لى الساعة 12 ودقيقة بالليل، شفت حماتي بتحط حاجة جوة شنطة السفر بتاعتي وهي بتتسحب!!. وبعد نص دقيقة تقريباً، سمعتها بتهمس في التليفون وتقول الحاجة بقت في شنطة هدومها.. بلّغ أمن المطار الساعة ستة بالدبح.. وعلى وقت الفطار هتكون انتهت وخلاص.
طبعاً مفتحتش عيني خالص.
بالعكس.. ابتسمت.
أنا اسمي سماح. عندي 36 سنة، وطول سبع سنين جواز، أهل جوزي كانوا فاكرين إن هدوئي ده معناه إني على الله حكايتي ومش فاهمة حاجة.
حماتي، نعمات، كانت من الستات اللي ممكن تضيع مستقبلك وهي بتديك كحك العيد في بوقك. وابنها حسام جوزي طلع واخد طبعها المؤذي ده، ده غير طمعه الأعمى في الفلوس.
قبل الليلة دي بثلاث شهور، اكتشفت اختفاء حوالي
2 4 مليون دولار يعني مبلغ وقدره من شركة مجموعة كارتر هنخليها شركات العزبي للسياحة والفنادق، الشركة اللي أبويا الله يرحمه هو اللي أسسها.
حسام كان شغال رئيس مجلس الإدارة.. ونعمات كانت ماسكة العلاقات العامة.
مع إن 52 من ملكية الشركة دي بتاعتي أنا لوحدي.
لكن كانوا دايماً بيعاملوني على إني المنظر الجميل في الشركة وخلاص.
اللي مكنوش يعرفوه بقى، إني قعدت اشتغل 11 سنة كاملة كمحاسبة قانونية وفحص مالي قبل ما أتجوز حسام.
وقبلها بشوية على العشا، كنت قلتلهم إني مسافرة إسكندرية طيارة الصبح بدري.
نعمات سألتني وهي بتلوّح بإيدها شغل تاني؟
رديت بهدوء مجرد اجتماع.
حسام ضحك بسخرية وقال يا حبيبتي، سبينا إحنا من الشغل
المهم وخليكي في حالك.
ابتسمت له وقولت طبعاً يا حبيبي.
ودلوقتي، وأنا تحت الغطا، سمعت نعمات وهي بتقفل الشنطة بالراحة.
صوت طقطقة معدنية خفيفة جه من زاوية الأوضة.
وبعدها بشوية، صوت خطوتها وهي ماشية اختفى في الطرقة.
فضلت نايمة مكاني ومتحركتش لحد ما الطرقة هديت خالص.
وقتها بس فتحت عيني.
قلبي كان بيدق جامد جداً، بس متحركتش ناحية الشنطة.
بدل ما أعمل كده، مسكت موبايلي.
الكاميرا الصغيرة المخفية جوه ساعة الديجيتال اللي على الكومودينو كانت شغالة وبتصور.
كنت حاطها من أسبوعين، لما حسيت إن فيه حد بيدخل أوضتي كل ما أكون بره البيت.
فتحت اللايف ولقيتها قدامي..
نعمات هانم، لابسة روب حرير، وبتفتح السوستة الداخلية
للشنطة.
طلعت جسم غريب وصغير
ن جيبها.
وحطته جوه شنطتي.
وبعدها طلعت التليفون وكلمت حد
يا حسام، كله تمام.. ابلغ من المطار الساعة ستة بالدقيقة.
حسيت ببرودة سرت في جسمي كله.
جوزي.. لحم ودمي!
الراجل اللي حلف يحميني ويصونني.
نفس الراجل ده نايم على بُعد عشرين خطوة مني.
الخطة بتاعتهم كانت أكبر بكتير من إنهم يحرجوني وبس.
كانوا ناويين يلبسوني قضية تهريب سلاح أو مخډرات في المطار، وأنا أصلاً ما أعرفش عن القصة دي حاجة.
فضلت باصة في الفيديو.
وبعدين اتصلت برقم كنت بدعي ربنا إني ما اضطرش أستخدمه أبداً.
المقدم هشام قلت بصوت واطي لما رد المعلومات والمستندات اللي طلبت مني أحافظ عليها.. جاهزة.
صوته اتغير وبقى جاد جداً
سماح، إيه اللي
حصل؟
جوزي وأمه عملوا غلطة عمرهم الليلة دي.
وقبل الشمس ما تطلع.. هيعرفوا كويس أوي الغلطة دي هتكلفهم كام.
الساعة كانت 545 الصبح.
كنت واقفة قدام صالة السفر في مطار القاهرة الدولي، ومعايا شنطة السفر بتاعتي اللي حماتي نعمات شرفت بالعبث فيها بالليل.
على بعد خطوات مني، كان جوزي حسام واقف بيمثل إنه بيودعني بحرارة مزيفة، وعيونه بتلمع بخبث كأنه مستني المسرحية تبدأ.
تروحي وتجيبي بالسلامة يا حبيبتي.. متطوليش عليا في الشغل قالها حسام وهو بيحضني بحضن كڈب وكأن قلبه عليه.
رديت عليه بابتسامة هادية وباردة الله يسلمك يا حسام.. تفتكر الاجتماع ده هيخلص على خير ولا إيه؟
بإذن الله.. كل حاجة هتمشي زي ما خططنا.
. قصدي زي ما تتمني ارتبك ثانية، بس داراها بسرعة.
بمجرد ما درت بضري عشان أدخل من بوابة التفتيش، سمعت صوت نبرة حادة ورايا
استني عندك يا مدام!
التفتت ببطء.. ولقيت ضابط أمن المطار ومعاه اثنين من العساكر، وماسكين تليفون كأنهم جالهم بلاغ سري.
حسام قرب بسرعة وكأنه مذهول وقلقان على مراته المصونة
خير يا فندم؟ مراتي راحة شغلها، فيه حاجة ولا إيه؟
الظابط بص لحسام نظرة جادة وبعدين بصلي وقفل عيونه بتركيز وقال
جيلنا بلاغ دقيق جداً يفيد إن المدام حاطة في شنطتها حاجات ممنوعة.. أوراق ومستندات سرية خاصة بشركة كبرى مسروقة، ومعاها كمان… حاجة تانية حساسة.
حسام عمل نفسه بيعيط أو بيمثل الصدمة
يا نهار أسود!
مستندات إيه؟! مراتي محاسبة
