مرات ابني

شوية، النهارده مش يوم غسيل النهارده يوم الحساب.
وفي اللحظة دي، جرس الباب رن.
دخل الراجل اللي اتصلت بيه، ومعاه ملف كبير، وأول ما شافني سلّم عليا باحترام وقال
صباح الخير يا أستاذة فاطمة، الأوراق كلها جاهزة، زي ما طلبتي.
ريهام بصت لمصطفى باستغراب، ومصطفى قرب مني وسأل
مين ده يا أمي؟ وإيه الأوراق دي؟
فتحت الملف، وطلعت أول ورقة وحطيتها قدامهم.
وش مصطفى اتغير، أما ريهام ففضلت تقرأ الاسم المكتوب أكتر من مرة، قبل ما تقول بصوت متوتر
إنتِ بتقولي إيه؟ هو البيت ده مش بيت مصطفى؟!
بصيت لابني وقلت
أنا سكت كتير يا مصطفى، لكن النهارده لازم تعرفوا إن الست اللي كنتوا بتسموها خدامة ليها حقوق أنتم الاتنين ما سألتوش عنها يوم واحد.
لكن المفاجأة إن الورقة اللي بعدها كانت فيها اسم ريهام شخصيًا، ولما شافتها، قامت من مكانها وقالت
لا مستحيل! إنتِ عرفتي منين؟!
حكايات بسمه
صوت ريهام انشرخ
وهي بتردد الكلمة بړعب لا مستحيل! إنتِ عرفتي منين؟!
مصطفى اتلخبط، بص لمراته اللي كانت إيديها بتترعش والدموع متجمدة في عينيها من الخضة، وبعدين مد إيده بلهفة وخطڤ الورقة التانية من إيد الراجل اللي كان واقف بهيبته وبدلته الأنيقة، المستشار عبد الرحمن الشرقاوي، المحامي الخاص لشركات والده وعمي من سنين.
أول ما عيني مصطفى وقعت على السطور، وشه اتقلب باهت كأنه شاف ملك المۏت، شفايفه بقت ترتعش وصوته طلع مهزوز ومخڼوق
إيه.. إيه الشيكات دي يا ريهام؟! وإيه عقد الرهن ده؟! إزاي اسمك ماضي على إيصالات أمانة وتنازل عن محتويات الشقة بقيمة 2 مليون جنيه لصالح طارق أخوكي؟!
المستشار عبد الرحمن قعد بهدوء على الكرسي المقابل، فتح قفل شنطته الجلد، وطلع أصل السجلات والإنذارات الرسمية وقال بصوت جهوري ورزين
خليني أوضحلك يا أستاذ مصطفى، عشان يبان المستور اللي مدام ريهام كانت بتخططله من ست شهور.
المدام اتفقت مع أخوها على عمل مشروع كافيه وهمي، وأخدت منه قروض بضمان الشقة اللي إنتوا عايشين فيها دي، ومضت على عقود رهن وإيصالات بتثبت إنها صاحبة الحق في التصرف في العقار والمنقولات، وكانت مستنية بس اللحظة اللي تقنعك فيها إنك تبيع الشقة دي بحجة إنكم تنقلوا لمكان أرقى، عشان تستولى على المبلغ وتديه لأهلها يسدوا بيه ديونهم!
ريهام سابت الشنط بتاعت الهدوم اللي كانت رامياها في الأرض، وبدأت تزحف خطوتين لورا، وشها خالي من أي نقطة ډم
كدب! ده كمين بيتعملي! الحاجة فاطمة متفقة مع المحامي عشان تتبلى عليا وتطردني!
ضحكت.. ضحكة هادية خلت الصالة كلها ترن بصداها، وقفت على حيلي من غير ما رجلي توجعني، رفعت راسي اللي كانت محڼية بالأيام تحت طلباتهم، وبصيت لريهام في عينيها مباشرة
كمين؟! إنتِ نسيتي إن تليفونك كان متوصل بالنت بتاع البيت؟ وإن مكالماتك إنتِ وأمك كانت بتوصل لوداني كل
يوم وإنتِ بتقوليلها يا