كانت راجعة تعبانة عشان تراضيه…
بس بدل ما تفضحهم… قررت تسكت، وتبدأ أصعب موقف في حياتهم ما يتوقعوه!!!!!
رجعت ليلى من شغلها وهي هلكانة.
عدت بسرعة على السوق، جابت خضار المحشي؛ كرنب وورق عنب وطماطم وخضرة، وكل اللي يلزم عشان تعمل أكلة سخنة.
أصل هاني جوزها قال لها إمبارح إنه نفسه ياكل محشي من إيدها.
الأسانسير كان عطلان، وليلى اضطرت تطلع بشنط الخضار التقيلة دي على رجليها للدور العاشر.
وصلت قدام الشقة وهي بتنهج.
داست على الجرس…
الجرس مش شغال!
عرفت إن النور مقطوع في العمارة كلها.
تنهدت بضيق، طلعت مفاتيحها وفتحت الباب بالراحة.
أول ما دخلت، سمعت صوت جاي من أوضة النوم…
صوت حد بيتكلم.
سابت الشنط في الصالة، واتسحبت لحد باب الأوضة، وفضلت تسمع بتركيز.
جري إيه يا إلهام؟ إيه اللي بيضحكك في كلامي؟
ده كان صوت هاني وهو متنرفز.
ليلى زمانها على وصول، إنتي مش متخيلة ممكن يحصل إيه لو شافت حد هنا، وإنتي قاعدة تضحكي!
ردت إلهام بدلع: بضحك عشان إنت شكلك يضحك يا هاني… إنت بجد كوميدي.
هاني استغرب وقال لها: وممكن أكون أضحكك في إيه إن شاء الله؟
قالت إلهام: خوفك من مراتك ده يضحك أي حد… حتى أنا!
إنت خايف منها كده ليه؟
هتعمل فيك إيه يعني؟
هتطردك من البيت؟
رد هاني بجدية: ممكن جدًا تطردني، ومفيش أسهل من كده عندها.
إلهام قالت بثقة: مفتكرش.
إنتوا عندكم طفلين، وهي أكيد مش هتحب تعيش لوحدها بيهم في الشقة دي.
هي عندها كام سنة دلوقتي؟
ستة وتلاتين؟
تفتكر هتاخد الخطوة دي فعلًا؟
ولا إنت خايف من حاجة تانية أنا معرفهاش؟
ليلى في اللحظة دي كانت هتدخل وتعمل مشكلة كبيرة وتقلب العمارة.
وربما أكتر من مجرد مشكلة.
بس فيه صوت عقل جواها وقفها.
بلاش يا ليلى.
لو دخلتي دلوقتي مش هتاخدي حقك.
بالعكس، الأمور هتتعقد أكتر.
اهدي واصبري.
الصبر فيه سر… وأنا هقولك تعملي إيه.
أخدت ليلى نفس عميق، وعدت لحد عشرة، وهديت فعلًا.
فكرت وقالت لنفسها: فعلًا، المواجهة ملحوق عليها، والمواجهة سهلة.
والست دي شكلها بتاعة مشاكل، ومش هتخاف من الزعيق.
خليني دلوقتي أنا اللي ماسكة خيوط اللعبة.
أسمع وأشوف آخرتها إيه.
هاني كمل كلامه بصوت ناشف: إنتي بس متعرفيهاش يا إلهام.
لو تعرفيها، مكنتيش اتكلمتي كده.
ليلى قالت في سرها: إلهام!
وبيدلعها كمان!
إلهام ردت ببرود: يا مامي!
خوفتني بجد…
أنا هترعش من الرعب أهو!
في الآخر لازم مراتك تعرف كل حاجة.
ليلى استغربت: يا سلام!
ولازم أعرف؟
ومين اللي قرر إني لازم أعرف؟
هي؟
هاني قال بحكمة: كلامك صح يا إلهام، بس مش هنا ومش دلوقتي.
دي الشقة اللي عشنا فيها خمس سنين، وبيننا عيال.
الموضوع مش سهل.
يا ريت تمشي دلوقتي يا إلهام.
ليلى ممكن تفتح الباب في أي لحظة.
وإحنا اتأخرنا هنا أكتر من اللازم.
بكرة نتقابل ونكمل كلامنا.
إنتي مش متخيلة المشكلة الكبيرة اللي ممكن تحصل لو شافتنا مع بعض هنا.
ليلى وقفت تفكر.
يا ترى إيه اللي ممكن يحصل فعلًا؟
وإيه حكايتهم بالظبط؟
فضلت ليلى واقفة ورا باب الأوضة، حابسة نفسها بالعافية عشان ما تعملش صوت.
كانت مصدومة، بس قررت ما تواجهش هاني دلوقتي.
كانت عايزة تعرف الحقيقة كاملة.
خرجت إلهام من الأوضة، وشافت شنط الخضار في الصالة.
وقفت وقالت: الخضار ده مين جابه؟
هاني اتوتر: أكيد ليلى رجعت.
إلهام بصت له وقالت: أهو اللي كنت خايف منه حصل.
هاني رد بسرعة: اسكتي، لو شافتك هنا كل حاجة هتبوظ.
إلهام ابتسمت وقالت: الموضوع باظ من زمان يا هاني.
وبعدين خرجت من الشقة.
بعد ما مشيت، دخل هاني المطبخ، فلقى ليلى واقفة قدامه.
قال بتوتر: ليلى!
ردت بهدوء: إلهام كانت بتعمل إيه هنا؟
اتلخبط وقال: إنتي فهمتي غلط… كانت هنا عشان موضوع شغل.
ضحكت ليلى بسخرية: شغل؟
تمام.
هاني قرب منها: إنتي مصدقاني؟
بصت له وقالت:
آه.
مصدقاك.
لكن جواها كانت بتقول: أنا مش مصدقاك… أنا بس عايزاك تفتكر إني مصدقاك.
خرج هاني من المطبخ، وبعد ثواني موبايله رن.
ليلى بصت للموبايل اللي كان سايبه على الرخامة.
ظهرت رسالة من إلهام: هاني… لازم تعرفها الحقيقة قبل ما هي تكتشف إن ليلى مش مجرد مراتك.
ليلى اتجمدت مكانها.
مش مجرد مراتك؟
يعني إيه؟
إيه الحقيقة اللي هاني وإلهام مخبيينها عنها؟
والأصعب…
إيه اللي هيحصل لما ليلى تبدأ لعبتها هي؟
يتبع…
