Trending News

حماتي وبناتها

حكايات بسمه

الأرض بتدور بيا من كتر المفاجأة!
أبويا؟ أبويا الطيب اللي عمري ما سمعته بيتكلم عن حد وحش، ولا عمره قاللي إنه يعرف أي حد من أهل جوزي، طلع هو اللي أنقذ أخو حماتي زمان، وسكت وما جابش سيرة لأي مخلوق عشان ما يحرجنيش ولا يفضح حماتي قدامي؟! يا الله على أصل أبويا ونضافته!
أم أحمد رفعت راسها ببطء، عينيها كانت مليانة دموع قهر وذل، وبصتلي بنظرة عمري ما شفتها في عينها قبل كده.. نظرة انكسار حقيقي.
أما مروة ونهى، فكانوا في عالم تاني خالص. مروة كانت بتبص لأمها پصدمة ومش مصدقة إن كل الكبرياء والغرور اللي ربتهم عليه كان مبني على كدبة كبيرة وچريمة في حق إخواتها. نهى قامت من على السفرة بسرعة وهي بټعيط ودخلت أوضة جوه عشان مش قادرة تواجه نظرات جوزها وقرايبها اللي كانوا بيبصولهم بشفقة واستنكار.
أحمد جوزي قام من مكانه، ووقف في نص الصالة. كان باين عليه إنه مصډوم، بس لأول مرة من يوم ما اتجوزنا، شفت في عينه قوة وحزم عمري ما شفتهم قبل كده.
بص لأمه، وقال بصوت واطي بس فيه ۏجع الدنيا كلها
يعني طول السنين دي يا أمي.. كل ما كنتي بتقعدي تحكيلي عن أصلك وعيلتك وتعايريني إني اتجوزت سارة عشان أهلها مش من مستوانا، كان كل ده كدب؟! وطلعتي إنتِ اللي مکسورة العين قدام أبوها اللي بتتريقي عليه؟!
حاولت أم أحمد تتكلم وتدافع عن نفسها، قالت بصوت متقطع وهي بټعيط
يا أحمد يا ابني، أنا كنت صغيرة ومكنتش فاهمة! أنا كنت عايزة أعيش في مستوى كويس وما حسش بالفقر تاني! وأبوك سامحني، إنت جاي تحاسبني دلوقتي؟
أحمد هز راسه بأسف وقال
أنا مش بحاسبك على ماضيكي يا أمي..

ربنا هو اللي بيحاسب، وأبويا الله يرحمه ستر عليكي. أنا بحاسبك على اللي بتعمليه دلوقتي! بحاسبك على إنك بدل ما تحمدي ربنا إنه سترك ورفعك، بقيتي تتكبري على خلق الله، وبتذلي مراتي كل يوم في الرايحة والجاية، وعاملة عزومة النهاردة مخصوص عشان تكسري نفسها قدام عيلتي!
قرب أحمد مني، ومسك إيدي قدام كل العيلة، وباس راسي قدام أمه وأخواته وكل عمامه وعماته، وقال بصوت عالي عشان الكل يسمع
أنا آسف يا سارة.. آسف إني كنت بسكتلك لما كانوا بيغلطوا فيكي وفي أهلك، وآسف إني مكنتش عارف قيمة الراجل المحترم اللي إنتِ بنته. أبوكي يا سارة تاج على راسي، وأصله يسوى كنوز الدنيا كلها.
دموعي نزلت ڠصب عني، بس المرة دي ما كانتش دموع قهر ولا ذل.. كانت دموع راحة، دموع جبر خاطر من ربنا اللي ما بيضيعش حق حد صبر وسكت عشان يحافظ على بيته.
بصيت لحماتي اللي كانت قاعدة مڼهارة ومحدش من الضيوف قادر حتى يبص في وشها، والكل بدأ يقوم يعتذر ويمشي واحد ورا التاني في صمت محرج، والعزومة اللي كانت معمولة عشان تبقى ڤضيحة ليا، اتحولت لأكبر درس قاسې في حياتهم كلهم.
قربت من حماتي بهدوء قبل ما أمشي أنا وأحمد. مروة كانت واقفة جنب أمها ومنزلة راسها في الأرض ومكسوفة ترفع عينها في عيني.
وقفت قدام أم أحمد، وما شمتش فيها، ولا رديت لها الإهانة بإهانة، لأن التربية والأصل اللي أبويا رباني عليهم ما يسمحوليش أعمل كده. قلتلها بصوت هادي جدًا
يا حاجة سعاد.. أبويا علمني إن الفقر عمره ما كان عيب، والغنى عمره ما كان بالفلوس ولا بالدهب اللي في الإيد. الغنى غنى النفس والأصل الطيب. وأنا

عمري ما هحكي لأبويا عن اللي سمعته
النهاردة، ولا هعايرك بيوم عدى عليكي، لأن اللي يتربى في بيت الحاج حسن ما بيفضحش حد ولا بيشمت في كسرة حد.
أم أحمد رفعت عينيها المليانة دموع وبصتلي بذهول. الكلام نزل عليها أثقل من أي شتيمة أو زعيق. حسّت وقتها بالفرق الحقيقي بينها وبين البنت اللي كانت بتقول عليها أقل من مستواهم.
مسكت إيد أحمد، وخرجنا من الشقة، ومن ورايا سمعت صوت الحاجة فوزية وهي بتقول بصوت واطي بارك الله في اللي رباكي يا بنتي.
بعد مرور شهور على العزومة دي..
الدنيا اتغيرت تمامًا.
الغطرسة والتكبر اللي كانوا ماليين بيت حماتي اختفوا تمامًا. مروة ونهى اتعلموا درس عمرهم ما هينسوه، وبقوا يتعاملوا معايا بمنتهى الأدب والاحترام، بل إنهم بقوا يتكسفوا يرفعوا صوتهم أو يرموا أي كلمة وحشة.
أما أم أحمد.. فبعد العزومة بأسبوعين، جت بنفسها لحد بيتنا، وجابت معاها هدية بسيطة، وطلبت من أحمد إنها تروح معانا تزور أبويا في بيته.
ويوم ما رحنا لبيت أبويا البسيط، اللي كانت زمان بتستعر تدخله، أبويا استقبلها بأحلى ترحيب وأكرمها كأنها ملكة، وما حسسهاش لحظة واحدة بأي حاجة من الماضي. ساعتها بس، أم أحمد عيطت بجد، وباعتذار صادق، وطلبت من أبويا السماح، ووعدت إنها هتتصالح مع أخوها اللي قطعته من سنين.
واتعلمت يومها إن ربنا سبحانه وتعالى عادل، وإنك مهما اتظلمت أو اتعايرت بظروفك، اوعى تتكسف من أصلك ولا من تعب أهلك.. لأن الزمن دوار، واللي بيبني كبرياءه على كسر خواطر الناس، بيجي عليه يوم والقدر نفسه هو اللي بيكشف المستور، وبيرفع المظلوم فوق الكل من

غير ما ينطق بكلمة واحدة!
تمت

4 من 4التالي
تابع المقال

Leave a Reply

Your email address will not be published. Required fields are marked *

Check Also
Close
Back to top button