أبوه ومراته الجديدة؟ عشان إيه؟ عشان يريح أبوه في الشقة اللي أنا حارمة نفسي من لقمة العيش عشان أجيبها وأتأمن فيها بعد ما رموني بعد سبعة وعشرين سنة عُمر؟
في اللحظة دي، الموبايل بتاع الشقة جاب صوت تصفير تاني.
بصيت لقيت بوليس الندة وصلوا تحت العمارة. حكايات منال علي
عربيتين شرطة نزلوا منهم ظابط وأمين شرطة، وطلعوا على فوق على طول. الكاميرات جابتهم وهما طالعين على السلم، وخبطوا على باب الشقة بقوة.
حسام فتح

الباب وهو حاطط إيده في جيبه، وبكل برود الدنيا، وبنفس نظرة الاستعلاء اللي كنت بشوفها منه طول سنين الجواز، قال للظابط
أهلاً يا باشا… خير؟ في إيه؟
الظابط شافه باستغراب، وبص في الورق اللي في إيده وقال