قصص

مراتي والعصابه

حكايات انجي الخطيب

راندا قامت وراه، وهي بتنفض هدومها وبتحاول تشيل بقايا إزاز صغيرة من شعرها. أحمد بص لها من فوق لتحت وقال:ـ إنتِي متأكدة إنك كويسة؟ردت وهي بتعدل شعرها:ـ أيوه، بس عندي طلب صغير. أحمد غمض عينيه بتعب:ـ يا ساتر يا رب… طلب إيه تاني؟

ـ عايزة أعرف مين فيهم هيحاسبني على الجزمة اللي اتكسرت وأنا بدافع عن نفسي!أحمد ضحك رغم إرهاقه، وقرب منها وحضنها بقوة، المرة دي من غير ما يحاول يبعدها. ـ إنتِي أهم من أي جزمة وأي فلوس في الدنيا.

راندا ابتسمت ودفنت وشها في صدره، لكنها رفعت راسها فجأة وقالت:ـ طب بما إنك طلعت بتحبني أهو… أنا عندي طلب تاني. أحمد رجع راسه لورا وبصلها بيأس:ـ لا، كده كتير! إنتِي لسه خارجة من عملية خطف، ومفروض نروح المستشفى نطمن عليكي!

راندا ابتسمت بس ابتسامتها اختفت اول ما احمد قالها بس عندي شرط أول ما نرجع البيتراندا حطت ايدها في وسطها وقالتلة اية هو بقي ان شاء اللهاحمد بصلعا وقال هترقصلي !رانيا فضلت باصاله ثواني، وبعدها انفجرت في الضحك وهو بيهز راسه:ـ أنا مش مصدقة إن دي أول حاجة تطلبها بعد اللي حصل!

احمد رفع صباعه بتحذير:ـ ومش أي رقصة يا راندا … عايزاها رقصة كاملة، وبنفس الحماس اللي رقصتي بيه للعصابة!راندا قربت منه وهمسن في ودنه:ـ حاضر يا قلب مراتك …ولأول مرة من ساعات طويلة، خرجت ضحكتها من قلبها. لكن الضحك ما كملش كتير.

واحد من الضباط قرب من أحمد وهمسله بكلمتين خلوا ملامحه تتغير في لحظة. راندا لاحظت التغيير، فبعدت عنه وسألته:ـ في إيه؟أحمد بص للضابط، وبعدها رجع بصلها:ـ لازم نتحرك حالًا. راندا عقدت حواجبها:ـ ليه؟ ما العصابة اتقبض عليها أهو!

أحمد سكت لحظة، وبعدين قال بجدية:ـ لأن فيه حاجة حصلت وإحنا هنا …راندا حست بقبضة في قلبها:ـ حاجة اية ؟أحمد مسك إيدها وقال…….أحمد مسك إيدها بقوة، وبص في عينيها بنظرة خلت قلبها ينقبض، وقال بصوت منخفض: ـ أبوكي في المستشفى يا راندا.

راندا اتسمرت مكانها، والابتسامة اللي كانت على وشها اختفت تمامًا. ـ بابا؟! ماله بابا؟! حصل له إيه؟! أحمد حاول يحافظ على هدوء صوته: ـ عربية خبطته من شوية قدام البيت، والإسعاف نقلته المستشفى. راندا سحبت إيدها منه بعنف، وعينيها اتمَلَت بالدموع. ـ وإنت كنت عارف وسايبني هنا؟! إزاي يا أحمد؟

! إزاي ما تقوليش؟! ـ راندا، اسمعيني… ـ مش عايزة أسمع حاجة! بابا ماله؟! هو عايش؟! رد عليا! أحمد قرب منها وحاوط كتافها بإيديه. ـ عايش يا حبيبتي، متخافيش، بس حالته مش مستقرة، والدكاترة بيعملوا اللازم. راندا حطت إيدها على بقها، ودموعها نزلت من غير ما تحس.

ـ أنا عايزة أشوفه… خدني لبابا، أرجوك. أحمد هز راسه، وبص للضابط المسؤول: ـ أنا هاخد مراتي المستشفى، ابعتلي تقرير أول ما تخلصوا تفتيش المكان، ومحدش يتحرك من غير ما يبلغني. الضابط هز راسه: ـ متقلقش يا أحمد، إحنا مسيطرين على الوضع، بس فيه حاجة لازم تعرفها.

أحمد بصله: ـ إيه؟ الضابط قرب منه وخفض صوته: ـ العربية اللي خبطت والد راندا كانت مسروقة، واللي كان سايقها هرب، لكن الغريب إننا لقينا موبايل في العربية عليه صور ليك ولزوجتك، وصور لوالدها كمان. ملامح أحمد اتبدلت، وبصله بتركيز: ـ يعني الواقعة متدبرة؟

ـ ده اللي بنحاول نتأكد منه، وفيه حاجة تانية… قبل الواقعة بعشر دقايق، حد اتصل بوالدها من رقم مجهول، وبعد المكالمة خرج من البيت على طول. أحمد قبض إيده بغضب: ـ عايز الرقم ده فورًا، وكاميرات الشوارع اللي حوالين البيت. الضابط أومأ: ـ هبعتلك كل حاجة.

راندا كانت واقفة بتسمع الكلام، وفجأة رفعت عينيها لأحمد: ـ يعني بابا اتأذى بسببي؟ أحمد مسك وشها بين إيديه: ـ بصيلي يا راندا، إنتِ مالكيش ذنب في أي حاجة، فاهمة؟ اللي حصل ده أمر خطير، واللي عملها هو اللي هيدفع تمنها.

ـ بس هما كانوا عايزين يوصلوا ليك عن طريقي، صح؟ أحمد سكت لحظة، وسكوته كان كفاية يخليها تفهم. راندا بعدت وشها وهي بتمسح دموعها: ـ أنا مش هسامحهم يا أحمد. أحمد مسح دمعة من على خدها وقال: ـ ولا أنا.

وبعدها أخد إيدها وخرجوا بسرعة وسط حراسة اتنين من الضباط. طول الطريق، راندا كانت باصة من الشباك، ساكتة بشكل غريب، وده كان أكتر حاجة مقلقة أحمد. مد إيده ومسح على إيديها: ـ حبيبتي، متفكريش في أي حاجة دلوقتي غير إننا نوصل لبابا ونطمن عليه.

بصتله وعيونها حمرا: ـ أحمد… ـ عيونه. ـ لو بابا حصله حاجة، أنا مش هقدر أستحمل. أحمد ضغط على إيدها: ـ مش هيحصله حاجة بإذن الله، أبوكي راجل قوي، وهيقوم ويقف قدامنا ويقعد يتخانق معايا زي كل مرة. راندا ابتسمت وسط دموعها: ـ هو فعلًا مش بيحبك.

أحمد بص لها بصدمة مصطنعة: ـ نعم؟! ده أنا اللي كنت لسه بنقذه من الخطر من شوية! ـ هو مش بيحبك من قبل ما تعرفني أصلًا. ـ طب ليه يا ست البنات؟ ـ عشان إنت أخدت بنته الوحيدة. أحمد ضحك بخفة: ـ يعني هو عايزني أرجعهاله؟

راندا هزت راسها: ـ أيوه، ويفضل يحطك في اختبارات لحد ما يتأكد إنك تستاهلني. أحمد بص قدامه وقال: ـ طب الحمد لله إني نجحت في اختبار العصابة، فاضل اختبار الحما. راندا ضحكت رغم خوفها، لكنه لاحظ إنها رجعت تسكت تاني. بعد حوالي عشرين دقيقة، وصلوا المستشفى.

أحمد ركن العربية بسرعة، ونزل ولف يفتح لها الباب، لكنها كانت نزلت قبل ما يلحق. جريت ناحية المدخل وهي بتنادي: ـ لو سمحتوا! بابا فين؟! المريض اللي جاي من واقعة عربية! أحمد لحقها، وسأل موظف الاستقبال، وبعد دقائق عرفوا إنه في غرفة العمليات.

