نوجا لسه هتتكلم، قاطعها وقال بغضب:
— قلت انزلي.
نوجا مشيت وهي متضايقة جداً.
وهو قفل الباب وقرب من سهر واتنهد وقرب منها وقال:
— أنا طبعاً لو حلفت لك إني اتأخذت على أخوانه مش هتصدقيني.
سهر بعدت وقالت بضيق:
— خليك بعيد عني… مش جاي في أي حاجة والسلام… لا ويقولي معجب… واطي.
راضي حطها على السرير وقعد جنبها وقال:
— وحياه عيونك دول هي اللي عملت كده والله.
سهر كتفت إيديها وقالت بغيظ:
— اممم، مصدقاك وانت يا حرام ما كنتش عايز.
سهر ابتسمت بكسوف.
راضي ضحك جامد وقال:
— عايزة نتجوز ولا ايه؟ لو كده اتجوزك الليلة.
سهر قالت بسرعة:
— أنا ما قلتش كده.
راضي ابتسم وقال:
— أنا هعدل كل حياتي من بعد ما أرجعك لأهلك، هعمل اللي أقدر عليه علشان أبقى إنسان يستاهلك.
سهر بصت لعيونه بابتسامة سعيدة… بس اختفت ابتسامتها وقالت بيأس:
— مش لما أعرف أرجع أصلاً.
راضي اتنهد وقال:
— هو انتي مليتي مني ولا ايه؟
سهر قالت بسرعة:
— لا أبداً… يعني قصدي عادي… بس أصل الموضوع متورط قوي، ولو ما تقبضش عليهم مش هنعرف نرجع.
راضي اتسعت عينيه بذهول وقال:
— ايه؟… رحلت؟
سهر اتنهدت وقالت:
— آه رحلت… ثريا دلوقتي بتحاول تعمل نفس الموضوع معايا، عايزاني أبقى زيها وتورط أخويا… أو أضطر أعمل زي بنتها.
راضي انزهل وقال بغضب شديد:
— ايه التفكير العقيم ده؟ ازاي حد يتأذى ويحب يرمي غيره في نفس الأذى؟ وبصراحة ما تزعليش مني، زي ما البنت غلطت إنها فرطت في نفسها وكمان تعرضت لأزمة نفسية قاسية، أخوكي كمان غلطان جداً، شال ذنب البنت دي باللي عملوه ايا كانت دوافعه.
سهر قالت بدموع:
— معاك حق… هو فعل شال ذنبها… بعدين لما عرف إنها رحلت زعل جداً وحس بالذنب وخد فترة كبيرة مش بيشتغل ولا بيطلع من أوضته… هو كان واخدها طريق علشان يوصل لأمها، ما كانش فاكر إن الموضوع هيوصل لحمل وجواز وكده.
راضي اتنهد ومسك إيدها وابتسم وقال:
— على العموم انتي ملكيش دخل بكل ده… وما تقلقيش، أنا جنبك، كل يوم هنروح الكابينة اللي جنبنا ونتصل على أخوكي، وإن شاء الله لو ما اطمنتش عليكي وأمنتك مش هسيبك.
سهر ابتسمت وبصت لعيونه وقالت:
— أنا معرفتش الأمان غير لما شوفتك يا راضي، بجد أنا بحس بأمان الدنيا كلها وانت جنبي.
راضي ابتسم وقال:
— كمان لو تحسي بالأمان اللي بين إيديا… يا لهووووي، أمان وحنان… وعليا واحسان.
سهر ضحكت جامد وقالت:
— مين دول؟
راضي ضحك وقال:
— والله ما أنا عارف.
وعدت الأيام، وكان كل يوم ينزلوا في الكابينة وسهر تقوله رقم أخوها لأنها حافظاه، ويفضل يتصل عليه بس ما فيش فايدة، ويرجعوا تاني على البيت بيأس، رغم إن كل واحد فيهم مبسوط من جواه جداً إنه ما ردش وإنهم هيفضلوا سوا.
وكانوا عايشين آخر يعاده، وبيخرجوا وياكلوا على عربية الفول مع بعض، ويرجعوا يقعدوا في الوكاندة يشتغلوا سوا ويتكلموا مع بعض ومبسوطين جداً.
أما نوجا كانت بتابعهم بحقد شديد وحاسة إن راضي كل يوم بيتعلق بيها أكتر.
بعد أسبوع جه راضي وقال:
— شوفي يا ستي، اشتريت عده صغيرة علشان نكلم أخوكي منها بدل ما ننزل لحد الكابينة ونيجي.
