
ي أمور شخصية مش من حق حد يتدخل فيها. بعد المؤتمر، اتصل بي وقال شوفتِ؟ ضحكت. أيوه، بس إنت بتتهرب من الإجابة. قال أنا مش بتهرب، أنا بحافظ على خصوصية حد مهم عندي. قلبي دق أسرع، لكني غيرت الموضوع. أخبار حسام إيه؟ ضحك. رجع الشغل، وبقى بيقول إنه بطل يطارد الحرامية عشان خاطرك. ضحكت لأول مرة من قلبي من فترة طويلة. وبعد أسبوع، استلمت أول مستند رسمي يثبت ملكيتي لأسهم الشركة، ومعاه تقرير شامل بالأملاك اللي تم استردادها. كريم قال لي مبروك يا أستاذة ملك، كده حقك بدأ يرجع رسميًا. مسكت الورق وبصيت له. أنا مش مصدقة. سليم كان واقف جنبي. قال تستاهلي أكتر من كده. بصيت له وقلت عارفة إنك ساعدتني كتير، ومش هنسى ده. رد أنا ما عملتش غير الصح. قلت بس مش كل الناس بتعمل الصح لما تكون عندها القدرة إنها تعمل العكس. ابتسم. وإنتِ كمان علمتيني إن القوة مش في إن الناس تخاف منك، القوة في إنك تقدر تخليهم يحترموك من غير خوف. عدت الأيام، وبدأت حياتي ترجع لطبيعتها. رجعت لشغلي، وقررت أحتفظ بوظيفتي رغم إن الفلوس اللي رجعت لي كانت كفاية إني أعيش من غير ما أشتغل. كنت عايزة أفضل ملك اللي تعبت عشان توصل لمكانها، مش ملك اللي فجأة بقت صاحبة ثروة. وفي يوم، سليم طلب يقابلني. اختار مطعم هادي وراقي، بعيد عن الصحافة والناس. لما وصلت، لقيته مستنيني على ترابيزة جنب الشباك. كان لابس بدلة سوداء، وابتسامته كانت مختلفة عن كل مرة. قعدت وقلت خير؟ فيه قضية جديدة؟ ضحك. لأ، النهارده مفيش قضايا ولا محامين ولا ملفات. أمال إيه؟ سكت لحظة، وبعدها قال أنا عايز أطلب منك طلب، بس قبل ما أتكلم، عايزك تعرفي إنك مش مطالبة توافقي. ابتسمت. اتفضل. قال وهو باصص في عيني أنا عايز أتعرف عليكي بعيد عن كل اللي حصل. مش عشان ورثك، ولا عشان شركتك، ولا عشان والدك كان صديق والدي. أنا عايز أعرف ملك نفسها. فضلت ساكتة. كمل عايز أعرف البنت اللي بتحب شغلها، واللي بتقدر تقول لأ حتى لو اللي قدامها أغنى راجل في البلد، واللي رغم كل اللي اتعرضت له لسه عندها قلب يسمح لها تبدأ من جديد. بصيت له وقلت وإنت فاكر إن ده سهل؟ ابتسم. لأ، وعشان كده مش مستعجل. سألته وإيه اللي يضمن لي إنك مش هتكون زي الناس اللي بتفتكر إن الفلوس والسلطة تخليهم يقرروا عن غيرهم؟ رد فورًا مفيش ضمان بالكلام. أنا هسيب أفعالي تثبت لك. بصيت له طويلًا. طيب، نبدأ بالتعارف. ابتسامته اتسعت. دي أحسن إجابة سمعتها من سنين. مرت شهور، وخلالها بدأت أشوف جانب مختلف من سليم. كان عنده طبع حاد في الشغل، لكنه عمره ما استخدمه معايا. كان بيسمعني، ويختلف معايا من غير ما يقلل مني، ولو وعدني بحاجة كان بينفذها. وفي مرة، كنا بنتكلم عن مشروع تطوير منطقة سكنية قديمة، وعرض عليّا أشارك في فريق التخطيط. وافقت بشرط إني أشتغل بكفاءتي، من غير أي معاملة خاصة. ضحك وقال كنت متوقع الشرط ده. بدأت أشتغل مع الفريق، واكتشفت إن الشركة فيها ناس محترمة كتير، وإن سليم رغم سمعته المخيفة كان بيحاول يبني نظام مختلف عن اللي ورثه من الشراكات القديمة. أما حسام، فكان كل ما يشوفني يقول نورتينا يا مدام ملك. أرد عليه مدام إيه يا حسام؟ لسه بدري. فيضحك ويقول أنا بس بحب أسبق الأحداث. وفي يوم، وصلتني رسالة من رقم خالتي نادية. عايزة أشوفك. عندي كلام مهم. فضلت باصة للرسالة وقت طويل. كنت لسه مش مستعدة أواجهها، لكني قررت أروح. قابلتها في مكان عام، بعد ما خلصت جزء من إجراءات المحاكمة. كانت قاعدة لوحدها، ووشها شاحب، وشعرها اللي كان دايمًا مرتب بقى فيه خصلات بيضا أكتر. أول ما شافتني، قامت. ملك. قعدت من غير ما أرد. قالت بصوت مكسور إنتِ وحشتيني. بصيت لها باستغراب. وحشتك؟ دموعها نزلت. أيوه. قلت بهدوء أنا طول عمري كنت قدامك، بس عمرك ما شوفتيّني. نزلت عينيها. أنا غلطت. غلطتي في إيه؟ سكتت. قلت في إنك أخدتي فلوسي؟ ولا في إنك خبيتي عني وصية جدي؟ ولا في إنك خليتيني طول عمري أحس إني أقل من بنتك؟ ولا في إنك حاولتي تبيعي سابرين لرجل أعمال عشان تضمني لنفسك مكانة؟ قالت وهي بټعيط كنت خاېفة. من إيه؟
من الفقر، من الناس، من إني أخسر كل حاجة. ابتسمت بحزن. فقر إيه يا خالتي؟ إنتِ كنتِ عايشة في بيت كبير، وعندك فلوس، وبنتك في أحسن المدارس. كنتِ خاېفة تخسري إيه أكتر من إنك تخسري ضميرك؟ حطت إيديها على وشها. أنا مش هطلب منك تسامحيني دلوقتي. قلت كويس، عشان أنا مش قادرة. رفعت عينيها. بس عايزة أقولك حاجة. أبوكي قبل ما ېموت، ساب لي رسالة، وقال لي أحافظ عليكي. قلبي انقبض. رسالة فين؟ قالت في درج مكتبه القديم، بس أنا خبيتها من سنين. سألتها ليه؟ ردت بصوت ضعيف لأنه كان بيقول إنه لو حصل له حاجة، لازم أوصلك الحقيقة عن الشركة وعن فؤاد. وأنا خفت… خفت أتورط. فضلت باصة لها، وبعدين قلت هتسلم الرسالة للمحامي. هزت راسها. هعمل كده. قمت، وقبل ما أمشي قالت ملك، أنا عارفة إني مش هقدر أرجع اللي ضيعته، بس أتمنى في يوم تبصي لي من غير كره. وقفت لحظة وقلت أنا مش عايزة أعيش عمري كله بكرهك، بس مش هقدر أرجع أثق فيكي. فيه فرق كبير بين إني أسامح، وبين إني أسمح لحد يأذيني تاني. ومشيت. الرسالة اتسلمت للمحامي، واتضح إنها كانت بتحتوي على تفاصيل مهمة عن ملكية بعض الأراضي، وكمان خطاب من والدي بيأكد إنه كان خاېف من فؤاد بعد ما اكتشف التلاعب. الخطاب ما كانش دليل إدانة لوحده، لكنه ساعد في استكمال التحقيقات. بعد فترة، صدر الحكم في جزء من القضية، واتعاقب فؤاد الراوي وعدد من المتورطين في التزوير والاستيلاء على الأموال، بينما استمرت إجراءات رد باقي الحقوق. نادية كمان اتحكم عليها بعقۏبة قانونية بسبب دورها في الاستيلاء على أموال ملك والتزوير في بعض المستندات. أما سابرين، فبعد ما قدمت شهادتها وتنازلت عن الأموال اللي وصلت لها من غير حق، بدأت حياة جديدة بعيد عن نفوذ أمها. اشتغلت في مجال تصميم الأزياء، وكانت بتبعت لي من وقت للتاني صور شغلها. العلاقة بيننا ما رجعتش زي الأول، لكنها بدأت تتغير بهدوء، من غير إجبار ولا وعود كبيرة. وفي يوم، كنت واقفة في مكتبي ببص على المخطط النهائي لمشروع جديد، لما لقيت سليم داخل ومعاه باقة ورد صغيرة. بصيت له وضحكت إيه ده؟ هو فيه مناسبة وأنا ناسية؟ قال فيه مناسبة. إيه؟ حط الورد على مكتبي وقال النهارده كملنا سنة من أول مرة دخلت فيها مطبخ بيت خالتك. ضحكت بصوت عالي. إنت




