رنا قربت من الحاجة فاطمة ووشها في وشها، ونبرة صوتها بقت واطية ومليانة سم: حفيدك ده.. هنشوف مين اللي هيعرف يثبت إنه ابنه أصلاً بعد ما نرفع قضية إنكار نسب بكره الصبح!
الكلمة دي خرجتني عن شعوري تماماً. فتحت باب الأوضة وخرجت زي الإعصار، عيوني مش شايفة غير رقبة الست دي: إنكار نسب لمين يا ست؟! يا من خدعتي يا محتالة!
رنا بصتلي بقرف، وبصت للراجلين اللي معاها وقالت بمنتهى القسوة والهدوء: فضوا الشقة دي.. ولو حد قاوم، ارموهم برة، والبوليس جاي في السكة يستلم البيه المطلوب لتنفيذ الأحكام!
الراجل الضخم مد إيده عشان يمسك أحمد من هدومه، وأحمد صرخ زي الحريم واستخبى ورا ضهر أمه! في نفس اللحظة، صوت سارينة بوليس عالية جداً بدأت تقرب من تحت العمارة، وصوت فرامل عربيات بتقف فجأة في الشارع رن في المكان كله!
رنا اتخضت وبصت من بلكونة الصالة بخوف: بوليس؟! مين اللي طلب البوليس في الوقت ده؟!
الحاجة فاطمة بصت في ساعتها، وابتسمت لأول مرة ابتسامة باردة ومرعبة، وقالت لها: أنا اللي طلبتهم يا روح أمك.. من نص ساعة، لما اتأكدت إنك جاية بنفسك ومعاكي الورق الباطل اللي هيوديكي إنتِ وشلة أبوكي ورا الشمس!
الباب كان مفتوح، وسمعنا صوت خطوات عسكرية تقيلة بتطلع السلم بسرعة، وصوت ظابط بيهتف بعلو صوته في مدخل الدور: محدش يتحرك! طمن مكانه! قوة مباحث الأموال العامة.. سلم نفسك يا أحمد إنت واللي معاك!
يتبع…
