Trending News

رجل الاعمال وصاحبه مرليه المطبخ

حكايات انجي الخطيب

وى منها. سألته وإنت تعرف فؤاد الراوي؟ ملامحه اتغيرت. أعرفه كويس. هو اللي ورا كل ده؟ مش هحكم قبل ما نشوف الأدلة. قعد على الكرسي المقابل وقال بكرة هنعرف جزء كبير من الحقيقة. لكن الحقيقة ظهرت قبل بكرة. في حوالي الساعة اتنين بعد منتصف الليل، جالي اتصال من سابرين. كانت بټعيط ومش قادرة تتكلم. قلت بسرعة سابرين؟ إنتِ كويسة؟ قالت بصوت متقطع ملك… أنا مش عارفة أعمل إيه. إيه اللي حصل؟ ماما اختفت. قمت من مكاني. اختفت إزاي؟ خرجت من البيت من ساعتين، ومن ساعتها موبايلها مقفول. ولقيت درج المكتب مفتوح، وكل الأوراق اللي كانت فيه اختفت. سليم كان لسه موجود، وسمع كلامي. أخدت نفس طويل وقلت سابرين، إنتِ فين؟ في البيت. اقفلي الباب كويس، ومتخرجيش لأي حد. سليم طلب من حسام يتواصل مع الشرطة، وبعدها قال لي هنروح نطمن عليها. وصلنا البيت، ولقينا سابرين قاعدة في الصالة، وشها شاحب وعينيها وارمة من العياط. أول ما شافتني جريت عليّا وحضنتني. أنا آسفة يا ملك، أنا السبب في كل حاجة. بعدتها عني وبصيت في عينيها. إنتِ مش مسؤولة عن تصرفات أمك، بس لازم تقولي الحقيقة كلها. هزت راسها. فيه حاجة لازم تعرفيها. قعدنا، وبدأت تحكي. قالت إن أمها كانت بتدخل أوضة جدها القديمة بعد ۏفاته، وبتحتفظ فيها بأوراق كتير، وإنها سمعتها أكتر من مرة بتتكلم مع راجل اسمه فؤاد عن ملكية الأراضي والحسابات. وفي مرة، سمعتها بتقول إن فيه مستند أصلي لو ظهر، كل اللي عملوه هينهار. سليم سألها تعرفي المستند ده فين؟ سابرين فكرت شوية. أعتقد في خزنة جدي القديمة. سألتها والخزنة فين؟ قالت في المخزن اللي ورا البيت، بس ماما قالت لي ممنوع أدخله. قمنا كلنا واتجهنا للمخزن. كان مكان قديم مليان صناديق وأثاث مغطى بالقماش. سابرين شغلت النور، وبدأت تدور في الأركان. بعد دقائق، وقفت قدام دولاب خشب كبير. أهي. سليم قرب وفتح الدرج السفلي، وظهر باب معدني صغير. كان عليه قفل قديم. حسام فحصه، وبعد شوية قدر يفتحه من غير ما يكسر الخزنة. جوه كان فيه ظرف أسود، وصورة قديمة لجدي مع والدي وسليم وهو طفل صغير. سليم أخد الصورة وبص لها طويلًا. قال بصوت منخفض دي صورة والدي. سألته كنت تعرف جدي؟ ابتسم بحزن. كنت صغير، بس فاكر إنه كان بيزورنا كتير. كان دايمًا بيجيب لي كتب، ووالدي كان بيحترمه جدًا. فتحت الظرف، وطلع منه مستند عليه توقيع جدي وتوقيع والدي، ومعاه تسجيل صوتي قديم على جهاز صغير. سليم طلب من حسام يجيب جهاز يشغله. اشتغل التسجيل، وسمعنا صوت جدي لو حد بيسمع الكلام ده، يبقى فيه احتمال إن حقي وحق حفيدتي اتسرق. أنا عرفت إن فيه تحويلات مالية بتتم من غير موافقتي، وإن فؤاد الراوي بيحاول يسيطر على الشركة من خلال توكيلات مزورة. نادية عارفة جزء من اللي بيحصل، لكني مش متأكد إذا كانت شريكة أو مجرد أداة في إيده. عشان كده، أنا سجلت كل المستندات وحفظت النسخ الأصلية في مكان محدش يعرفه. التسجيل وقف فجأة. سليم بص لحسام. لازم التسجيل ده يتسلم للنيابة فورًا. لكن قبل ما نتحرك، سمعنا صوت باب المخزن بيتفتح. لفينا كلنا. كان فيه راجل واقف عند المدخل، لابس جاكيت أسود، ووشه مش واضح. صړخ حسام مين؟ الراجل جري. حسام خرج وراه، وسليم وقف قدامي يحجبني عن الباب. بعد ثواني سمعنا صوت خبطة قوية. سابرين صړخت. سليم قال خليكوا هنا! خرج، وبعد لحظات رجع حسام وهو ماسك دراعه المصاپ، والراجل قدر يهرب. سليم اتصل بالشرطة، وطلب إسعاف لحسام. بصيت لذراع حسام وقلت إنت كويس؟ ابتسم رغم الألم. بسيطة يا فندم، خدش. سليم بص له بجدية. بسيطة إيه؟ روح المستشفى. وبعدين بص لي. لازم نخرج من هنا. لكن سابرين مسكت إيدي. ملك، استني… أنا عايزة أقولك حاجة قبل ما تمشي. بصيت لها. قالت وهي بټعيط ماما كانت بتقول إنك لو عرفتي حقيقة ۏفاة والدك، هتكرهيها للأبد. حسيت إن قلبي وقع. تقصدي إيه؟ سابرين هزت راسها. معرفش التفاصيل، بس سمعتها بتقول لفؤاد إن أبوكي اكتشف التحويلات، وإنه كان ناوي يبلغ، وإن الحاډثة اللي ماټ فيها مش مجرد حاډثة عادية. سليم اتجمد مكانه. بص لي وقال ملك، لازم نعرف كل حاجة قبل ما نواجه حد. لكن أنا كنت خلاص مش قادرة أستحمل. والدي ماټ في حاډث عربية وأنا عندي ست سنين، وكنت طول عمري فاكرة إن القدر هو السبب. سألت سابرين إنتِ متأكدة من الكلام ده؟ قالت والله ده اللي سمعته. في اللحظة دي وصلت الشرطة، وأخدوا أقوالنا، واتنقل حسام للمستشفى. أما أنا، ففضلت طول الطريق ساكتة. سليم كان قاعد جنبي، وما حاولش يواسيني بكلام كتير. لما وصلنا الشقة، قال لو عايزة تبكي، اعيطي. متحاوليش تباني قوية طول الوقت. بصيت له، ودموعي نزلت أخيرًا. أنا تعبت يا سليم… تعبت من إني كل ما أفتكر إن حياتي أخيرًا هتستقر، ألاقي حاجة تانية بتتهد فوق دماغي. قرب خطوة، لكنه وقف محافظ على المسافة بينا. مش لازم تحاربي لوحدك. قلت بصوت مكسور أنا
طول عمري لوحدي. رد بهدوء مش من النهارده. فضلت أعيط شوية، وهو ما قالش حاجة. ولما هديت، سألته إنت ليه بتساعدني بكل ده؟ سكت لحظة. لأن أبوكي كان صديق والدي، ولأن اللي بيحصل معاكي غلط، ولأنك تستاهلي تعرفي الحقيقة. وبعدين أضاف بصوت أهدى ولأن وجودك بقى مهم عندي أكتر مما كنت متوقع. رفعت عيني له. كان باصص لي بصدق، من غير غرور ولا محاولة يفرض نفسه. قلت أنا مش مستعدة أدخل في أي علاقة دلوقتي. هز راسه فورًا. وأنا مش بطلب منك حاجة. خدي وقتك، وركزي في نفسك. الكلام ريحني. في الصباح، اتصل كريم وقال إن التسجيل الصوتي فيه دليل مهم، وإن النيابة طلبت حضور خالتي نادية وسابرين لسماع أقوالهما. لكن قبل ما نتحرك، ظهر خبر على مواقع الأخبار بعنوان ڤضيحة مالية تهز مجموعة الباروني بعد اټهامات بتورط رئيس مجلس الإدارة في الاستيلاء على أموال شركائه. فتحت الخبر، ولقيت صورة سليم في العنوان. بصيت له. إيه ده؟ سليم أخد الموبايل وقرا الخبر، وملامحه بقت جامدة. قال كريم في التليفون فيه حملة منظمة ضد الشركة، وفيه مستندات متسربة بتتهم حضرتك بالتلاعب في حسابات الشركة القديمة. سليم رد متردش على أي حاجة دلوقتي، وابدأ الإجراءات القانونية ضد الموقع اللي نشر الكلام. قفل المكالمة، ووقف قدام الشباك. سألته ممكن يكون فؤاد؟ بنسبة كبيرة. بس ليه يستهدفك إنت؟ لف ناحيتي. لأنك بقيتي قريبة من معرفة الحقيقة، وهو عارف إن علاقتي بوالدك ووالدك بتخلي الموضوع شخصي بالنسبة لي. قلت مش عايزاك تخسر شركتك بسببي. ابتسم بهدوء. الشركة مش أهم من الحقيقة. بعد ساعات، اتصل بي رقم غريب تاني. المرة دي كان صوت راجل واضح الأستاذة ملك؟ أنا فؤاد الراوي. سكتت.

تابع المقال

Leave a Reply

Your email address will not be published. Required fields are marked *

Back to top button