حضرتك مين؟ وصاحب الشقة دي بصفة إيه؟
حسام ابتسم ببرود، وقال بكل ثقة
أنا صاحب الشقة، ودي مراتي، بننقل عفشنا. في مشكلة؟
هنا أنا مكنتش قادرة أستنى أكتر من كده، اتصلت بالظابط على رقمه الشخصي اللي كان كلمه من دقيقة، ورد عليا بسرعة.
قلت بصوت متهدج وغضبان
يا باشا أنا صاحبة الشقة! دي شقتي أنا، وعقد الشقة مسجل وباسمي، والمفروض إن القوة دي جاية تطلع الأشخاص دول بره!
الظابط بص لحسام
نظرة شك، وقفل معايا وسأل حسام
المدام بتقول الشقة باسمها ومعاها العقد، وحضرتك بتقول صاحبها… ممكن تفهمني؟
حسام ولا كأن حصل حاجة، طلع بطاقته وقال للظابط بكل أريحية
معلش يا باشا، دي طليقتي، ومأفورة شوية، الشقة دي أصلاً انا اللي شاريهالها وكاتبها باسمها ايام ما كنا متجوزين عشان كنت بحبها، ولما تطلقنا جابت ناس وكسرت عليا، ودلوقتي جينا نلم عفشنا ونقعد فيها عادي لأنها في الاخر فلوسي!
لما سمعت كده من الكاميرا، حسيت إن طاقة هائلة من الغضب طفحت في عروقي. كداب! ابن ال… كداب! الشقة دي دافعة قسطها من مجهودي، ومن ورث أبويا، ومن جمعيات كنت بدخلها وأنا بقطع من لقمتي!
قلت للظابط
في التليفون بصوت
عالي
كداب يا باشا! اسأله عن ورق الشقة وعن تحويل الفلوس من حسابه ولا حسابي! اسأله جاب منين الباسورد بتاع الباب وهو عمره ما دخلها ولا حتى شافها!
الظابط طلب من حسام إثبات ملكية أو ورق للشقة، حسام تلعثم شوية وقال
الورق مع مراتي… نهى هاتي الشنطة.
نهى جت من جوه وهي بتتحلق وبتبرق للظابط وقالت بصوت حاد
انتوا بتكلمونا كده ليه؟ هو احنا أخذنا الشقة؟ ما جوزي كان متجوزها وكان بيحلف لي إن الشقة دي شقته وهو اللي كاتبها بدري!
في اللحظة دي، سمعت صوت باب بيفتح برة شقة هبة في إسكندرية، ولقيت الباب بيتفتح ودخل…
هشام.
ابني.
كان جاي وماسك شنطة هدومه، وباصص للأرض، ووشه باين عليه
التوتر والقلق والرهبة.
لما شافني قاعدة قدام اللاب توب والموبايل ودموعي على خدودي وهبة واقفة متربصة له وعينيها متلظية غضب، وقف مكانه كأنه مشتم.
بصيت له بعيون متفتحة على آخرها، وصوت متقطع مكسور
إنت… كنت فين يا هشام؟
هشام بلع ريقه بصعوبة وقال بصوت واطي
كنت… كنت في مشوار يا أمي.
وقفت قدامه، ومن غير ولا كلمة زيادة، رميت الموبايل قدام وشه اللي كان بينقل الكاميرات، ولقيت حسام ونهى والظابط واقفين على باب الشقة، والظابط بيقول لحسام بصوت عالي
تعالى معايا القسم انت والمدام، مفيش ورق يثبت كلامكم، وبلاغ المدام صريح بدخول مسكن.
هشام لما شاف أبوه على الشاشة وهو متكلبش ورايح
على الباب، صرخ بضعف
بابا!
هبة هنا لمست كتفي وقالت بحزم
اسأليه يا أمينة… اسأليه.
التفت لهشام، ولقيت دموعه نزلت، فساعتها فهمت كل حاجة من غير ما ينطق.
إنت… إنت اللي قلت لأبوك على مكان الشقة؟ وإنت اللي إديته الباسورد؟
هشام انهار وبكى، وقعد على ركبه وقال بانهيار
أنا آسف يا أمي! والله العظيم آسف! بابا ضغط عليا وقعد يزن فوق دماغي ليل ونهار، وقعد يقول لي دي شقة أمك وإحنا أولى بيها بدل ما تروح لناس غريبة، وقعد يجبرني إنه هيحرمني من مصروفي ومش هيساعدني في مصاريف الكلية، و… وهو اللي أخد مني الموبايل في مرة وأنا نايم وكان فيه رسالة فيها كود تفعيل الباسورد الجديد بتاع
الباب… والله ما كنت أعرف
إنه هيعمل كده! هو قال لي أنا رايح أخد حاجتي القديمة بس!
بصيت لابني الوحيد… حتة من جسمي. حسيت إن الدنيا اتقفلت في وشي. مش قسوة حسام هي اللي وجعتني، ولا وقاحة نهى، ولا حتى ضياع تعبي المؤقت… اللي وجعني إن الصدمة اللي اتدربت في ظهري، اتقبض عليها بإيد ابني.
قعدت على الكرسي وأنا حاسة ببرودة فظيعة في أطرافي، وموبايل الكاميرا لسه شغال، وبيجيب حسام وهو ماشي مع الظابط، ونهى بتزعق وتزعق.
بصيت لهشام، وقلت بصوت هادئ جداً، هدوء يسبق العاصفة
حكايات
منال علي
الموبايل بتاعك… وعقد الشقة… والباب اللي فتحته لأبوك…
سكتُّ ثواني، وحطيت إيدي على صدري اللي كان بيتحرق، وكملت
بره بيتي يا هشام. وباب الشقة اللي اتفتح بغدر، هيتقفل عليك زي ما اتقفل على أبوك.
هبة جريت ضمتني لصدرها، وأنا عيني كانت على الشاشة… الشقة فاضية، الكراتين مرمية في كل حتة، بس في وسط السواد ده كله، حسيت بحاجة غريبة بتتحرك جوايا.
أنا اشتريت الشقة دي باختياري، وباسمي، وبفلوسي…
ولو خسرت في السكة ناس كنت فاكراهم سند،
فالبدايات الحقيقية دايماً بتبدأ لما ننفض التراب من على كتفنا ونقف من تاني.
حسام اتمسك في القسم، وهشام خرج من الشقة وهو بيعيط وندمان، وأنا رجعت القاهرة بعدها بيومين، غيرت الباسورد، وحطيت كاميرات تانية أحدث، وعدلت كل الأقفال.
دخلت شقتي لوحدي… لأول مرة أحس إن الجدران دي كلها بتاعتي أنا وبس، مفيش فيها ريحة غدر، ولا صوت كدب.
قعدت على الكنبة، وبصيت من البلكونة على الشارع الواسع، وابتسمت لنفسي وأنا بقول بصوت عالي
أهلاً بيكي يا أمينة في دنيتك
الجديدة.
تمت
