سه تعبانة في النفاس، والپهدلة دي صعبة عليكي. أنا لو متعبتش دلوقتي عشان أحمي ابني وكرامتي، هعيش عمري كله ممسحة تحت رجلين أمه. هو فتح باب المحاكم، وأنا هدخله ومش هرجع إلا وحقي وحق ابني في إيدي.
لبست عبايتي وطرحتي، وماما شالت معايا البيبي عشان ترضعه وتهتم بيه لو غبت، وأحمد وصلنا لمكتب محامي قريبي متخصص في قضايا الأسرة. قعدت مع المحامي وحكيت له الموضوع من أوله، ووريته الرسايل، ومكالمات خالاته، ورسالة الټهديد الصريحة بحرماني من ابني وطلبي للرجوع المشروط بإذلالي.
المحامي سمعني باهتمام، وهز راسه بهدوء وابتسم ابتسامة واثقة اطمني يا مدام هناء، القانون هنا في صفك مية في المية. الطفل في سن الرضاعة، وحضانته للأم شرعاً وقانوناً، ومفيش قوة على وجه الأرض تقدر تاخده منك إلا لو أنتي غير أمينة عليه، وده مستحيل يثبتوه. أما موضوع الټهديد والنفقة، فإحنا هنرفع قضايا نفقة زوجية ونفقة صغار ومصاريف علاج وولادة من بكرة الصبح، وهنعمل محضر إثبات حالة بالتهديدات دي، وبطردك من مسكن الزوجية والامتناع عن الصرف.
بس يا متر، هو كاتب إنه هياخد
الحضانة، وأمه ست مش سهلة وممكن تلف وتدور! ولا تقدر تلف ولا تدور، الكلام ده فشنك وبيقولوه عشان يخوفوكي ويجروكي على عماكي ترجعي مکسورة الجناح. خليهم هما يعيشوا في وهم الانتصار، وإحنا هنشتغل بالورق والقلم وبنود القانون.
خرجت من مكتب المحامي وأنا حاسة إن جبل انزاح من على صدري. كنت عارفة إن الطريق مش هيكون وردي، وإن حماتي ست لئيمة ومش هتسكت لما تلاقي خطتها فشلت ومجيتش راكعة زي ما توقعت، بس في نفس الوقت مكنش عندي استعداد أفرط في حريتي ولا في ابني.
رجعت البيت عند أمي، وقعدت مع ابني. بصيت في ملامحه البريئة اللي لسه مش فاهمة أي حاجة من ۏسخ الدنيا ده. كان شبه أبوه في رسمة عيونه، بس دعيت من كل قلبي إن ربنا يرزقه قلب ميكونش ضعيف، وشخصية متكونش تابعة، ويكون راجل بجد يعرف يصون اللي معاه وميسمحش لحد يكسرها.
الساعة تسعة بليل، مهلة الأربعة وعشرين ساعة كانت بتخلص. قعدت مستنية، وكان عندي فضول أعرف محمد هيعمل إيه لما يكتشف إني مطنشتش بس، لأ ده أنا كمان مبقتش أرد على أي مكالمة من طرفهم.
فجأة، جرس الباب رن. رنة طويلة ومستفزة، رنة
حد مش جاي يتصالح، حد جاي يهد ويكسر.
أحمد أخويا قام وراح ناحية العين السحرية، بص فيها، ولقيته وشه اتقلب ورجع خطوة لورا، وبصلي بصوت واطي ومشدود هناء.. دي مش أمه لوحدها.. دي جايبة خالاته الاتنين، ومحمد واقف وراهم، ومعاهم اتنين رجالة من عيلتهم باين عليهم جايين يتخانقوا!
قلبي دق، بس المرة دي مش من الخۏف.. دق من الغيظ والترقب. بصيت لأمي، وأمي هزت راسها وراحت وقفت ورا أحمد وقالت له افتح الباب يا ابني بس متسيبش العتبة.. وخلينا نشوف قلة الحيا هتوصل بيهم لحد فين.
أحمد فتح الباب بالراحة، وصوت حماتي العالي شق العمارة كلها قبل حتى ما تمد رجلها لجوة افتحوا! افتحوا خلينا نصفي الحساب القديم والجديد، ولا فاكرين لما متبعتوش بنتكوا المأذونة تبقوا انتصرتوا؟! أنا جاية أخد حق ابني وحق شرفه اللي اتمرمط على إيدكم!
الموقف اتأزم في ثواني، والرجالة اللي معاهم بدأوا يقربوا من الباب، وعيون محمد كانت زي التايهة اللي مش فارق معاها خړاب الدنيا، كأن حماتي عمياه تماماً عن أي عقل أو منطق، والباب اتفتح على مواجهة مكنش حد يتوقع أبعادها هتوصل لإيه.
أحمد أخويا
