ا حبيبتي، عندي ليكي خبر حلو أوي!
بصيتله وأنا بحاول أخفي اللي جوايا.
قال بمنتهى الحماس
أنا حولت المليون و٨٠٠ ألف جنيه اللي في حساب توفيرنا وحطيتهم في استثمار مع حسام. خلال ٦ شهور هنضاعف المبلغ، وهنعمل فلوس كويسة جدًا!
اتسمرت مكاني… المليون و٨٠٠ ألف دول كانوا تحويشة سنين من عمري، وفلوس كنت بجمعها من مرتبي والشغل الإضافي والتنازلات اللي عملتها عشان نأمّن مستقبلنا.
وقبل ما أسأله إزاي يتصرف في كل الفلوس دي من غير ما يرجعلي، جرس الباب رن.
كريم قام يفتح، وبعد ثواني دخلت واحدة اسمها ريهام، سكرتيرته في الشركة، وعندها ٢٨ سنة.
كانت لابسة فستان شيك وضيق، وبطنها باينة إنها حامل
في حوالي الشهر الخامس.
الصدمة مش كانت في دخولها وبس… لكن أمي قامت تجري عليها، وحضنتها بحرارة وقالتلها
يا أهلاً يا ريهام يا حبيبتي! اتفضلي، اتفضلي، إنتِ مش غريبة، ده بيتك!
كريم ابتسم وحط إيده على ضهرها بحركة مليانة اهتمام.
أما أختي منة فكانت بتبصلها وتضحك، وحسام بيقدم لها العصير بنفسه!
فضلت واقفة مكاني وببص للأربعة اللي قاعدين قدامي.
وفجأة بدأت أفهم إن اللي بيحصل مش مجرد خېانة زوجية، ولا مجرد تزوير في ورق الطلاق، ولا حتى سړقة فلوسي.
دول كانوا متفقين على حاجة أكبر بكتير!
والأخطر إنهم كانوا فاكرين إني لسه نادين الساذجة اللي ممكن يضحكوا عليها بكلمتين حلوين.
ابتسمت بهدوء وقلت
واضح
إن فيه مناسبة كبيرة وأنا آخر واحدة تعرف!
كريم بصلي وقال ببرود
اقعدي يا نادين، إحنا كنا مستنيينك أصلًا… فيه موضوع مهم لازم نتكلم فيه.
بصيت لريهام، وبعدها لأمي، وسألتهم بهدوء
هو أنا ينفع أسأل سؤال واحد بس؟ ريهام حامل في الشهر الكام بالظبط؟
في اللحظة دي اتبادلت نظرات سريعة بين كريم وأمي.
وقبل ما أي حد يرد، ريهام حطت إيدها على بطنها وقالت بمنتهى الثقة أنا حامل في الشهر الخامس… وكريم وعدني إننا هنتجوز أول ما موضوعك يخلص!
بصيت لكريم، وبعدها لأمي، وحسيت إن آخر خيط كان رابطني بالعيلة دي اتقطع… لكن الغريب إن قلبي مكنش بيوجعني زي ما كنت متوقعة، بالعكس، حسيت ببرود غريب بينزل
على أعصابي، كأن عقلي
أخيرًا فاق من غيبوبة استمرت ست سنين.
ابتسمت ابتسامة هادية جدًا، وقعدت على الكرسي اللي قدامهم، وحطيت رجل على رجل.
أول ما موضوعي يخلص؟ جملة حلوة أوي يا ريهام، بس يا ترى إيه هو موضوعي بالظبط؟ أنا فضولية جدًا أعرف الخطة الكاملة، أصل واضح إنكم تعبتوا في الترتيب ليها.
كريم بص لأمي بقلق، لكن أميعايدة هانم اللي طول عمرها شايفة إن الفلوس هي اللي بتدي البني آدم قيمةاتنحنحت وقالت بلهجة كلها استعلاء
اسمعي يا نادين، بلاش نلف وندور على بعض، إحنا كبار وفاهمين. إنتِ ست طيبة وعلى نياتك، ومش بتعرفي تجاري التطور ولا حياة المجتمع اللي كريم وصلها دلوقتي. كريم بقى
مدير استثمار كبير، ومحتاج واحدة جنبه تشرفه وتفهم في البيزنس والمظاهر، مش واحدة لسه رايحة جاية من مصلحة حكومية بملاليم!
بصيت لأمي باستغراب حقيقي. دي أمي اللي المفروض تكون ضهري وسندي!
يعني إنتِ يا ماما موافقة على إن جوزي يخوني، ويجيب عشيقته الحامل بيتي، وكمان يسرق تحويشة عمري؟
أختي منة ضحكت ضحكة رنانة وقالت وهي بتلعب في ضوافرها
يسرق إيه يا نادين بس؟ ما تكبريش المواضيع! الفلوس دي كانت في حساب مشترك، وكريم حطها في مشروع مع حسام عشان يكبرها، وإنتِ ليكي نصيبك طبعًا لما المشروع يقوم على رجله. وبعدين خېانة إيه؟ كريم أصلاً…
سكتت منة فجأة لما حسام غمزها
بعينه، وكريم كمل الكلام بسرعة وهو بيحاول يرسم على وشه ملامح الجدية والحسم
اسمعي يا نادين، عشان نكون واضحين ومن غير شوشرة. إحنا خلاص قررنا ننفصل بهدوء. ريهام حامل في ابني، وأنا مستحيل أسيب ابني يتولد من غير اسم، وفي نفس الوقت أنا مش عايز أظلمك.
وقفت قدامه وربعت إيدي، وأنا جوايا بركان بيغلي بس ملامحي جامدة زي التلج
مش عايز تظلمني؟ طب والله كتر خيرك! وناوي تعمل إيه بقى عشان ما تظلمنيش يا كريم؟
اتدخل حسام، جوز أختي، وهو بيفرك إيديه بابتسامة صفرا
بصي يا نودي، إحنا حسبناها صح. الفيلا دي باسمكم إنتوا الاتنين، وكريم مستعد يتنازلك عن نصيبه في عفش البيت
ويديكي مبلغ محترم