راندا أول ما سمعت الكلمة، حست إن الأرض بتلف بيها. ـ عمليات؟! ليه؟! هو حصله إيه؟! الممرضة حاولت تهديها: ـ المريض عنده إصابة في الرأس وحالة صحية دقيقة، والدكاترة بيتعاملوا مع الحالة. راندا حطت إيدها على صدرها: ـ يا رب.

.. يا رب، ده أبويا الوحيد، متحرمنيش منه. أحمد ضمها لصدره، وفضل يمسح على شعرها لحد ما هديت شوية. بعد دقائق، خرج دكتور من غرفة العمليات. راندا جريت ناحيته: ـ دكتور! بابا عامل إيه؟! الدكتور بص في الملف اللي بإيده وقال: ـ الحمد لله، قدرنا نسيطر على الحالة، لكن لازم يفضل تحت الملاحظة في العناية المركزة، والساعات الجاية مهمة جدًا.

راندا تنفست براحة، ودموعها نزلت تاني: ـ يعني هيعيش؟ الدكتور ابتسم: ـ إحنا عملنا اللي علينا، وإن شاء الله حالته تستقر. أحمد شكره، وبعدها قعد راندا على كرسي قريب من غرفة العناية. كانت ماسكة موبايلها، بتبص لصورة أبوها، ودموعها بتنزل في صمت. أحمد قعد جنبها: ـ عايزة تشربي حاجة؟

هزت راسها بالنفي. ـ طب تاكلي؟ ـ مش عايزة. ـ راندا، إنتِ من الصبح ماكلتيش حاجة، ومتعرضتيش لموقف سهل، لازم تاخدي بالك من نفسك. بصتله وقالت بصوت مبحوح: ـ أنا مش جعانة يا أحمد. أحمد طلع موبايله واتصل بالمطعم، وطلب أكل خفيف، وبعدها رجع قعد جنبها.

ـ مش هتتحركي من هنا غير لما تاكلي لقمتين. بصتله بغيظ وسط دموعها: ـ إنت فاكر نفسك مين؟ ابتسم: ـ جوزك، والظابط المسؤول عن منعك من العند. ـ طب يا سيادة الظابط، أنا عايزة أشوف بابا. ـ أول ما ينقلوه العناية هتقدري تشوفيه.

راندا سكتت شوية، وبعدها قالت: ـ أحمد؟ ـ نعم؟ ـ إنت ليه ما قولتليش من الأول إنك شاكك إنهم بيراقبونا؟ أحمد أخد نفس طويل. ـ عشان مكنتش عايز أخوفك، وكمان كنت لسه بجمع أدلة، مكنتش متأكد إنهم هيستهدفوكي بالشكل ده. ـ بس أنا كنت ممكن أساعدك.

بصلها باستغراب: ـ تساعديني إزاي؟ ـ يعني كنت ممكن أخلي بالي، وأخلي بالي من بابا، وما نخرجش لوحدنا. أحمد مسك إيدها: ـ أنا ظابط يا راندا، وشغلي إني أحمي الناس، بس أوقات الشغل بياخدنا لمناطق خطيرة، وده مش معناه إني عايز أحطك في الخطر.

راندا بصتله بحزن: ـ أنا مش عايزة أبقى نقطة ضعفك. أحمد قرب منها وقال بجدية: ـ إنتِ مش نقطة ضعفي، إنتِ سبب إني أبقى أقوى. فيه فرق كبير بين الاتنين. رفعت عينيها ليه، فابتسم وكمل: ـ وبعدين أنا لو كنت عايز أعيش من غيرك، كنت اتجوزت واحدة عاقلة وهادية، مش واحدة ممكن تتخطف وتعمل حفلة رقص في نص العصابة!

تابع المقال

Leave a Reply

Your email address will not be published. Required fields are marked *

Check Also
Close
Back to top button