سهر ابتسمت باستغراب وقالت:
— صحيح أنا أخدوا مني تليفوني هناك، انت بقى فين تليفونك؟
راضي اتنهد وقال:
— ما أنا اتقلبت زيك بالظبط، فتشوني قبل ما أدخل عندك وأخدوا التليفون والمحفظة، قالوا لي هنديهم لك بعد ما تخلص… واحنا هربنا وما أخدتهمش منهم.
سهر ابتسمت بحزن قالت:
— خسرتك كتير أنا.
راضي قرب منها وقال:
— آه خسرت… بس اللي كسبته أكتر بكتيييير، كفاية إني تعرفت عليكي.
سهر ابتست ونزلت عيونها بكسوف.
راضي رفع وشها ليه وبصلها جامد وقال:
— اوعى تبعديهم عني، أنا بقيت أعشق أشوف الدنيا في عيونك… أنا مكنتش متخيل إن المصلحة اللي روحتها علشان أكسب منها قرشين وأمشي ممكن تكسبني حياة كاملة.
سهر بصت لعيونه وقالت:
— أنا كمان يا راضي.
بصلها بدهشة وقال:
— انت كمان ايه؟
سهر قالت بكسوف:
— مش عارفة… أنا كمان بفكر فيك دايماً ومبسوطة من وقت ما بقينا سوا… ودايماً حاسة بسعادة معاك و…
بس قاطعها لما قال بدون مقدمات:
— بحبك… أنا مش لاقي لها أي تفسير تاني.
سهر اتفاجأت وابتسمت بكسوف.
وراضي ابتسم.
قالت بغيظ منه:
— وبعدين يعني في قلة أدبك دي… ابعد عني.
راضي ابتسم وقال:
— مقدرش ابعد، بقولك بحبك يا بت.
سهر قالت:
— أيوه سمعت… هو ما ينفعش تحبني من غير قلة أدب؟
راضي ابتسم وقال بهمس:
— لسه قلة الأدب لما نتجوز هوريها لك.
سهر قالت بلهفة:
— نتجوز؟
راضي ابتسم بسعادة على فرحتها وقال:
— هتبقي مبسوطة لو اتجوزنا؟
سهر ابتسمت وقالت بخجل:
— عادي يعني.
راضي ضحك وقرب قوي وقال:
— متأكدة عادي؟
سهر هزت راسها بلا وقالت:
— مش قوي يعني.
ضحك جامد ولسه هيرد، سمع صوت نوجا بتقول بضيق:
— عايزينك تحت يا سي راضي.
راضي اتنهد وقال:
— ده وقته… يا ترى مين اللي عايزني؟ هشوف، أجي لك على طول… لسه مخلصنا كلامنا.
راضي نزل وسهر ابتسمت بسعادة شديدة، وبقت تحاول ترن على أخوها وهي طايرة بسبب كلامه.
تحت كان راضي قاعد بقى له نص ساعة، بص لنوجا بضيق شديد وقال:
— بقى لك ساعة بتقولي لي في واحد كلمني وعايزك… ومفيش حد بيجي، في ايه يا نوجا؟ انتي بتعطليني على الفاضي.
نوجا قالت بغضب شديد:
— بعطلك عن ايه؟ هو انت وراك حاجة؟ ولا يعني السنيورة هتطير؟
راضي قال بضيق شديد:
— اممم… طيب بقى، لما يرن لك تاني اديه رقمي الجديد، أنا طالع.
ولسه هيمشي، دخلت ثريا ونجيب وقالوا بغيظ:
— ومستعجل ليه يا راضي؟
راضي اتسعت عينيه بذهول وبص لنوجا بصدمة شديدة وقال:
— اه يا زبالة يا وسخة.
نجوى بصتلو بحزن وقالت:
— البنت فوق، بس زي ما وعدتوني يا راضي، ما لكمش دعوة بيه.
ثريا ابتسمت بخبث وقالت:
— طبعاً طبعاً… وقالت: نجيب، اطلع جيب البنت من فوق.
راضي بقى يقول بزعيق:
— ما لكمش دعوة بيها، ما حدش له دعوة بيها، اللي هيلمسها هعمل معاه مشكلة كبيرة… ولسه هيجري على نجيب، جم رجاله تبع ثريا ومسكوه من إيديه الاثنين.
في الوقت ده نزلت سهر وهيه بتجري عليه بسعادة وبتقول:
— راضي، راضي.
بس راضي زعق جامد وقال:
— اهربي من هنا يا سهر، اهربيييييي.
سهر شافتهم من بعيد ولسه هتجري… نجيب جري عليها ومسكها، وحاولت تهرب من بين إيديه بس ما قدرتش.
ثريا مسكتها من شعرها بقوة وقالت:
