هدوء.
بصيت للورق.
كان فيه إقرار باستلام مستحقاتي، وتنازل عن أي مطالبات مالية بينا.
ضحكت من غير ما أقصد.
أحمد اتضايق.
بتضحكي على إيه؟
قلتله
هو إنت متخيل إني همضي على ورق من غير ما أقراه تاني؟
اتغير وشه.
إنتِ بتشكّي فيا؟
أنا بس عايزة آخد الورق وأراجعه.
خطڤ الملف من قدامي وقال
مفيش حاجة تستاهل كل ده، دي إجراءات عادية.
رديت بهدوء
يبقى مش هتضايق لما المحامية تراجعها.
سكت.
وبعدين قال بصوت غاضب
إنتِ كلمتي محامية؟
ما رديتش.
قام من مكانه وقال
أنا كنت فاكر إنك عاقلة، لكن واضح إنك عايزة تدخلي ناس بينا.
في اللحظة دي، خرجت حماتي من أوضتها.
كانت ماشية من غير عصاية، وبتبص ناحية الملف اللي في إيد أحمد.
قالت بعصبية
خلاص يا أحمد، أنا مش قادرة أستحمل تمثيل البنت دي أكتر من كده.
بصيتلها.
تمثيل مين يا ماما؟
قالت
إنتِ فاكرة نفسك ذكية؟ أنا عارفة إنك بتدوري ورايا، وعارفة إنك صورتي الورقة اللي كانت تحت المخدة.
أحمد بص لأمه پصدمة.
إنتِ قلتي لها إيه؟
ردت
خلاص، هي عرفت كل حاجة.
وبعدين خلعت النظارة اللي كانت لابساها، وبصتلي مباشرة.
أيوه يا منى، أنا بشوف. عمري ما كنت عمياء، وكل اللي حصل كان تمثيلية عشان أعرف إنتِ بتعملي إيه، وإيه الورق اللي بتدوري عليه.
قلت لها
يعني إنتِ كنتِ بتشوفيني وأنا بخدمك؟ كنتِ بتشوفيني وأنا بساعدك تدخلي الحمام؟ كنتِ بتشوفيني وأنا بنضف وراك؟
ردت ببرود
أيوه، وكنت عايزة أشوف هتفضلي قد إيه مستحملة.
بصيت لأحمد.
وإنت كنت عارف؟
نزل عينه للأرض.
قلتله
رد عليا!
قال أخيرًا
أيوه، كنت عارف.
الكلمة دي كانت آخر حاجة كنت محتاجة أسمعها.
ثلاث سنين من عمري ضاعوا في كڈبة.
لكن حماتي ما اكتفتش بكده.
قالت وهي بتضحك
وإنتِ فاكرة إن الموضوع كله عشان الشقة؟ ده إحنا كنا بنحاول نعرف إذا كنتِ مخبية أي مستندات تانية تخص ميراث أبوكي.
سألتها
وليه؟
ردت
عشان أحمد كان عايز يخلص من المشاكل دي قبل ما يبتدي حياته الجديدة.
بصيت لجوزي.
حياة جديدة مع مين؟
اتلخبط، وحماتي سكتت.
لكن موبايله رن في اللحظة دي.
بص على الشاشة، ورفض المكالمة بسرعة.
قلتله
مين دي؟
قال
شغل.
ضحكت وقلت
غريبة، شغلك بقى بيتصل بيك الساعة عشرة بالليل؟
ما ردش.
خرجت من البيت من غير ما أعمل مشكلة، وخدت يوسف معايا، وروحت عند المحامية.
هناك وريتها كل الصور والمستندات، وحكيتلها كل اللي حصل.
طلبت مني ما أواجههمش تاني قبل ما نراجع المستندات ونعرف الموقف القانوني بالكامل.
وبالفعل، بعد مراجعة الأوراق، اكتشفنا إن فيه تحويلات بنكية وفواتير تثبت إن جزءًا كبيرًا من تجهيز الشقة اتدفع من أموالي، وإن ورقة التنازل اللي كانوا بيحاولوا يعتمدوا عليها محتاجة الطعن عليها والتحقق من ظروف توقيعي عليها.
والأهم إننا لقينا مستندًا قديمًا يثبت إن أحمد كان قد أقر باستلام المبلغ مني وقت تجهيز الشقة.
أما أصل المستند اللي كانوا بيدوروا عليه، فكان موجودًا في خزنة قديمة عند والدي، وكنت محتفظة
